Published on MAPNews (https://www.mapnews.ma/am)

Accueil > ⴰⵕⵥⵥⵓⵎ ⵏ ⵉⵙⵏⵜⴰ ⵉⵏⴰⵎⵓⵏⵏ ⴳ ⵓⵊⴷⴰ : ⵢⴰⵏ ⵓⵏⴼⴰ ⴰⴳⵍⴷⴰⵏ ⴰⵎⴰⵢⵏⵓ ⵙ ⵓⴼⵔⴷⵉⵙ ⴰⵏⴼⴳⴰⵏ
  1. Accueil
  2. Activités royales

ⴰⵕⵥⵥⵓⵎ ⵏ ⵉⵙⵏⵜⴰ ⵉⵏⴰⵎⵓⵏⵏ ⴳ ⵓⵊⴷⴰ : ⵢⴰⵏ ⵓⵏⴼⴰ ⴰⴳⵍⴷⴰⵏ ⴰⵎⴰⵢⵏⵓ ⵙ ⵓⴼⵔⴷⵉⵙ ⴰⵏⴼⴳⴰⵏ

26 ⵢⵓⵏⵢⵓ 2013 Version Imprimable
ⵓⵊⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏⵓⴽⵕⴰⵙ ⵙⵉⵏ ⵏ ⵉⵙⵏⵜⴰ ⵉⵏⴰⵎⵓⵏⵏ ⴷ ⵉⵎⴰⵏⵓⵏⵏ ⵍⵍⵉ ⵎⵎⴰⵍⵏⵉⵏ ⴰⵏⴼⴰ ⴰⴳⵍⴷⴰⵏ ⴰⵎⴰⵢⵏⵓ ⵙ ⵓⴼⵔⴷⵉⵙ ⴰⵏⴼⴳⴰⵏ.

ⵉⵙⵏⵜⴰ ⵢⴰⴷ ⴽⵛⵎⵏ ⴳ ⵉⵖⴰⵡⴰⵙⵏ ⵏ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ(ⵉⵏⴷⵀ).
ⵅⵙ ⵖⵎⴽⴰⴷ, ⵉⵕⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵜ ⵜⴳⵎⵎⵉ ⵏ ⵉⵡⵙⵙⴰⵔⵏ « ⵔⵉⵢⵢⴰⴹ ⴰⵍⵎⵓⵙⵉⵏⵏⵉⵏ » ⴷ ⵢⴰⵏ ⵡⵓⴷⴷⵉⵙ ⴰⵏⴰⵎⵓⵏ ⴷ ⴰⵎⴰⵏⵓⵏ ⵉⵥⵍⵉⵏ ⵙ ⵓⵙⵎⵓⵜⵜⴳ « ⴰⵍⴱⴰⵙⴰⵜⵉⵏ » . ⵉⵜⵜⵓⴼⴽⴰ ⵉ ⵢⵉⵙⵏⵜⴰ ⵢⴰⴷ 26 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⵜⵉⴳⵎⵎⵉ ⵏ ⵉⵡⵙⵙⴰⵔⵏ ⴰⴷ ⵢⵜⵜⵓⵙⴽⴰⵔⵏ ⵅⵙ16 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰ ⵙ ⵜ ⵜⴰⵡⵉ ⴳ ⵜⴰⵣⴷⵖⵜ ⴷ ⵜⴷⵓⵙⵉ ⴷ ⵜⵉⵔⵎⵜ ⵏ ⵉⵡⵙⵙⴰⵔⵏ ⵓⵔ ⵟⵟⴰⴼⵏⵉⵏ ⴰⵙⴰⴳⵯⵎ ⵏ ⵉⴷⵔⵉⵎⵏ ⵓⵍⴰ ⴰⵏⵏⴰⵍ ⵏ ⵜⴰⵡⵊⴰ.

ⵉⵜⵜⵓⴱⵏⴰ « ⵕⵢⴰⴹ ⵍ ⴱⴰⵙⴰⵜⵉⵏ» ⵉⴳⴳⵉ ⵏ 10.000 ⵏ ⵓⵎⵉⵜⵔⵓ ⴰⵎⵇⵇⵓⵣ, ⵍⵍⴰⵏ ⴷⵉⴳⵙ 80 ⵏ ⵓⵃⴰⵏⵓ ⴰⵢⵓⴳⴰⵏ ( 40 ⵉ ⵢⵉⵔⴳⴰⵣⵏ ⴷ 40 ⵉ ⵜⵎⵖⴰⵕⵉⵏ), ⵢⴰⵜ ⵜⴷⴰⵍⴰ ⵜⵉⵎⵢⴰⵡⴰⵏⵜ, ⵉⴷⵖⴰⵔⵏ ⵏ ⵉⴷⴱⵓ ⵡⴰⵙⵙⴰⵔⵏ ⵥⵍⵉⵏⵉⵏ, ⵢⴰⵜ ⵜⵏⴰⴼⵓⵜ ⵏ ⵜⴷⵓⵙⵉ ⵓⵍⴰ ⵙⵓⵍ ⵜⴰⵏⴰⴼⵓⵜⵉⵏ ⴰⴹⵏⵉⵏ ⵣⵓⴷ ⵉⴷⵖⴰⵔⵏ ⵣⴳⴰⵡⵏⵉⵏ.

ⵓⴷⴷⵉⵙ ⵏ ⵓⵏⴰⵎⵓⵏ ⴷ ⵜⵓⵏⵏⵓⵏⵜ ⴷ ⵓⵙⵎⵓⵜⵜⴳ « ⵍⴱⴰⵙⴰⵜⵉⵏ » (9,5 ⵏ ⵓⵎⵍⵢⵓⵏ ⵏ ⴷⴷⵔⵀⵎ), ⵉⵔⴰ ⴷ ⵉⵙⴷⵓⴷ ⵜⴰⵙⵓⴳⵔⵉⵡⵉⵏ ⵏ ⵜⵓⵏⵏⵓⵏⵜ ⴷ ⵜⵥⵓⵕⵉ ⵏ ⵉⵄⵔⵔⵉⵎⵏ ⴷ ⵜⴰⵣⵣⴰⵏⵉⵏ. ⵉⵔⴰ ⴷ ⵉⵙⵉⴷⵔⵉⵙ ⵓⵍⴰ ⴰⴼⴼⴰⵍ ⵏ ⵜⵖⵔⵉ.

ⵉⵟⵟⴰⴼ ⵓⵍⴰ ⴰⵡⵜⵜⴰⵙ ⴰⴹⵏⵉⵏ ⵍⵍⵉ ⵢⵉⴳⴰⵏ ⴰⵙⵎⵓⵜⵜⴳ ⵏ ⵜⵎⵖⴰⵕⵉⵏ ⵅⴼ ⵜⴰⵣⵣⵓⵍⵉⵏ ⵜⵉⴷⵖⵔⴰⵏⵉⵏ ⵍⵍⵉ ⵢⵉⵙⵙⵓⴼⵓⵖⵏ ⵉⵙⵡⵓⵔⵉⵢⵏ ⵣⵓⴷ ⵜⴰⴽⵡⴰⴼⴼⵓⵕⵜ ⴷ ⵜⵥⵓⵕⵉⵡⵉⵏ ⵏ ⵜⴳⵎⵎⵉ ⴷ ⵜⵙⵏⵎⴰⵍⴰⵢⵜ ⴷ ⵜⵖⵎⵉ.

Dernière modification : 26 ⵢⵓⵏⵢⵓ 2013
Source URL: https://www.mapnews.ma/am/activites-royales/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%8F-%E2%B4%B3-%E2%B5%93%E2%B5%8A%E2%B4%B7%E2%B4%B0-%E2%B5%A2%E2%B4%B0%E2%B5%8F-%E2%B5%93%E2%B5%8F%E2%B4%BC%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%99-%E2%B5%93%E2%B4%BC%E2%B5%94%E2%B4%B7%E2%B5%89%E2%B5%99-%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F#comment-0