ⴰⵙⵖⵏ ⵅⴼ ⵓⵙⵏⵜⵉ ⵏ ⵓⵎⵕⵚⵓⵎ ⵉⵥⵍⵉⵏ ⵙ ⵓⴳⵔⴰⵡ ⴰⵎⴰⵡⵙⴰⵙ ⵉⵜⵜⵓⵙⵎⴳⵍⵏ ⵙ ⵓⴹⴼⴼⴰⵕ ⵏ ⵓⵙⵓⵜⴳ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴷ ⵜⵖⴰⵔⴰⵙⵉⵏ ⵏ ⵓⵃⵕⵛ ⵏⵏⵙ

03 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵙⵖⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵍⵍⵉ ⵢⵎⴰⵏⵏ ⴰⵙⵙ ⵏ ⵓⴽⵡⴰⵙ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵅⴼ ⵓⵙⵏⵜⵉ ⵏ ⵓⵎⵕⵚⵓⵎ ⵡⵉⵙⵙ 2.60.600 ⵉⵥⵍⵉⵏ ⵙ ⵓⴳⵔⴰⵡ ⴰⵎⴰⵡⵙⴰⵙ ⴰⵎⵖⵍⴰⵍ ⵉⵜⵜⵓⵙⵎⴳⵍⵏ ⵙ ⵓⴹⴼⴼⴰⵕ ⵏ ⵓⵙⵓⵜⴳ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴷ ⵜⵖⴰⵔⴰⵙⵉⵏ ⵏ ⵓⵃⵕⵛ ⵏⵏⵙ.

ⵉⵏⵏⴰ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⵙⵉⵡⵍ ⵙ ⵢⵙⵎ ⵏ ⵜⵏⴱⴰⴹⵜ, ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴷⴼⴼⵉⵔ ⵏ ⵓⵙⵇⵇⵉⵎ, ⵎⴰⵙ ⴰⵙⵏⵜⵉ ⵏ ⵓⵎⵕⵚⵓⵎ ⵍⵍⵉ ⵢⵙⵎⵏⵉⴷ ⵎⴰⵙⵙ ⵓⵎⴰⵡⴰⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⵉⵔⴰ ⴰⴷ ⵉⵣⵣⵉⴳⵔ ⵏ ⵓⵙⵍⴳⵏ ⴰⵎⵙⴷⴷⵓⵙ ⵡⵉⵙⵙ 26.16 ⵉⵥⵍⵉⵏ ⵙ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴷ ⵜⵖⴰⵔⴰⵙⵉⵏ ⵏ ⵓⵙⵙⵉⴷⴼ ⵏⵏⵙ ⵖ ⵉⴳⵔ ⵏ ⵓⵙⵙⵍⵎⴷ ⴷ ⵜⵙⴳⴳⵉⵡⵉⵏ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ ⵉⵟⵟⴰⴼⵏ ⵜⵣⵡⵓⵔⵉ, ⵙⵍⴰⵡⴰⵏ ⴰⴽⴽⵯ ⵜⵎⵜⵜⴰ ⵜⵉⵙⵙ 34 ⵍⵍⵉ ⵢⵏⵏⴰⵏ ⵎⴰⵙ "ⵔⴰⴷ ⵜⴼⴼⵖ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⴰⵎⴰⵡⵙⴰⵙ ⴰⵎⵖⵍⴰⵍ ⵔⴰⴷ ⵜⴰⵎⵥ ⵜⵡⵓⵔⵉⵡⵉⵏ ⵏ ⵓⴹⴼⴼⴰⵕ ⴷ ⵓⵙⵓⵜⴳ ⴷ ⵓⵣⵣⵉⴳⵔ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⴷ ⵜⴹⵕⵚ ⵎⴰⵙ "ⵔⴰⴷ ⵉⵜⵜⵓⵥⵍⴰ ⵙ ⵢⴰⵏ ⵓⴹⵕⵉⵚ ⴰⵎⵙⴷⴷⵓ ⴰⵙⵏⴰ ⵏ ⵓⴳⵔⴰⵡ ⴰⴷ ⴷ ⵉⵎⴰⴽⵏ ⵏ ⵓⵃⵕⵛ ⵏⵏⵙ''.

ⵉⵙⵓⵍ ⵉⵏⵏⴰ ⵎⴰⵙ ⴰⴼ ⴰⴷ ⵉⵣⵉⴳⵔ ⴰⴷ, ⵉⵜⵜⵓⵊⴰⴷ ⴰⵙⵏⵜⵉ ⵏ ⵓⵎⵕⵚⵓⵎ ⴰⴷ ⵍⵍⵉ ⵢⴹⵕⵚⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵡⵙⴰⵙ ⴰⵎⵖⵍⴰⵍ ⴳ ⵜⵖⵓⵔⵉ ⵏ ⵉⵖⴰⵡⵙⵉⵡⵉⵏ ⵏ ⵜⵡⵓⵔⵉ ⴷ ⵉⵖⴰⵡⵙⵉⵡⵉⵏ ⵉⴳⵔⵏ ⵉⵥⵍⵉⵏ ⵙ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⴷ ⵓⵎⵙⴷⵓ ⵏ ⵜⵙⵔⵜⵉⵏ ⵜⵉⴳⴷⵓⴷⴰⵏⵉⵏ, ⵓⵍⴰ ⵡⴹⴼⴼⴰⵕ ⴷ ⵓⵙⵓⵜⴳ ⵏ ⵓⵣⵣⵉⴳⵔ ⴳ ⵓⴳⵏⵙⵓ ⵉⵣⵎⵣⵏ ⵢⵥⵍⵉⵏ ⵙⵔⵙ, ⴷ ⵜⵖⵓⵔⵉ ⵏ ⵜⵏⴰⴹⴰ ⴰⵎⵙⴳⴳⵯⴰⵙ ⴷ ⵓⵙⵖⵏ ⴼⵍⵍⴰⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%96%E2%B5%8F-%E2%B5%85%E2%B4%BC-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%8E%E2%B5%95%E2%B5%9A%E2%B5%93%E2%B5%8E-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%89%E2%B5%9C%E2%B5%9C%E2%B5%93%E2%B5%99%E2%B5%8E%E2%B4%B3%E2%B5%8D%E2%B5%8F-%E2%B5%99-%E2%B5%93%E2%B4%B9%E2%B4%BC%E2%B4%BC%E2%B4%B0%E2%B5%95-%E2%B5%8F-%E2%B5%93%E2%B5%99%E2%B5%93%E2%B5%9C%E2%B4%B3-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%93%E2%B5%A3-%E2%B5%8F