ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵊⵕⴰⴷⴰ ⵢⴰⵏ ⵓⵙⵏⵜⵉ ⵏ ⵓⵙⵉⵣⴷⴳ ⵏ ⵡⴰⵎⴰⵏ

22 ⵢⵓⵏⵢⵓ 2013 Version Imprimable

ⵊⵕⴰⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ , ⴰⵙⵙ ⵏ ⵓⵙⵉⴹⵢⴰⵙ ⴳ ⵊⵕⴰⴷⴰ, ⵢⴰⵏ ⵓⵙⵏⵜⵉ ⵏ ⵓⵙⵉⵣⴷⴳ ⵏ ⵡⴰⵎⴰⵏ, ⵍⵍⵉ ⵢⵉⴳⴰⵏ ⵢⴰⵏ ⴳ ⵉⴼⵔⴷⴰⵙ ⵏ ⵓⵖⴰⵡⴰⵙ ⵏ ⵜⵉⵙⵖⵉⵢⵜ ⵏ ⵜⴷⴰⵎⵙⴰ ⴷ ⵓⵏⴰⵎⵓⵏ ⵏ ⵜⴰⵙⴳⴰ ⵏ ⵊⵕⴰⴷⴰ.

ⴰⵙⵏⵜⵉ ⵢⴰⴷ ⵍⵍⵉ ⵔⴰ ⴷ ⵉⵜⵜⵓⵙⴽⴰⵔ ⵙ 83 ⵏ ⵓⵎⵍⵢⵓⵏ ⵏ ⵓⴷⵔⵀⵎ, ⵔⴰ ⴷ ⴷ ⵢⴰⵡⵉ ⵜⴰⵎⵔⴰⵔⵓⵜⵉⵏ ⵏ ⵜⵏⵥⵕⵜ ⵏ ⵜⵄⵄⵓⵕⵎⴰ. ⵔⴰ ⴷ ⵉⵙⴼⴰⵍⴽⵉ ⵓⵍⴰ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵜⴷⵎⴷⵉⵏⵜ ⵏ ⵊⵕⴰⴷⴰ ⵉⵏⵀⵍ ⵓⵍⴰ ⴰⵡⵏⴰⴹ.

ⵔⴰ ⴷ ⵉⵜⵜⵓⵙⴽⴰⵔ ⵓⵙⵏⵜⵉ ⵢⴰⴷ ⴳ 24 ⵏ ⵡⴰⵢⵢⵓⵔ, ⵍⵍⵉ ⵖ ⵔⴰ ⴷ ⵉⵜⵜⵓⵙⵎⵖⵓⵕ ⵓⵥⵟⵟⴰ ⵏ ⵓⵙⵉⵣⴷⴳ ⴷ ⵓⵙⴷⵓⴷ ⵏ ⵓⵙⵎⴽⵍ ⵏ ⵡⴰⵎⴰⵏ ⵏ ⵓⵏⵥⴰⵕ. ⵔⴰ ⴷ ⵜⵜⵓⵙⴽⴰⵔⵏ ⵉⵙⵏⵜⴰ ⴰⴹⵏⵉⵏ ⵣⵓⴷ ⵢⴰⵏ ⵓⵙⵔⵙ ⵏ ⵜⴰⵣⴷⴳⵉ ⵏ ⵡⴰⵎⴰⵏ.

ⴰⵖⴰⵡⴰⵙ ⴰⴷ ⵏ ⵜⵙⵖⵉⵢⵜ ⴷ ⵜⴳⵎⵉ ⵏ ⵜⴷⴰⵎⵙⴰ ⴷ ⵓⵏⴰⵎⵓⵏ ⵏ ⵜⴰⵙⴳⴰ ⵏ ⵊⵕⴰⴷⴰ (314,1 ⵏ ⵓⵎⵍⵢⵓⵏ ⵏ ⵓⴷⵔⵀⵎ) ⵔⴰ ⴷ ⴳⵉⵙ ⵜⵉⵍⵉ ⵜⵙⵖⵉⵢⵜ ⵜⴰⵎⵓⵔⴰⵏⵜ ⵏ 8 ⵏ ⵜⴳⵔⴰⵡⵉⵏ, ⴰⵙⴷⵓⴷ ⵏ ⵓⵥⵟⵟⴰ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵏⵏⴰⵍ ⵏ ⵉⵙⵏⵜⴰ ⵏ ⵜⵏⴼⵍⴰⵃⵜ.

ⵔⴰ ⴷ ⵉⵙⴷⵓⴷ ⵓⵍⴰ ⵜⵓⴳⵉ ⵏ ⵓⵙⵡⵓⵔⵉ ⵢⵉⵍⵉ ⴳⵉⵙ ⵍⴱⵏⵉ ⵏ ⵢⴰⵏ ⵓⴳⵣⵣⵓⵎ ⵉⵥⵍⵉⵏ ⵙ ⵉⵊⵉⵊⵊⵉ ⵏ ⵜⵎⵓⴹⴰⵏ ⵏ " ⵙⵙⵉⵍⵉⴽⵓⵣ" ⴷ ⵓⵎⵄⴰⵏ ⵏ 5 ⵏ ⵜⵎⵙⵙⵓⴷⵓⵜ ⵏ ⵉⵎⵓⴹⴰⵏ ⴷ ⵙⵏⴰⵜ ⵜⴳⵣⵣⵓⵎⵉⵏ ⵏ ⵜⵙⵏⵉⵊⵊⵉⵜ.

Dernière modification : 22 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3-%E2%B5%8A%E2%B5%95%E2%B4%B0%E2%B4%B7%E2%B4%B0-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B5%89%E2%B5%A3%E2%B4%B7%E2%B4%B3-%E2%B5%8F-%E2%B5%A1%E2%B4%B0%E2%B5%8E%E2%B4%B0%E2%B5%8F#comment-0