ⵍⵃⵓⵙⵉⵎⴰ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⴰ ⴳⴰⵏⵉⵏ ⴳ ⵓⵙⴰⵜⵉ ⵏ ⵜⵉⵙⵖⵉⵢⵜ ⵜⴰⵖⵔⵎⴰⵏⵜ ⵏ ⵜⵎⴷⵉⵏⵜ ⵏ ⵉⵎⵣⵓⵔⵏ

28 ⵢⵓⵏⵢⵓ 2013 Version Imprimable

ⵉⵎⵣⵓⵔⵏ(ⵜⴰⵙⴳⴰ ⵏ ⵍⵃⵓⵙⵉⵎⴰ) - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⵎⵏⵏⴰⵡ ⵏ ⵉⵙⵏⵜⴰ ⴳⴰⵏⵉⵏ ⴳ ⵓⵖⴰⵡⴰⵙ ⵏ ⵜⵉⵙⵖⵉⵢⵜ ⵜⴰⵖⵔⵎⴰⵏⵜ ⵏ ⵜⵎⴷⵉⵏⵜ ⵏ ⵉⵎⵣⵓⵔⵏ (ⵜⴰⵙⴳⴰ ⵏ ⵍⵃⵓⵙⵉⵎⴰ.

ⵉⵙⵏⵜⴰ ⴰⴷ ⵉⵜⵜⵓⴼⴽⴰ ⵢⵙⵏ ⵢⴰⵏ ⵓⵙⵙⴰⵔⵓ ⵏ 581,56 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⵙ ⵖⵎⴽⴰⴷ, ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴳⴰⴷⴰⵣ ⴰⵡⴰⵙⵙⴰⵏ ⵏ ⵜⵎⴷⵉⵏⵜ ⴰⴷ (10,5 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵡⴰⵎⵎⴰⵙ ⵏ ⵉⵎⵉⵏⴹⵏ ⴷ ⵉⵎⵓⵙⵙⵓⵏ ⵣⵣⵓⵍⴰⵏⵉⵏ (16 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵙⵉⵏ ⵉⵙⵏⵜⴰ ⵍⵍⵉ ⴳⴰⵏⵉⵏ ⴳ ⵜⵏⴽⵔⴰ ⵙ ⵜⵉⵎⵙⵓⵜⴰⵍ ⵏ ⵜⵡⵓⵔⵉ ⵏ ⵉⵙⴱⴱⴰⴱⵏ ⴷ ⵓⵔⴰⵢ ⵏ ⵜⵉⵣⵣⵓⵍⵉⵏ ⵜⵉⵇⴱⵓⵔⵉⵏ ⴷ ⵜⴰⵏⴽⵔⴰ ⵙ ⵉⵢⴰⴼⵓⵏⵏ ⵉⴷⵖⵔⴰⵏⵏ.

ⴰⴳⴰⴷⴰⵣ ⴰⵎⴰⵢⵏⵓ ⵍⵍⵉ ⵉⵜⵜⵓⵚⴽⴰⵏ ⴳ 1400 ⵎ2 , ⴳⵉⵙ 101 ⵏ ⵜⵃⴰⵏⵓⵜ . ⴰⵎⵎⴰⵙ ⵏ ⵉⵎⵉⵏⴹⵏ ⵏⵜⵜⴰⵏ ⵉⵜⵜⵓⵚⴽⴰⵏ ⴳ 2700 ⵎ2 ⵔⴰⴷ ⵢⴰⵡⵙ ⴳ ⵜⵏⴽⵔⴰ ⵙ ⵜⵉⵖⵔⴰⴷ ⵏ ⵉⵎⵉⵏⴹⵏ ⴷ ⵓⵙⵎⵓⵜⵜⴳ ⴳ ⵎⵏⵏⴰⵡⵜ ⵜⵣⵣⵓⵍⵉⵏ ⵏ ⵜⵙⴳⴰ ⵢⴰⴷ.

ⴰⵔⴰⵢ ⵏ ⵜⵎⴷⵉⵏⵜ ⵏ ⵉⵎⵣⵓⵔⵏ ⵅⴼ ⵓⵙⴱⵉⴷⴷ ⵏ ⵉⵏⴳⵉⵏ ⵉⵍⵍⴰ ⵓⵍⴰ ⵏⵜⵜⴰ ⴳ ⵓⵖⴰⵡⴰⵙ, ⴰⵙⵏⵜⵉ ⴰⴷ ⵔⴰⴷ ⵉⵚⵏⴰⵇⵚ ⵉⵏⴳⵉⵏ ⵏ « ⵡⴰⴷ ⵍⵎⴰⵍⵃ» ⴷ « ⵍⵄⵜⵎⴰⵏⴰⵏ».

ⴳ ⵉⴳⵔ ⵏ ⵜⴷⵓⵙⵉ, ⴰⵔ ⵉⵜⵜⵓⴱⵏⴰ ⵢⴰⵏ ⵓⵙⴳⵏⴰⴼ ⴰⴷⵖⵔⴰⵏ ⴳ ⵜⵎⴷⵉⵏⵜ ⴰⴷ ⵙ ⵢⴰⵏ ⵓⵙⵙⴰⵔⵓ ⵏ 43 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵔⴰ ⴷ ⵢⴰⵡⵙ ⴳ ⵜⴳⵎⵉ ⵏ ⵜⴰⵏⴰⴼⵓⵜⵉⵏ ⵏ ⵜⴷⵓⵙⵉ ⵏ ⵉⵎⵣⵓⵔⵏ.

ⵔⴰⴷ ⵜⵉⵍⵉ ⴳ ⵜⵎⴷⵉⵏⵜ ⴰⴷ ⵜⵓⵚⴽⴰ ⵏ ⵢⴰⵜ ⵜⵉⵏⵎⵍ ⴳ ⵜⵓⴷⴷⵓⵔⵜ ⵏ ⴰⵢⵜ ⵎⵃⵏⴷ ⴷ ⵢⴰⵏ ⵓⵙⵉⵏⴰⵏ ⵏ ⵓⵙⵎⴷⵉ ⴳ ⵜⵓⴷⴷⵓⵔⵜ ⵏ ⵕⵕⴰⴱⵉⵄ, ⵢⴰⵜ ⵜⵉⵏⵎⵍ ⴷ ⵢⴰⵏ ⵓⵙⵉⵏⴰⵏ ⵏ ⵓⵙⵎⵓⵜⵜⴳ ⴳ ⴱⵔⴽⴰⵎ, ⵎⴰⵢⴰⴷ ⴽⵓⵍⵍⵓ ⵙ ⵓⴳⴳⴰⵔ ⵏ 34 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

Dernière modification : 28 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%8D%E2%B5%83%E2%B5%93%E2%B5%99%E2%B5%89%E2%B5%8E%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B4%B3%E2%B4%B0%E2%B5%8F%E2%B5%89%E2%B5%8F-%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B5%9C%E2%B5%89%E2%B5%99%E2%B5%96%E2%B5%89%E2%B5%A2%E2%B5%9C-%E2%B5%9C%E2%B4%B0%E2%B5%96%E2%B5%94%E2%B5%8E%E2%B4%B0%E2%B5%8F%E2%B5%9C-%E2%B5%8F#comment-0