ⵉⵏⵏⴰ ⵎⴰⵙⵙ ⵍⴼⵜⵉⵜ, ⴷⴰⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⴰⵎⵉⵡⴰⵏ ⵅⴼ ⵜⵎⴰⵖⵓⵏⵜ ⵏ ⵉⵎⴰⴽⵏ ⵍⵍⵉ ⵢⵜⵜⵢⵓⵎⴰⵥⵏ ⵙⴳ ⵜⴳⵍⴷⵉⵜ ⴷⴰⵜ ⵏ ⵓⴼⵉⵔⵓⵙ "ⴽⵓⵕⵓⵏⴰ" "ⴽⵓⴼⵉⴷ-19", ⵎⴰⵙ ⵜⴰⵙⴳⵓⵔⵉ ⵅⴼ ⴽⵔⴰ ⵏ ⵜⵖⵜⴰⵙⵉⵏ ⴳ ⵡⵙⵙⴰⵏ ⴰⴷ ⵉⵣⵔⵉⵏ ⵓⵔ ⵉⴳⴰ ⵡⵎⴰⵏⴽ ⵏⵏⵙ ⵉⵙ ⵔⴰⴷ ⵉⴽⴽⵯⵙ ⵡⴰⴷⴷⴰⴷ ⵏ ⵓⵖⴰⵡⵍ ⵏⵖⴷ ⵔⴰⴷ ⵏⴼⴼⵖ ⵙⴳ ⵓⵥⵍⴰⵢ ⴰⴷⵓⵙⴰⵏ, ⴷ ⵉⵙ "ⵉⵅⵚⵚⴰ ⴰⴷ ⵏⵍⵜⵖ ⵉⵙⵡⵓⴷⴷⵓⵏ ⵏ ⵓⵃⵟⵟⵓ ⵉⵜⵜⵢⵓⵎⴰⵥⵏ ⴰⵛⴽⵓ ⵉⵍⵍⴰ ⵙⵓⵍ ⵓⵎⵏⵣⵉ ⵏ ⵓⵣⵣⵉⴳⵣ ⵏ ⵓⴼⵉⵔⵓⵙ".
ⵉⴼⵔⴰ ⵢⵏⵏⴰ ⵎⴰⵙ ⵉⵅⵚⵚⴰ ⴰⴷ ⵉⵔⵏⵓ ⴽⵔⴰ ⵢⴳⴰⵜⵜ ⵢⴰⵏ ⴰⵃⵟⵟⵓ ⵏ ⵉⵎⴰⴽⵏ ⵉⵜⵜⵢⵓⵎⴰⵥⵏ ⴰⵔ ⴽⵉⵖ ⵜⵜⵢⴰⵎⴰⵥ ⵜⵖⵜⴰⵙⵜ ⴳ ⵓⵣⵎⵎⵣⵓ ⵢⴰⴷ, ⵉⵙⴷⴷⵉⴷ ⴳ ⵓⵙⴰⵜⵉ ⵢⴰⴷ ⵎⴰⵙ ⵜⵡⵓⵔⵉ ⵙ "ⵡⴰⴷⴷⴰⴷ ⵏ ⵓⵖⴰⵡⵍ ⵏ ⵜⴷⵓⵙⵉ", ⵢⵉⵡⵉⴷ ⵜⵉⵍⴽⴰⵎⵉⵏ ⵉⴼⵓⵍⴽⵉⵏ ⵙⴳ 20 ⵎⴰⵕⵚ 2020, ⴷ ⵉⵇⵇⴰⵎⴰ ⴰⴷ ⵉⴼⵔⴽ ⴽⵔⴰ ⵢⴳⴰⵜⵜ ⵢⴰⵏ ⵅⴼ ⵜⵔⵏⵓⵜ ⵏ ⵜⵍⴽⴰⵎⵉⵏ ⴰⴷ.