ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵎⵏⵉⴷ ⵏ ⵡⴰⴷⴷⴰⴷ ⵏ ⵓⵣⵣⵉⴳⵣ ⵏ ⵓⵖⴰⵡⴰⵙ ⵡⵉⵙⵙ ⵙⵎⵎⵓⵚ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ ⴳ ⵓⵙⵉⵡⵔ ⴰⵏⴰⵎⵓⵔ

22 ⵢⵓⵏⵢⵓ 2013 Version Imprimable

ⵊⵕⴰⴷⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵊⵕⴰⴷⴰ, ⴰⵙⵎⵏⵉⴷ ⵏ ⵡⴰⴷⴷⴰⴷ ⵏ ⵓⵣⵣⵉⴳⵣ ⵏ ⵓⵖⴰⵡⴰⵙ ⵡⵉⵙⵙ ⵙⵎⵎⵓⵚ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ (ⵉⵏⴷⵀ) ⴳ ⵓⵙⵉⵡⵔ ⴰⵏⴰⵎⵓⵔ, ⵍⵍⵉ ⵢⵉⴳⴰⵏ ⴰⵖⴰⵡⴰⵙ ⵏ ⵜⵙⵖⵉⵢⵜ ⵜⴰⵎⵓⵔⴰⵏⵜ.

ⴳ ⵍⴱⴷⵓ ⵏ ⵓⵍⵎⵓⵇⵇⴰⵕ ⴰⴷ, ⵉⵙⵎⵏⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙⵙ ⵎⵃⵏⴷ ⵍⵃⵏⵚⵕ ⴳ ⵓⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⵜⴰⵎⴰⵖⵓⵏⵜ ⵏ ⵜⴽⵍⵉ ⵜⵉⵙⵙ ⵙⵏⴰⵜ ⵏ ⵜⵙⵏⵜⴰⵢⵜ « ⵉⵏⴷⵀ» ⵍⵍⵉ ⵖ ⵜⴱⴷⴰ ⴳ ⵢⵓⵏⵢⵓ 2011. ⵉⴼⴽⴰ ⵓⵎⴰⵡⵙⴰⵙ ⵓⵍⴰ ⵜⵉⴳⴰⵡⵉⵏ ⵜⵜⵓⵙⴽⴰⵔⵏⵉⵏ ⴳ ⵉⴳⵔ ⵏ ⵓⵖⴰⵡⴰⵙ ⵏ ⵜⵙⵖⵉⵢⵜ ⵜⴰⵎⵓⵔⴰⵏⵜ.

ⵜⵉⵙⵖⵉⵢⵜ ⴰⴷ ⵔⴰ ⴷ ⵜⵙⴷⵓⴷ ⵜⴰⴼⴰⴷⵉⵡⵉⵏ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⵏ 3.300 ⵏ ⵓⴷⵡⵡⴰⵕ ⵍⵍⴰⵏⵉⵏ ⴳ ⵉⴷⵖⴰⵔⵏ ⴰⴳⴳⵓⴳⵏⵉⵏ ⵍⵍⵉ ⵖ ⵍⵍⴰⵏ ⵉⴱⵔⵉⴷⵏ ⵉⵎⵓⵄⴰⵕ, ⵎⴰⵢⴰⴷ ⴰⴷ ⵉⵏⵏⴰ ⵎⴰⵙⵙ ⵍⵄⵏⵚⵕ.

ⴳ ⵉⴳⵔ ⵏ « ⵓⵙⴷⵓⴷ ⵏ ⵜⵏⴰⴼⵓⵜⵉⵏ ⵏ ⵜⴷⵓⵙⵉ » ⵉⵎⵄⵏ ⵓⵖⴰⵡⴰⵙ 50 ⵏ ⵜⵎⵙⵙⵓⴷⵓⵜ ⵏ ⵉⵎⵓⴹⴰⵏ, ⵉⴱⵏⵓ ⵏⵖ ⵉⵕⵥⵎ ⴰⵙⵙⵓⴼⵖ ⵏ 69 ⵏ ⵜⴳⵎⵎⵉ ⵏ ⵉⵎⵙⴳⵏⴰⴼ ⴷ ⵓⵏⵙⵎⴰⴳⴰⵍ. ⵉⵙⵖⵉⵡⵙ ⵓⵍⴰ ⵍⴱⵏⵉ ⵏ 8 ⵏ ⵡⴰⵎⵎⴰⵙ ⵉⴷⵓⵙⴰⵏⵏ ⵉⴼⴰⵔⴰⵏⵏ ⴳ 2013-2015, ⵖⵎⴽⵍⵍⵉ ⵙ ⵉⵏⵏⴰ ⵓⵎⴰⵡⵙⴰⵙ.

ⵉⵙⴰⵡⵍ ⵎⴰⵙⵙ ⵍⵃⵏⵚⵕ ⵓⵍⴰ ⵅⴼ ⵉⴳⵔ ⵏ ⵓⵙⵏⴰⵍ ⵏ ⵓⵙⴳⵎⵉ ⵍⵍⵉⵖ ⵜⵜⵓⵙⴽⴰⵔⵏ 651 ⵏ ⵜⴳⵎⵎⵉ ⴳⵔ 2011 ⴷ 2013, ⴷ ⵉⴳⵔ ⵏ ⵉⵖⴰⵔⴰⵙⵏ (423 ⵏ ⵓⴽⵉⵍⵓⵎⵉⵟⵕ ⴰⴷ ⵉⵜⵜⵓⵙⴽⴰⵔⵏ ⵏⵖ ⴰⴷ ⵙⵓⵍ ⵉⵜⵜⵓⴱⵏⴰⵏ). ⵉⵙⴰⵡⵍ ⵓⵍⴰ ⵅⴼ ⴷ ⵓⵙⵎⴰⵜⴰ ⵏ ⵓⵥⴰⵕⵓⵕ ⴰⴼⴰⵔⴰⵏ ⵍⵍⵉⵖ ⵙⵙⴱⵖⵔⵏ 2.432 ⵏ ⵓⴷⵡⵡⴰⵕ.

Dernière modification : 22 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%A3%E2%B5%A3%E2%B5%89%E2%B4%B3%E2%B5%A3-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%9A-%E2%B5%8F-%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C#comment-0