ⵜⴰⵡⵡⵓⵔⵜ ⵏ ⵓⵙⵍⵎⴰⴷ ⵙ ⵡⴰⴳⴳⵓⴳ "ⵜⵉⵍⵎⵉⴷ ⵜⵉⵙ" ⵜⴼⴽⴰ ⵉ ⵢⵏⵍⵎⴰⴷⵏ ⴰⵣⵣⵓⵣⵔ ⵓⵙⵔⵉⴷ ⵙ ⵜⵎⵜⵜⴰ ⵜⵉⵎⴰⵟⵟⵓⵏⵉⵏ ⴼⴰⴱⵓⵕ ⴱⵍⴰ "ⵉⵏⵜⵉⵔⵏⵉⵜ"

12 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵎⴰⵙ ⵜⵡⵡⵓⵔⵜ "ⵜⵉⵍⵎⵉⴷ ⵜⵉⵙ" (TelmidTICE) ⵜⵥⴹⴰⵕ ⴰⴷ ⵜⴼⴽ ⵉ ⵢⵏⵍⵎⴰⴷⵏ ⵙ ⵓⵣⵣⵓⵣⵔ ⵓⵙⵔⵉⴷ ⵜⵉⵎⵜⵜⴰ ⵜⵉⵎⴰⵟⵟⵓⵏⵉⵏ ⴼⴰⴱⵓⵕ ⴱⵍⴰ ⴰⴷ ⴷⴰⵔⵜⵏ ⵉⵍⵉ "ⵉⵏⵜⵉⵔⵏⵉⵜ".

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙ ⵓⵎⴰⴽ ⴰⴷ ⵉⵔⴰ ⴰⴷ ⵉⵙⴷⵓⵙ ⵓⵙⵙⵉⴳⵍ ⵏ ⵉⵣⵎⵣⵏ ⴳⵔ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ, ⵓⵍⴰ ⴰⴷ ⵙⴱⵖⵔⵏ ⵉⵏⵍⵎⴰⴷⵏ ⵙⴳ ⴰⴽⴽⵯ ⵜⵎⵙⵔⴷⵉⵏ ⵍⵍⵉ ⵜⴼⴽⴰ ⵜⵡⵡⵓⵔⵜ ⵙⵍⴰⵡⴰⵏ ⴰⴽⴽⵯ ⵉ ⵓⵏⵏⴰⵍ ⴷ ⵓⵙⵓⵊⵊⴷ ⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⵍⵍⵉ ⵜⴼⴽⴰ ⵜⵎⴰⵡⴰⵙⵜ ⵍⴱⴷⵓ ⵏⵏⵙ ⴳ ⵡⵙⵙⴰⵏ ⴰⴷ ⵉⵣⵔⵉⵏ.

ⵜⵙⵓⵍ ⵜⵏⵏⴰ ⵎⴰⵙ ⴰⵙⵔⵙ ⵏ ⵜⵏⴰⴼⵓⵜ ⴰⴷ ⵉⴳⴰ ⵜⵙⵢⴰⴼⵓⵜ ⵏ ⵜⵡⵓⵔⵉ ⵉⵛⵛⴰⵔⵏ ⴳⵔ ⵉⵙⴰⵜⵉⵏ ⵏ ⵜⵎⴰⵡⴰⵙⵜ ⴷ ⵢⴰⵏ ⵓⵎⵙⴽⴰⵔ ⴳ ⵉⴳⵔ ⵏ ⵉⵎⵙⴰⵡⴰⴹⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%A1%E2%B5%A1%E2%B5%93%E2%B5%94%E2%B5%9C-%E2%B5%8F-%E2%B5%93%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B5%99-%E2%B5%A1%E2%B4%B0%E2%B4%B3%E2%B4%B3%E2%B5%93%E2%B4%B3-%E2%B5%9C%E2%B5%89%E2%B5%8D%E2%B5%8E%E2%B5%89%E2%B4%B7-%E2%B5%9C%E2%B5%89%E2%B5%99-%E2%B5%9C%E2%B4%BC%E2%B4%BD%E2%B4%B0-%E2%B5%89-%E2%B5%A2%E2%B5%8F%E2%B5%8D%E2%B5%8E%E2%B4%B0%E2%B4%B7%E2%B5%8F-%E2%B4%B0%E2%B5%A3%E2%B5%A3%E2%B5%93%E2%B5%A3%E2%B5%94-%E2%B5%93%E2%B5%99%E2%B5%94%E2%B5%89%E2%B4%B7-%E2%B5%99-%E2%B5%9C%E2%B5%8E%E2%B5%9C%E2%B5%9C%E2%B4%B0