ⴰⵙⵉⴷⴼ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵓⵏⴳⵔⴰⵡ ⵏ ⵜⵣⵔⴰⴼⵜ ⴰⵎⵎⴰⵙ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ

24 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵙⴳⵎⴹⵏ ⵜⵎⴰⵡⴰⵙⵜ ⵏ ⵜⵣⵔⴰⴼⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ, ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵜⴰⴷⵔⴰⵡⵜ ⵉⵔⴰⵏ ⴰⴷ ⵜⵙⵓⴷⴼ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵓⵏⴳⵔⴰⵡ ⵏ ⵜⵣⵔⴼⵜ.

ⴰⵎⵎⴰⵙ ⵏ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⵎⵓⵏ ⵓⵙⵉⵏⴰⴳ ⴰⴳⵍⴷⴰⵏ ⴷ ⵜⵎⴰⵡⴰⵙⵜ ⴳ ⵓⵙⵜⴰⵢ ⴷ ⵓⵙⵎⵓⵜⵜⴳ ⵏ ⵉⵙⴰⵜⵉⵏ ⵉⵣⵣⵓⵍⴰⵏ ⴳ ⵉⴳⵔ ⵏ ⵜⵙⵓⵖⵍⵜ ⵉⵜⵜⵢⵓⵔⴰⵏ ⴷ ⵜⵙⵓⵖⵍⵜ ⵏ ⵓⵖⴰⵡⵍ, ⴷ ⴳ ⵜⵎⵀⵍⴰ ⵏ ⵜⵙⵓⵖⵍⵜ ⵏ ⵜⵎⵏⴰⵜⵜⵉⵏ ⴷ ⵉⴹⵕⵉⵚⵏ ⵉⵎⵙⵜⴳⴳⴰⵔⵏ ⴷ ⵉⵣⵔⴼⴰⵏ ⵙ ⵜⵎⴰⵣⵉⵖⵜ, ⵓⵍⴰ ⵡⵣⴷⵓⵢ ⵏ ⵜⵉⴽⴽⵉ ⵏ ⵜⵙⵓⵖⵍⵜ ⵏ ⵜⵎⵉⵜⴰⵔ ⵏ ⵓⴱⵔⵉⴷ ⵙ ⵜⵎⴰⵣⵉⵖⵜ ⵉ ⵜⵎⴰⵡⴰⵙⵜ, ⴷ ⵜⴷⵔⴰⵡⵜ ⴳ ⵓⵙⵓⵊⴷ ⵏ ⵓⵎⴰⵡⴰⵍ ⵉⵥⵍⵉⵏ ⵙ ⵓⴳⵔⴰⵡ ⵏ ⵜⵣⵔⴼⴰⵏⵜ.

ⵜⵔⴰ ⵜⵎⵢⴰⵇⵇⴰⵏⵜ ⴰⴷ ⵜⵎⵓⵏ ⴷ ⵓⵙⵉⵏⴰⴳ ⴳ ⵜⵎⴰⵡⴰⵙⵜ ⴳ ⵓⵙⵏⵎⴰⵍⴰ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵏ ⵉⵎⵖⴰⵙⵏ ⵏⵏⵙ ⵙ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽⵯ ⵉⵎⵙⵖⴰⵏⵏ ⵉⵜⵜⵡⵓⵔⵉⵏ ⵙ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽⵯ ⵉⵎⵡⵓⵔⵉⵏ ⵙ ⵉⵙⵉⵔⴰⵏ ⵉⵍⵍⴰⵏ ⴳ ⵓⵎⵎⴰⵙ ⵏ ⵓⵙⵏⵓⴱⴳ ⴷ ⵜⵏⵓⵔⵣⵉⵏ ⴳ ⵓⵙⵎⵓⵜⵜⴳ ⵏ ⵉⵎⴹⴼⴰⵕⵏ ⵉⵣⵔⴼⴰⵏⵏ ⴷ ⵉⵎⵙⵖⴰⵏⵏ ⵉⵍⵍⴰⵏ ⴳ ⵜⵣⵓⵍⵜ ⵜⴰⵣⵔⴼⴰⵏⵜ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%93%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%A3%E2%B5%94%E2%B4%B0%E2%B4%BC%E2%B5%9C-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B3%E2%B5%94