ⴰⵙⵖⵉⵡⵙ ⵏ 30 ⵓⵏⵎⴰⴷⴷⵓ ⴳⵔ 21 ⴷ 27 ⵢⵓⵏⵢⵓ ⵅⴼ ⵓⴷⵡⴰⵍ ⵏ 4644 ⴰⵎⵖⵔⴰⴱⵉ ⵉⵇⵇⵉⵎⵏ ⴳ 17 ⵓⵡⴰⵏⴽ (ⵎⴰⵙⵙ ⴱⵓⵕⵉⵟⴰ)

22 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⵢⵏⴰⵙ, ⵎⴰⵙ ⴳ ⵓⵣⵎⵣ ⴳⵔ 21 ⴷ 27 ⵢⵓⵏⵢⵓ, ⵔⴰⴷ ⵜⵜⵓⵙⵖⵉⵡⵙⵏ 30 ⵓⵏⵎⴰⴷⴷⵓⵏ ⵏ ⵓⴷⵡⴰⵍ ⵏ 4644 ⵓⵎⵖⵔⴰⴱⵉ ⵉⵇⵇⴰⵎⴰⵏ ⴳ 17 ⵓⵡⴰⵏⴽ.

ⵉⵏⵏⴰ ⵎⴰⵙⵙ ⴱⵓⵕⵉⵟⴰ, ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⴰⵎⵎⴰⵙⵏ ⴳ ⵜⵔⵎⵉⵜ ⵜⵉⵎⵡⴰⵏⵜ ⵜⴰⵎⴰⵍⴰⵙⵙⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ "ⵔⴰⴷ ⵏⵙⴽⵔ ⴳ 21 ⴷ 27 ⵢⵓⵏⵢⵓ ⴰⴷ 30 ⵓⵏⵎⴰⴷⴷⵓ ⵅⴼ ⵓⴷⵡⴰⵍ ⵏ ⵉⵎⵖⵔⴰⴱⵉⵢⵏ ⵉⵇⵇⴰⵎⴰⵏ ⴳ ⴱⵕⵕⴰ, ⴷ ⵔⴰⴷ ⵜⵃⴱⵓ ⵜⵎⵀⵍⴰ ⵢⴰⴷ ⵉⵎⵖⵔⴰⴱⵉⵢⵏ ⵇⵇⴰⵎⴰⵏⵉⵏ ⴳ 17 ⵓⵡⴰⵏⴽ, ⵎⴰ ⵢⴰⴷ ⵉⴳⴰⵏ ⵜⵓⵕⴽⵢⴰ ⴷ ⵚⵉⵕⴱⵢⴰ ⴷ ⵀⵏⵖⴰⵕⵢⴰ ⴷ ⵏⵏⴰⵎⵙⴰ ⴷ ⵎⵓⵕⵉⵟⴰⵏⵢⴰ ⴷ ⵜⵓⵏⵙ ⴷ ⵍⵉⵎⴰⵕⴰⵜ ⵜⵉⵄⵕⴰⴱⵏ ⵉⵎⴰⵏⵏ ⴷ ⴼⵕⴰⵏⵚⴰ ⴷ ⵍⴱⵓⵕⵜⵓⵖⴰⵍ ⴷ ⵙⵡⵉⵙⵔⴰ ⴷ ⴱⵓⵍⵓⵏⵢⴰ ⴷ ⵀⵓⵍⴰⵏⴹⴰ ⴷ ⵙⵙⵉⵏⵉⴳⴰⵍ ⴷ ⴱⵍⵊⵉⴽⴰ ⴷ ⵟⵟⴰⵍⵢⴰⵏ ⴷ ⵜⴳⵍⴷⵉⵜ ⵉⵎⴰⵏⵏ".

ⵉⵙⵓⵍ ⵉⵏⵏⴰ, ⴳ ⵓⵙⴰⵜⵉ ⴷⵖ, ⵎⴰⵙ ⵔⴰⴷ ⵉⵖⵍⵉ ⵡⵎⵟⵟⵓⵏ ⵏ ⵉⵎⵙⴱⵖⵓⵔⵏ ⴳⵔ 21 ⴷ 27 ⵢⵓⵏⵢⵓ ⴰⴷ ⵎⵔⴰ ⴰⴷ ⵉⵍⴽⵎ 4644 ⵓⵎⵖⵔⴰⴱⵉ ⵉⵇⵇⵉⵎⵏ ⴳ ⴱⵕⵕⴰ, ⴰⵎⵎ 3151 ⵍⵍⵉ ⵜⵜⵓⵙⴽⴰⵔⵏ ⴰⵔ ⵜⵙⵔⴰⴳⵜ ⵙⴳ 15 ⵎⴰⵢⵢⵓ ⵉⵣⵔⵉⵏ, ⵎⴰ ⵢⴰⴷ ⵉⴳⴰⵏ ⵜⵖⵍⵉⵜ ⵙ ⵓⴳⴳⴰⵔ ⵏ 73% ⵉⵔⵏⴰ ⵢⵉⵏⵏⴰ ⵎⴰⵙ ⴰⵔ ⵓⵇⵇⵏ ⵏ ⵉⵎⴰⵍⵍⴰⵙ, "ⵔⴰⴷ ⵏⴷⵡⵍ 7800 ⵡⵎⴰⵔⵉ ⴰⵎⵖⵔⴰⴱⵉ ⵉⵇⵇⴰⵎⴰⵏ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%99%E2%B5%96%E2%B5%89%E2%B5%A1%E2%B5%99-%E2%B5%8F-30-%E2%B5%93%E2%B5%8F%E2%B5%8E%E2%B4%B0%E2%B4%B7%E2%B4%B7%E2%B5%93-%E2%B4%B3%E2%B5%94-21-%E2%B4%B7-27-%E2%B5%A2%E2%B5%93%E2%B5%8F%E2%B5%A2%E2%B5%93-%E2%B5%85%E2%B4%BC-%E2%B5%93%E2%B4%B7%E2%B5%A1%E2%B4%B0%E2%B5%8D-%E2%B5%8F-4644-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B5%89%E2%B5%87%E2%B5%87%E2%B5%89%E2%B5%8E%E2%B5%8F-%E2%B4%B3-17-%E2%B5%93%E2%B5%A1%E2%B4%B0%E2%B5%8F%E2%B4%BD