Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵕⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵕⴰⵙ ⴰⴷ ⵢⵓⵛⴽⴰⵏ

07 ⵛⵓⵜⴰⵏⴱⵉⵔ 2020 Version Imprimable
ⵕⵕⴱⴰⵟ - ⵔⴰⴷ ⵢⵉⵍⵉ ⴰⵙⵙ ⵏ ⵓⴽⵕⴰⵙ ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⵢⴰⵏ ⵓⵎⵕⵚⵓⵎ ⵏ ⵓⵙⵍⴳⵏ ⵉⵥⵍⵉⵏ ⵣ ⵓⵙⵔⵙ ⵏ ⵉⵙⵡⴷⴷⵓⵏ ⵉⴳⴰⵏ ⵉ ⵎⵏⵏⴰⵡ ⵏ ⴰⵢⵜ ⵜⵡⵓⵔⵉ ⵉⵍⵜⵖⵏ ⴳ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵎⵙⵡⵡⵓⵔⵉⵏ ⵉⵙⴳⵓⵔⵉⵏ ⴷⴰⵔⵜⵏ ⴳⵉⵙⵏ ⴷ ⵉⵙⵎⵍⵏ ⵉⵎⵡⵡⵓⵔⵉⵏ ⵉⵙⵎⴰⵏⵏ ⴷ ⵎⴷⴷⵏ ⵓⵔ ⵖⵓⵔⵙⵏ ⵜⵖⵔⴰⴷ ⵉⵏⴼⵓⵔⵏ ⴷⴰⵔ ⵜⴼⵏⵉⵇⵜ ⵍⵍⵉ ⴳⴳⵙⵙⵏⵜ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⴽⵓⵕⵓⵏⴰ "ⴽⵓⴼⵉⴷ-19".  

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ ⴷⴼⴼⵉⵔ ⴰⴷ ⴰⵙⵏⵜⵉ ⵏ ⵓⵎⵕⵚⵓⵎ ⵉⵥⵍⵉⵏ ⵙ ⵓⵙⵖⵣⵣⵉⴼ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⵏ ⵜⴷⵓⵙⵉ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⴷⴰⵜ ⵏ ⴽⵓⵕⵓⵏⴰ "ⴽⵓⵉⴷ-19", ⴷⴼⴼⵉⵔ ⴰⴷ, ⵔⴰⴷ ⵉⵣⵔⵉ ⵙ ⵜⵖⵓⵔⵉ ⵏ ⵓⵜⵉⵎ ⴰⴼⵔⵉⵇⵉ ⵏ ⵙⵙⵍⴰⵎⵜ ⵏ ⵓⴱⵔⵉⴷ ⵉⵜⵜⵓⵙⵖⵏⵏ ⴳ ⴰⴷⵉⵙ ⴰⴱⴰⴱⴰ ⴳ ⵉⵜⵢⵓⴱⵢⴰ ⴳ 31 ⵉⵏⵏⴰⵢⵔ 2016, ⴷ ⵓⵙⵏⵜⵉ ⵏ ⵓⵙⵍⴳⵏ ⵉⵎⵙⴰⵙⴰⵏ ⵅⴼ ⵓⵜⵉⵎ ⴰⴷ. 

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%95%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F