ⵔⴰⴷ ⵜⵡⵓⵔⵉ ⵜⵏⴱⴰⴹⵜ ⴰⴼⴰⴷ ⵜⵙⴳⵓⵔⴰ ⵉⵎⵉⴽ ⵙ ⵉⵎⵉⴽ ⵅⴼ ⵉⴼⵔⵓⵔⵉⵏ ⵏ ⵜⴽⵍⵉⵏ ⴰⴷ ⵢⵓⵛⴽⴰⵏ ⵏ ⵓⵙⴼⵙⵙⵓⵙ ⵏ ⵉⵙⵡⴰⴷⴷⵓⵏ ⵏ ⵓⵇⵇⵉⵎ ⴰⴷⵓⵙⴰⵏ (ⵎⴰⵙⵙ ⴰⵎⵣⴰⵣⵉ)

15 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙ ⵔⴰⴷ ⵜⵡⵓⵔⵉ ⵜⵏⴱⴰⴹⵜ ⴰⴼⴰⴷ ⵜⵙⴳⵓⵔⴰ, ⵉⵎⵉⴽ ⵙ ⵉⵎⵉⴽ, ⵅⴼ ⵉⴼⵔⵓⵔⵉⵏ ⵏ ⵜⴽⵍⵉⵏ ⴰⴷ ⵢⵓⵛⴽⴰⵏ ⵏ ⵓⵙⴼⵙⵙⵓⵙ ⵏ ⵉⵙⵡⴰⴷⴷⵓⵏ ⵏ ⵓⵇⵇⵉⵎ ⴰⴷⵓⵙⴰⵏ ⵓⵍⴰ ⴰⵎⵓⵙⵙⵓ ⵏ ⵜⴷⵎⵙⴰ ⵜⵏⴰⵎⵓⵔⵜ, ⴷ ⵓⵙⴱⵉⴷⴷ ⵏ ⵜⴽⵎⵉⵏ ⵜⵉⴷⵎⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⵏ ⵓⴱⴰⵢⵢⵓⵕ "ⴽⵓⴼⵉⴷ-19".

ⵉⵏⵏⴰ ⵎⴰⵙⵙ ⴰⵎⵣⴰⵣⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙ "ⴰⴼ ⴰⴷ ⵉⵍⵉⵏ ⵉⵙⵓⵜⵍⵏ ⵉⴼⵓⵍⴽⵉⵏ ⵉ ⵡⴽⴽⵯⵙ ⵉⵎⵉⴽ ⵙ ⵉⵎⵉⴽ ⵏ ⵉⵙⵡⴰⴷⴷⵓⵏ ⴰⴷ, ⴷ ⵓⴷⵡⴰⵍ ⵏ ⴰⴽⴽⵯ ⵉⴳⵔⵏ ⵏ ⵉⵎⵓⵙⵙⵓⵏ ⵏⵏⵙⵏ, ⴷ ⵓⴷⵡⴰⵍ ⵏ ⵜⵓⴷⵔⵜ ⵜⵙⵏⵡⴰⵏⵜ, ⵔⵉⵖ ⴰⴷ ⵙⵎⴰⵢⵏⵓⵖ ⵜⵖⵓⵔⵉ ⵉ ⴰⴽⴽⵯ ⵉⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ ⴰⴼ ⴰⴷ ⵙⵓⵍ ⵍⵜⵖⵏ ⵓⵙⵡⵓⴷⴷⵓ ⵏ ⵓⵇⵇⵉⵎ ⴰⴷⵓⵙⴰⵏ ⴷ ⴰⴷ ⴼⴰⵔⴽⵏ ⵉⵙⵓⵜⵍⵏ ⵏ ⵜⴷⵓⵙⵉ ⴷ ⵜⵉⴹⴰⴼ".

ⵉⵙⵓⵍ ⵉⵏⵏⴰ ⵎⴰⵙ ⴳ ⵓⵙⴰⵜⵉ ⵏ ⵜⵎⴷⵢⴰⵙⵜ ⵙ ⵉⵎⵉⴽ ⵙ ⵉⵎⵉⴽ ⵉⵜⵜⵓⴹⴼⴰⵕⵏ ⴳ ⵓⵙⵔⴰⵙ ⵏ ⵓⵖⴰⵡⴰⵙ ⴰⴷ, ⵔⴰⴷ ⵡⵓⵔⵉⵏ ⵉⴳⵔⴰⵡⵏ ⵏ ⵜⵓⴷⵜ ⴷ ⴰⴹⴼⴼⴰⵕ ⴳ ⵓⵙⵡⵉⵔ ⵏ ⴽⵔⴰ ⵢⴳⴰⵜⵜ ⵜⵎⵏⴱⴰⴹⵜ ⴷ ⵜⵙⴳⴰ, ⴷⴷⵓ ⵏ ⵜⵏⴱⴰⴹⵜ ⵏ ⵍⵡⵓⵍⴰⵜ ⴷ ⵉⵏⴱⴱⴰⴹⵏ, ⴰⴷ ⵙⵜⵓⴳⵏ ⴽⵔⴰ ⵢⴳⴰⵜⵜ ⵉⵎⴰⵍⴰⵙⵙ ⴰⴷⴷⴰⴷ ⵏ ⵓⴱⴰⵢⵢⵓⵕ ⴰⴷⵖⵔⴰⵏ, ⴷ ⴰⴷ ⴰⵎⵥⵏ ⵉⵎⴰⴽⵏ ⵉⵅⵚⵚⴰⵏ ⴰⴼ ⴰⴷ ⵙⴼⵙⵙⵓⵙⵏ ⵓⵇⵇⵉⵎ ⴰⴷⵓⵙⴰⵏ ⵏⵖⴷ ⴰⴷ ⵜⵏ ⵙⴷⵓⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B4%BC%E2%B4%B0%E2%B4%B7-%E2%B5%9C%E2%B5%99%E2%B4%B3%E2%B5%93%E2%B5%94%E2%B4%B0-%E2%B5%89%E2%B5%8E%E2%B5%89%E2%B4%BD-%E2%B5%99-%E2%B5%89%E2%B5%8E%E2%B5%89%E2%B4%BD-%E2%B5%85%E2%B4%BC-%E2%B5%89%E2%B4%BC%E2%B5%94%E2%B5%93%E2%B5%94%E2%B5%89%E2%B5%8F-%E2%B5%8F-%E2%B5%9C%E2%B4%BD%E2%B5%8D%E2%B5%89%E2%B5%8F-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B4%BC%E2%B5%99%E2%B5%99%E2%B5%93%E2%B5%99-%E2%B5%8F