ⴰⵔⵣⴰⴼ ⴰⴳⵍⴷⴰⵏ ⵉ ⵜⴰⵡⵔⵉⵔⵜ : ⴰⵙⴷⵓⴷ ⵏ ⵜⵉⵍⴰⵍⵜ ⵏ ⵜⵏⵉⴹⵉ ⵍⵍⵉ ⵢⵉⴳⴰⵏ ⵢⴰⵜ ⵜⴰⵍⴰ ⵏ ⵓⵙⵙⵓⴼⵖ ⵏ ⵓⵙⵡⵓⵔⵉ ⴷ ⵜⵉⵣⵉ

25 ⵢⵓⵏⵢⵓ 2013 Version Imprimable

ⵜⴰⵡⵔⵉⵔⵜ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴰⵡⵔⵉⵔⵜ, ⵢⴰⵏ ⵓⵙⵓⵏ ⵏ ⵉⵎⵉⵏⴹⵏ ⵏ ⵜⵎⴷⵉⵏⵜ, ⵢⴰⵏ ⵓⵙⵏⵜⵉ ⵍⵍⵉ ⵔ ⴰⴷ ⵉⵙⴷⵓⴷ ⵉⴳⵔ ⵏ ⵜⵏⵉⴹⵉ ⵍⵍⵉ ⵢⵉⴳⴰⵏ ⵢⴰⵜ ⵜⴰⵍⴰ ⵏ ⵓⵙⵙⵓⴼⵖ ⵏ ⵓⵙⵡⵓⵔⵉ ⴷ ⵜⵉⵣⵉ.

ⴰⵙⵏⵜⵉ ⵢⴰⴷ ⵍⵍⵉ ⵢⴻⵜⵜⵔⵏ ⵓⴳⴳⴰⵔ ⵏ 8 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰ ⴷ ⵉⵙⴼⵍⵙ ⵉ ⵜⵄⵄⵓⵔⵎⴰ ⵢⴰⵏ ⵓⵙⵖⴰⵔⴰ ⴰⵣⵣⵓⵍⴰⵏ ⵅⵙ ⵜⵎⴰⵎⴽⵜ ⵏ ⵓⵙⵎⵓⵜⵜⴳ ⴷ ⵓⵍⵎⵎⵓⴷ.

ⵔⴰⴷ ⵢⴰⵡⵙ ⵓⵍⴰ ⵉ ⵓⵔⴰⵢ ⵏ ⵎⵏⵏⴰⵡⵜ ⵏ ⵜⵉⵣⵣⵓⵍⵉⵏ ⵜⵉⵇⴱⵓⵔⵉⵏ ⴷ ⵜⴰⵏⴽⵔⴰ ⵙ ⵉⵢⴰⵢⴰⴼⴰⵏ ⵉⴷⵖⵔⴰⵏ ⵏ ⵜⵉⵏⵉⴹⵉ ⴷ ⵓⵙⴷⵓⵙ ⵏ ⵓⵙⵏⵎⴰⵍⴰ ⵏ ⵉⴳⵔ ⴰⴷ.

ⵓⵙⵓⵏ ⴰⴷ ⵍⵍⵉ ⵢⵉⵍⵍⴰⵏ ⴳ 2500 ⵎ2 ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵜⵉⵖⵔⴰⴷ ⵏ ⵉⵎⵉⵏⴹⵉⵏ. ⴰⵙⵏⵜⵉ ⴰⴷ ⵍⵍⴰⵏⵜ ⴳⵉⵙ ⵜⵉⵙⴰⵡⵔⵉⵏ ⵏ ⵉⵏⵎⵙⴰⵍⵏ ⴷ ⵣⵍⵍⵉⵊ ⴰⵇⴱⵓⵔ ⴷ ⵉⴽⴹⵉⴼⵏ ⴷ ⵜⵉⴳⵏⵉ ⴷ ⵜⵏⵙⵔⴰⵎⵜ ⵓⵍⴰ ⵉⵙⴰⵢⵔⴰⵔⵏ ⵏ ⵓⵙⴼⵙⵔ ⵏ ⵉⵢⴰⴼⵓⵜⵏ.

ⴰⵙⵏⵜⵉ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵢⴰⵜ ⵜⴰⵎⴷⵔⴰⵡⵜ ⴳⵔ ⵜⴰⵎⴰⵡⵙⴰⵙⵜ ⵏ ⵜⵉⵏⵉⴹⵉ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵉⴳⵔⴰⵡⵉⵏ ⵜⵉⴷⵖⵔⴰⵏⵉⵏ .

Dernière modification : 25 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89-%E2%B5%9C%E2%B4%B0%E2%B5%A1%E2%B5%94%E2%B5%89%E2%B5%94%E2%B5%9C-%E2%B4%B0%E2%B5%99%E2%B4%B7%E2%B5%93%E2%B4%B7-%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%8F-%E2%B5%9C%E2%B5%8F%E2%B5%89%E2%B4%B9%E2%B5%89-%E2%B5%8D%E2%B5%8D%E2%B5%89-%E2%B5%A2%E2%B5%89%E2%B4%B3%E2%B4%B0%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B5%99%E2%B5%A1%E2%B5%93%E2%B5%94%E2%B5%89#comment-0