ⵎⵓⵔⵙⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⵙ ⵜⵓⴳⴳⴰⵣ ⵍⵍⵉ ⴰⵔ ⵙⴽⴰⵔⵏ ⴰⴽⴽⵯ ⵜⴼⵓⵍⵉⵏ (ⵎⴰⵙⵙ ⵍⵄⵜⵎⴰⵏⵉ)

06 ⵢⵓⵍⵢⵓⵣ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙ ⵙⵏⴰⵜ ⵏ ⵜⴽⵍⴰⵢ ⵏ ⵜⵙⵓⵜⵍⵜ ⵜⴰⵙⵏⵡⴰⵏⵜ ⵏ ⵉⵔⵉⵎⵏ ⵉⵜⵜⵓⵙⵎⴰⵏⵏ ⵏ ⵓⵎⵎⴰⵥ ⵏ ⵉⵙⵍⴽⵉⵏ ⵏ "ⵍⴱⴰⴽⴰⵍⵓⵕⵢⴰ" ⴳ ⵓⵣⵎⵣ ⵏ ⵜⵙⵓⵜⵍⵜ 2020 ⵎⵓⵔⵙⵏⵜ ⴷⴼⴼⵉⵔ ⵏ ⵜⵓⴳⴳⴰⵣ ⵍⵍⵉ ⴰⵔ ⵙⴽⴰⵔⵏ ⵉⴽⵛⵓⵎⵏ ⴳ ⵜⵖⴰⵡⵙⴰ ⵜⴰⵏⴰⵎⵓⵔⵜ ⴰⴷ.

ⵉⵙⵎⵖⵔ ⵎⴰⵙⵙ ⵍⵄⵜⵎⴰⵏⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴳ ⵓⵣⵎⵣ ⵏ ⵢⴰⵏ ⵓⵣⵔⴼ ⵏ ⵓⴹⵓⴼ ⵏ ⵉⵎⵎⴰⵙⵏ ⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ" ⵍⵍⵉ ⵢⵙⴽⵔ ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⵓⵙⵙⵓ ⵉⵎⴳⵔⴰⵡⵏ ⵏ ⵉⵙⵜⵉⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⴰⵡⴰⵙⵜ ⴰⴼ ⴰⴷ ⵜⵎⵓⵔⵙ ⵜⵙⵓⵜⵍⵜ ⵜⵙⵏⵡⴰⵏⵜ ⵏ ⵉⵔⵉⵎ ⴰⴷ, ⵉⵙⵓⵍ ⵉⵏⵏⴰ ⵎⴰⵙ ⵜⵜⵢⴰⵎⴰⵥⵏ ⴰⴽⴽⵯ ⵉⵃⵟⵟⵓⵏ ⵉⵅⵚⵚⴰⵏ ⵏ ⵜⵏⴼⵔⵓⵜ ⵏ ⵙⵙⵍⴰⵎⵜ ⵏ ⵉⵙⵜⴰⵢⵏ ⴷ ⵉⵎⵙⴽⴰⴷⵏ ⴷ ⵓⵔⴰⵢ ⵅⴼ ⵜⴷⵓⵙⵉ ⵏⵏⵙⵏ.

ⵉⵙⵓⵍ ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙ ⴰⵙⵓⵜⵍ ⵏ ⵜⴷⵓⵙⵉ ⵢⴰⴷ ⵍⵍⵉ ⵢⵙⵙⵏ ⵜⵔⵏⵓⵜ ⵏ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" (ⴽⵓⴼⵉⴷ-19) ⵍⵍⵉ ⴰⵔ ⵜⵜⵣⵔⵉⵏ ⵉⵔⵉⵎⵏ ⵏ "ⵍⴱⴰⴽⴰⵍⵓⵕⵢⴰ", ⵉⴼⵔⴰ ⵢⵏⵏⴰⵎⴰⵙ ⵉⵜⵜⵓⵎⴰⵥ ⵢⴰⵏ ⵓⴱⵕⵓⵟⵓⴽⵓⵍ ⴰⴷⵓⵙⴰⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵉⵔⵉⵎ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B5%93%E2%B5%94%E2%B5%99%E2%B5%8F-%E2%B5%89%E2%B5%94%E2%B5%89%E2%B5%8E%E2%B5%8F-%E2%B5%8F-%E2%B5%8D%E2%B4%B1%E2%B4%B0%E2%B4%BD%E2%B4%B0%E2%B5%8D%E2%B5%93%E2%B5%95%E2%B5%A2%E2%B4%B0-%E2%B5%99-%E2%B5%9C%E2%B5%93%E2%B4%B3%E2%B4%B3%E2%B4%B0%E2%B5%A3-%E2%B5%8D%E2%B5%8D%E2%B5%89-%E2%B4%B0%E2%B5%94-%E2%B5%99%E2%B4%BD%E2%B4%B0%E2%B5%94%E2%B5%8F-%E2%B4%B0%E2%B4%BD%E2%B4%BD%E2%B5%AF-%E2%B5%9C%E2%B4%BC%E2%B5%93%E2%B5%8D%E2%B5%89%E2%B5%8F-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89