ⵎⴰⵙⵙ ⴱⵓⵕⵉⵟⴰ : ⵔⴰⴷ ⵜⴱⴷⵓ ⵜⵎⵀⵎⴰ ⵏ ⵓⴷⵡⴰⵍ ⵏ ⵉⵎⵖⵔⴰⴱⵉⵏ ⵉⵇⵇⴰⵎⴰⵏ ⴳ ⵚⴱⵍⵢⵓⵏ ⴳ 48 ⵜⵙⵔⴰⴳⵜ ⴰⴷ ⵢⵓⵛⴽⴰⵏ

09 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵙⴳⵓⵔⴰ ⵡⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵎⴰⵙ ⵔⴰⴷ ⵉⴷⴱⵓ ⵡⴷⵡⴰⵍ ⵏ ⵉⵎⵖⵔⴰⴱⵉⵏ ⵉⵇⵇⴰⵎⴰⵏ ⴳ ⵚⴱⵍⵢⵓⵏ ⴳ 48 ⵜⵙⵔⴰⴳⵜ ⴰⴷ ⵢⵓⵛⴽⴰⵏ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ, ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⴰⵎⴰⵙⵙⴰⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙ "ⴳ 48 ⵜⵙⵔⴰⴳⵜ ⴰⴷ ⵢⵓⵛⴽⴰⵏ, ⵔⴰⴷ ⵜⴱⴷⵓ ⵜⵎⵀⵍⴰ ⵏ ⵓⴷⵡⴰⵍ ⵏ ⵉⵎⵖⵔⴰⴱⵉⵏ ⵉⵇⵇⴰⵎⴰⵏ ⴳ ⵚⴱⵍⵢⵓⵏ, ⴷⴰⵜ ⴰⴷ ⵜⵙⵙⵓⵙⵄⴰ ⴰⴼ ⴰⴷ ⵜⵍⴽⵎ ⵜⵓⵕⴽⵢⴰ ⴷ ⴼⵕⴰⵏⵚⴰ ⴷ ⵉⵡⴰⵏⴽⵏ ⵏ ⵍⵅⴰⵍⵉⵊ ⴷ ⵉⵡⴰⵏⴽⵏ ⵉⴼⵔⵉⵇⵉⵏ, ⴳ ⵓⵙⴰⵜⵉ ⵏ ⵓⴼⴰⵔⴽ ⵏ ⵉⵙⵡⵓⴷⴷⵓⵏ ⵏ ⵙⵙⵍⴰⵎⵜ ⵏ ⵜⴷⵓⵙⵉ".

ⵉⴼⵔⴰ ⵢⵏⵏⴰ ⵡⵎⴰⵡⵙⴰⵙ ⵎⴰⵙ ⴳ ⵓⵙⴰⵜⵉ ⵢⴰⴷ, "ⵜⵔⵏⴰ ⵙⵓⵍ ⵜⵎⵀⵍⴰ ⴷ ⵍⵍⴰⵏ ⵜⵡⵓⵔⵉⵡⵉⵏ ⵏ ⵓⵙⵓⵊⴷ ⵓⴷⵡⴰⵍ ⵏ ⵎⴷⴷⵏ ⵉⵍⵍⴰⵏ ⴳ ⵚⴱⵍⵢⵓⵏ, ⴷ ⵔⴰⴷ ⵉⴱⴷⵓ ⵡⴷⵡⴰⵍ ⵏ ⵡⵉⵏⵏ ⵉⵍⵍⴰⵏ ⴳ ⵉⴼⴼⵓⵙ ⵏ ⵜⵎⴰⵣⵉⵔⵜ, ⵙⵍⴰⵡⴰⵏ ⴰⴽⴽⵯ ⵜⴳⵣⵉⵔⵜ ⵜⴰⵣⴳⵣⴰⵡⵜ ⴷ ⵜⵙⴳⴰ ⵏ ⵎⴰⴷⵔⵉⴷ ⴷ ⵜⵙⴳⴰ ⵏ ⴽⴰⵟⴰⵍⵓⵏⵢⴰ ⴷ ⵜⵙⴳⴰ ⵏ ⵜⵎⴰⵣⵉⵔⵜ ⵏ ⵍⴱⴰⵙⴽ, ⴷ ⵔⴰⴷ ⵜⵃⴱⵓ ⵜⵎⵀⵍⴰ ⴷⴼⴼⵉⵔ ⵏ ⵖⵉⴽⴰⵏⵏ ⵜⵓⵕⴽⵢⴰ ⴷ ⵉⵡⴰⵏⴽⵏ ⵏ ⵍⵅⴰⵍⵉⵊ ⴷ ⴼⵕⴰⵏⵚⴰ ⴷ ⵉⵡⴰⵏⴽⵏ ⵢⴰⴹⵏⵉⵏ ⴷⴷⵓ ⵏ ⵢⴰⵏ ⵓⵖⴰⵡⴰⵙ ⴷ ⵉⵏⵎⴰⵍⵏ ⵏ ⵓⵙⵜⴰⵢ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%94%E2%B4%B0%E2%B4%B7-%E2%B5%9C%E2%B4%B1%E2%B4%B7%E2%B5%93-%E2%B5%9C%E2%B5%8E%E2%B5%80%E2%B5%8E%E2%B4%B0-%E2%B5%8F-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%8F-%E2%B5%89%E2%B5%87%E2%B5%87%E2%B4%B0%E2%B5%8E%E2%B4%B0%E2%B5%8F-%E2%B4%B3-%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F-%E2%B4%B3-48-%E2%B5%9C%E2%B5%99%E2%B5%94%E2%B4%B0%E2%B4%B3%E2%B5%9C-%E2%B4%B0%E2%B4%B7