"ⴰⵖⴰⵡⴰⵙ ⵏ ⵜⵏⴱⴰⴹⵜ ⴳ ⵓⵎⵏⵉⴷ ⵏ ⵓⴽⴽⵯⵙ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ" ⴰⵎⵎⴰⵙ ⵏ ⵜⵉⵔⵎⵜ ⵜⴰⵎⵙⴳⴳⵯⴰⵙⵜ ⵅⴼ ⵜⵙⵔⵜⵉⵜ ⵜⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ 11 ⵢⵓⵏⵢⵓ

03 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵔⴰⴷ ⵉⵙⵎⵓⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵔⵎⵜ ⵜⴰⵡⴰⵢⵢⵓⵔⵜ ⵅⴼ ⵜⵙⵔⵜⵉⵜ ⵜⵎⴰⵜⴰⵢⵜ, ⴰⵙⵙ ⵏ 11 ⵢⵓⵏⵢⵓ ⴰⴷ, ⵅⴼ ⵓⵙⴳⵓⵎ "ⴰⵖⴰⵡⴰⵙ ⵏ ⵜⵏⴱⴰⴹⵜ ⴳ ⵓⵎⵏⵉⴷ ⵏ ⵓⴽⴽⵯⵙ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ".

ⵢⵓⵛⴽⴰⴷ ⴳ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉ ⵢⴼⴼⵖⵏ ⴷⴼⴼⵉⵔ ⵏ ⵜⵙⵎⵓⵏⵉ ⵜⵎⵍⴰⵙⵙⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵉⴹ ⵍⵍⵉ ⵏ ⴰⵙⵙ ⵏ ⵓⵙⵉⵏⴰⵙ ⵙ ⵜⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵜⵓⵥⵕⵉⴼⵜ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ, ⵎⴰⵙ "ⵉⵖⵜⵙ ⵓⵙⵉⵔⴰ ⵏ ⵓⵙⵇⵇⵉⵎ ⵙ ⵓⵎⵙⴰⵙⴰ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⵉⵙⵎⵓⵏ ⵢⴰⵜ ⵜⵉⵔⵎⵜ ⵜⴰⵎⵙⴳⴳⵯⴰⵙⵜ ⵉⵥⵍⵉⵏ ⵙ ⵜⵙⵔⵜⵉⵜ ⵜⵎⴰⵜⴰⵢⵜ ⴰⵙⵙ ⵏ ⵓⴽⵡⴰⵙ 11 ⵢⵓⵏⵢⵓ, ⵔⴰⴷ ⵙⴰⵡⵍⵏ ⵜⵡⵓⵔⵉⵡⵉⵏ ⵏⵏⵙ ⵅⴼ "ⴰⵖⴰⵡⴰⵙ ⵏ ⵜⵏⴱⴰⴹⵜ ⴳ ⵓⵎⵏⵉⴷ ⵏ ⵓⴽⴽⵯⵙ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ".

ⴰⵎⵎⴰ ⵎⴰⴷ ⵉⴳⴳⵔⵏ ⵉ ⵡⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ, ⵣⵎⵎⴻⵎⵏ ⵉⴳⵎⴰⵎⵏ ⵏ ⵓⵙⵉⵔⴰ ⴰⴷⴷⵓⵔ ⵏ ⵜⵙⵎⵓⵏⵉⵏ ⵍⵍⵉ ⵢⵙⴽⵔ ⵓⴳⵔⴰⵡ ⴰⵎⵖⵍⴰⵍ ⴳ ⵉⵎⴰⵍⴰⵙⵙⵏ ⴰⴷ ⵉⵣⵔⵉⵏ, ⵎⴰ ⵢⴰⴷ ⵉⴼⴽⴰⵏ ⵓⵣⵎⵣ ⵉ ⵡⴳⵔⴰⵡ ⵏ ⵉⴳⵔⵏ ⵉⵏⴰⵎⵓⵏⵏ, ⴷ ⵓⴳⵔⴰⵡ ⵏ ⴱⵕⵕⴰ ⴷ ⵓⵎⵏⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⴷ ⵓⴳⵔⴰⵡ ⵏ ⵓⵙⵍⵎⴷ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵓⴳⵔⴰⵡ ⵏ ⵜⴷⴷⴰⵡⵉⵏ ⵉⴷⵍⵙⴰⵏ ⴷ ⵜⵥⵥⵕⴰ ⴷ ⵉⵖⵣⵓⵏ, ⴷ ⵓⴳⵔⴰⵡ ⵏ ⵜⵉⴹⴰⴼ ⵏ ⵓⵥⵕⴼ ⵜⵎⴰⵜⴰⵢⵜ, ⴷ ⵓⴳⵔⴰⵡ ⵏ ⵓⵣⵔⴼ ⴷ ⵜⵓⵥⵕⵉⴼⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴼ ⴰⴷ ⵙⴰⵇⵙⴰⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵅⴼ ⵓⵙⵡⵓⴷⴷⵓ ⵏ ⵉⴳⵔⵏ ⵉⵏⴱⴰⴹⵏ ⵏ ⵡⴰⴷⴷⴰⴷ ⵏ ⵓⵃⵕⵚ ⵏ ⵜⴷⵓⵙⵉ ⴰⵏⴰⵎⵓⵏ ⵏⵖⴷ ⴰⴷⵎⵙⴰⵏ, ⴷ ⴰⴷ ⵙⵙⵏⵏ ⵉⴷⴷⴰⴷⵏ ⵉⴳⴷⵓⴷⴰⵏ ⴷ ⵉⵎⴰⴽⵏ ⵉⵜⵜⵢⴰⵎⴰⵥⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B3-%E2%B5%93%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B4%BD%E2%B4%BD%E2%B5%AF%E2%B5%99-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B5%89%E2%B5%94%E2%B5%8E%E2%B5%9C-%E2%B5%9C%E2%B4%B0%E2%B5%8E%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99%E2%B5%9C