ⴰⵎⵎⴰⵣ ⵏ ⵓⴳⵔⴰⵡ ⵏ ⵉⵎⴰⴽⵏ ⵏ ⵓⵃⵕⵚ ⵏ ⵉⵏⵙⴰⵏ ⵏ ⵢⵓⵜⵏ ⵏ ⵓⴼⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ ⴳ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ ⴳ ⵍⴱⴷⵓ ⵏ ⴰⵙⵙ ⴰⴷ ⵏ ⵓⵢⵏⴰⵙ (ⴰⵙⵉⵡⴹ ⵏ ⵜⵏⴱⴰⴹⵜ)

07 ⵛⵓⵜⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⴱⴰⴹⵜ ⵎⴰⵙ ⵙ ⵉⵙⴱⴷⴷ ⵏ ⵜⵎⴳⵔⴰ ⵏ ⵓⴹⴼⴼⴰⵔ ⴷ ⵓⵙⵓⵜⴳ ⵙⵏⵎⴰⵍⴰⵏ ⴳ ⵓⴳⵔⴰⵡ ⵏ ⵜⴷⵓⵢⵜ ⴷ ⵓⴹⴼⴼⴰⵕ ⴷⴼⴼⵉⵔ ⵏ ⵓⵣⴰⵢⴷ ⵏ ⵉⵏⵙⴰⵏ ⵏ ⵓⴱⴰⵢⵢⵓⵕ ⴳ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ ⴷ ⵓⵍⴰ ⵏ ⵜⵏⴰⵢⵜ ⵏ ⵉⵅⵚⵚⴰⵏ ⵏ ⵜⴷⵓⵙⵉ ⵜⵖⴰⵡⵍⵜ ⵜⵖⵜⵙ ⵜⵏⴱⴰⴹⵜ ⴳ ⵍⴱⴷⵓ ⵏ ⴰⵙⵙ ⴰⴷ ⵓⵢⵏⴰⵙ ⴳ ⵜⵙⵔⴰⴳⵜ ⵏ 12:00 ⴷⴼⴼⵉⵔ ⵏ ⵜⴷⴳⴳⵯⴰⵜ ⴰⴷ ⵜⴰⵎⵣ ⵓⴳⵔⴰⵡ ⵏ ⵓⵙⵡⵓⴷⴷⵓⵏ ⵏ ⵓⵃⵕⵚ ⵏ ⵉⵏⵙⴰⵏ ⵏ ⵢⵓⵜⵏ ⵙ ⵓⴼⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ ⵙ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ ⴷⵓ ⵏ ⵓⵎⴰⴹⵏ ⵏ ⵉⵎⵣⵍⴰⵢⵏ .

ⵉⴼⵔⴰ ⵢⵉⵏⵏⴰ ⵡⵙⵉⵡⴹ ⵎⴰⵙ ⵉⵎⵣⵍⴰⵢⵏ ⵉⵅⵚⵚⴰⵏ ⵓⵇⵇⵏ ⵏ ⴰⴽⴽⵯ ⵉⴽⵛⵓⵎⵏ ⵏ ⵜⵎⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ ⴷ ⴰⴷ ⵓⵔ ⵉⵍⵉ ⵡⵙⵙⴰⵢ ⵙⴳ ⴷ ⴰⵔ ⴰⵙ ⵖⴰⵙ ⴳ ⵢⴰⵜ ⵜⵓⵔⴳⵜ ⵜⵙⵍⵓⴳⵜ ⵉⵜⵜⵓⴼⴽⴰⵏ ⵙⴳ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⴷ ⵓⵇⵇⵏ ⵏ ⴰⴽⴽⵯ ⵜⵎⵔⵙⵍⵉⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵎⵓⵜⵜⴳ ⴷ ⵓⵙⵉⵏⴰⵏ ⴷ ⴰⵎⵙⴷⴰⵡ ⴷ ⵓⵎⴰⵣ ⵏ ⵓⴱⵔⵉⴷ ⵏ ⵓⵙⵍⵎⴷ ⵙ ⵓⴳⴳⵓⴳ ⴳ ⵍⴱⴷⵓ ⵏ ⵓⵢⵏⴰⵙ 7 ⵛⵓⵜⴰⵏⴱⵉⵔ ⴰⴷ ⴷ ⵓⵇⵇⵏ ⵏ ⵉⴳⴷⴰⵣⵏ ⵏ ⵓⴽⵎⵓⵔ ⴳ 03:00 ⴷⴼⴼⵉⵔ ⵏ ⵜⴷⴳⴳⵯⴰⵜ.

ⴷ ⵓⵇⵇⵏ ⵓⵍⴰ ⵏ ⵍⵇⵀⴰⵡⵉ ⴷ ⵜⵃⵓⵏⴰ ⵜⵙⴱⴱⴰⵉⵏ ⴳ ⵜⵙⵔⴰⴳⵜ ⵏ 08:00 ⴷⴼⴼⵉⵔ ⵏ ⵜⴷⴳⴳⵯⴰⵜ ⴷ ⵜⵉⵙⵉⵔⵎⵉⵏ ⴳ ⵜⵙⵔⴰⴳⵜ ⵏ 21:00 ⵉⴹ ⴷ ⵓⵙⵔⵙ ⵏ ⵓⵇⵇⵉⵎ ⵏ ⵓⵃⵕⵛ ⵏ ⵉⴹⵏ ⴳ ⴰⴽⴽⵯ ⵏ ⵡⴰⴽⴰⵍ ⵏ ⵜⵎⵏⴱⴰⴹⵜ ⴳ 22:00 ⵉⴹ ⴰⵔ 05:00 ⵏ ⵜⴼⴰⵡⵜ ⴷ ⴰⴷ ⵉⴼⴽⴰ ⵏ ⵓⵙⵙⴰⵢ ⵉ ⵢⵙⵜⴰⵢⵏ ⵏ ⵜⴷⵓⵙⵉ ⴷ ⵜⵏⴼⵔⵓⵜ ⴷ ⵉⵎⵡⵡⵓⵔⵉⵏ ⴳ ⵉⴳⵔⵏ ⵉⴷⵓⵔⵉⵏ ⴷ ⵉⴳⵔⴰ ⵏ ⵓⵙⵙⴰⵢ ⵏ ⵙⵙⵍⵄⵜ ⴷ ⵜⴰⴼⴷⴰ ⴰⴷ ⵢⵉⵍⵉ ⵖⵓⵔⵙⵏ ⵎⴰⴷ ⵉⵅⵚⵚⴰ ⵏ ⵜⵡⵓⵔⵉ ⵉⴹⵏ ⵏⵏⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%8E%E2%B4%B0%E2%B5%A3-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%89%E2%B5%8E%E2%B4%B0%E2%B4%BD%E2%B5%8F-%E2%B5%8F-%E2%B5%93%E2%B5%83%E2%B5%95%E2%B5%9A-%E2%B5%8F-%E2%B5%89%E2%B5%8F%E2%B5%99%E2%B4%B0%E2%B5%8F-%E2%B5%8F-%E2%B5%A2%E2%B5%93%E2%B5%9C%E2%B5%8F-%E2%B5%8F-%E2%B5%93%E2%B4%BC%E2%B5%89%E2%B5%94%E2%B5%93%E2%B5%99-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B3-%E2%B5%9C%E2%B5%8E%E2%B5%8F%E2%B4%B1%E2%B4%B0%E2%B4%B9%E2%B5%9C%C2%A0-%E2%B5%8F