"ⴽⵓⴼⵉⴷ-19" : ⵜⵙⴳⴰ ⵏ ⵓⵙⴼⵙⵙⵓⵙ ⵜⵉⵙⵙ 01 ⵜⵙⵎⴷⵢⴰ 60% ⵙⴳ ⵜⵎⴰⵖⵓⵏⵜ ⵏ ⵉⵎⵣⴷⴰⵖⵏ ⴳ ⵍⵎⵖⵔⵉⴱ

15 ⵢⵓⵏⵢⵓ 2020 Version Imprimable

ⴹⴹⴰⵕⵍⴱⵉⴹⴰ - ⵜⵎⵍⴰ ⵜⵙⵎⵉⵔⵉⵜ ⵜⵎⴰⵜⴰⵢⵜ ⵏ ⵓⵙⵖⵉⵡⵙ ⵎⴰⵙ ⵜⵙⴳⴰ ⵏ ⵓⵙⴼⵙⵙⵓⵙ ⵜⵉⵙⵙ 01, ⵎⴰ ⵢⴰⴷ ⵉⵜⵜⵓⵙⴰⵏⵏ ⴰⵎ ⵜⵙⴳⴰ ⵜⴰⵣⴳⵣⴰⵡⵜ, ⴰⵛⴽⵓ ⵉⵍⵍⴰ ⴳⵉⵜ ⵢⴰⵏ ⵓⵙⴼⵙⵙⵓⵙ ⵢⵓⵙⵄⴰⵏ ⵏ ⵓⵜⵜⵓⵏ ⵏ ⵜⴷⵓⵙⵉ ⵉⵔⴰⵏ ⴰⴷ ⵙⴱⵉⴷⴷⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⴰⵎⴰⵢⵏⵓ "ⴽⵓⵕⵓⵏⴰ", ⵜⵙⵎⴰⵏ 60% ⵏ ⵉⵎⵣⴷⴰⵖⵏ ⵏ ⵍⵎⵖⵔⵉⴱ, ⴷ 56% ⵏ ⵜⵡⵊⴰⵜⵉⵏ ⵏ ⵜⵎⴰⵣⵉⵔⵜ.

ⵜⴼⵔⴰ ⵜⵏⵏⴰ ⵎⴰⵙ ⵜⵙⵎⵉⵔⵉⵜ, ⴳ ⵓⵎⴰⵟⵟⵓⵏ ⵡⵉⵙⵙ 13 ⵏ ⵓⵏⵖⵎⵉⵙ ⵏⵏⵙ (Brefs du plan), ⵎⴰⵙ ⵜⵙⴳⴰ ⵜⵙⵎⴰⵏ ⵉⴳⵔ ⴰⴼⵔⴰⵏ ⵉⴷⴷⵓⵔⵏ, ⴷ ⵎⴰⵙ ⵉⴳⵔ ⴰⵖⵔⵎⴰⵏ ⵍⵍⵉ ⴳⵉⵜ ⵉⵍⵍⴰⵏ ⵉⵙⵎⴰⵏ 49,9 % ⴷⴰⵜ 83,3% ⴳ ⵜⵙⴳⴰ ⵏ ⵓⵙⴼⵙⵙⵓⵙ ⵜⵉⵙⵙ ⵙⵏⴰⵜ.

ⵜⵙⵓⵍ ⵜⵏⵏⴰ ⵜⵙⵎⵉⵔⵉⵜ ⵎⴰⵙ ⵜⵎⵣⵍⵉⵜ ⵜⴰⵖⵔⵎⴰⵏⵜ ⵉⴳⴳⵓⵜⵏ ⴳ ⵜⵙⴳⴰ ⵏ ⵓⵙⴼⵙⵙⵓⵙ ⵜⵉⵙⵙ ⵙⵏⴰⵜ, ⵉⴱⴰⵢⵏ ⴳ ⵜⵓⴳⵜ ⵏ ⵉⵎⵣⴷⴰⵖⵏ ⵏⵏⵙ, ⵜⵔⵏⴰ ⵜⵏⵏⴰ ⵎⴰⵙ ⵍⵍⴰⵏ ⴳⵉⵜ 4278 ⵓⴼⴳⴰⵏ ⴳ ⴽⵔⴰ ⵢⴳⴰⵜⵜ ⴰⴽⵉⵍⵓⵎⵉⵟⵕ ⴰⵎⴽⴽⵓⵥ, ⴰⵛⴽⵓ ⵜⵙⴳⴰ ⵢⴰⴷ ⴳⴳⵓⵜⵏ ⴳⵉⵜ ⵎⴷⴷⵏ ⵙ ⴽⵕⴰⴹ ⵜⴽⵍⴰⵢ ⴷ ⵓⵣⴳⵓⵏ ⴰⵎ ⵜⵙⴳⴰ ⵏ ⵓⵙⴼⵙⵙⵓⵙ ⵜⵉⵙⵙ 01.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B5%93%E2%B5%99%E2%B4%BC%E2%B5%99%E2%B5%99%E2%B5%93%E2%B5%99-%E2%B5%9C%E2%B5%89%E2%B5%99%E2%B5%99-01-%E2%B5%9C%E2%B5%99%E2%B5%8E%E2%B4%B7%E2%B5%A2%E2%B4%B0-60-%E2%B5%99%E2%B4%B3-%E2%B5%9C%E2%B5%8E%E2%B4%B0%E2%B5%96%E2%B5%93%E2%B5%8F%E2%B5%9C-%E2%B5%8F-%E2%B5%89%E2%B5%8E%E2%B5%A3%E2%B4%B7%E2%B4%B0%E2%B5%96%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1