Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⵉⵙⵙ ⵙⵏⴰⵜ ⵅⴼ ⵜⴷⵓⵙⵉ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵉ ⵜⵉⵏⴰⵡⵜ ⵜⵉⵙⵙ ⵙⵏⴰⵜ ⵅⴼ ⵜⴷⵓⵙⵉ

01 ⵢⵓⵍⵢⵓⵣ 2013 Version Imprimable
ⵎⵕⵕⴰⴽⵯⵛ - ⵢⴰⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⵓⵣⵉⵏⵜ ⵉ ⵢⵉⵎⴷⵔⴰⵡⵏ ⵏ ⵜⵉⵏⴰⵡⵜ ⵜⵉⵙⵙ ⵙⵏⴰⵜ ⵅⴼ ⵜⴷⵓⵙⵉ, ⵍⵍⵉ ⵢⵉⵙⵙⵏⵜⴰⵏ ⴰⵙⵙ ⵏ ⵓⵢⵏⴰⵙ ⴳ ⵎⵕⵕⴰⴽⵯⵛ, ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ.

ⵜⵓⵣⵉⵏⵜ ⴰⴷ ⵉⵖⵕⴰ ⵜⵜ ⵓⵎⴰⵡⵙⴰⵙ ⵏ ⵜⴷⵓⵙⵉ ⵎⴰⵙⵙ ⵍⵃⵓⵙⵉⵏ ⵍⵡⵕⴷⵉ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⵣⵉⵏⵜ ⴰⴷ ⵉⵙ ⴷⴰⵔⵙ ⵢⴰⵜ ⵜⵡⵏⴳⵉⵎⵜ ⵉⵥⵉⵍⵏ ⵉ ⵢⵉⵎⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⴷ ⵜ ⵉⵕⵃⵎ ⵕⴱⴱⵉ, ⵍⵍⵉ ⵉⵙⵙⵉⵅⴼⵏ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵍⵍⵉⵖ ⵢⵓⵎⵥ ⵍⵎⵖⵔⵉⴱ ⵜⴰⵙⵉⵎⴰⵏⵜ ⵏⵏⵙ.

ⵉⵔⵏⵓ ⵉⵏⵏⴰ ⵎⴰⵙ ⵜⵜⵓⵙⴽⴰⵔⵏⵜ ⵙⴳ ⴰⴽⵓⴷⴰⵏⵏ ⵖ ⵜⵎⵓⵔⵜ ⵏⵏⵖ ⵉⵙⵓⴼⵖⵏ ⵉⵎⵇⵕⴰⵏⵏ ⵣⵓⴷ ⵉⵙⴳⵏⴰⴼⵏ ⵉⵎⴰⵜⴰⵢⵏ ⴷ ⵉⵎⵜⵡⴰⵍⵏ ⵓⵖⵔⵉⵎⵏ ⴷ ⵉⵙⵔⴷⴰⵙⵏ ⵓⵍⴰ ⵙⵓⵍ ⴰⵎⵎⴰⵙⵏ ⵏ ⵡⴰⴷⴰⵙ.

ⵜⵜⵓⵙⴷⵓⴷⵏⵜ ⵓⵍⴰ ⵜⵉⵏⴰⴼⵓⵜⵉⵏ ⵏ ⵜⴷⵓⵙⵉ ⴳ ⵓⵎⴰⴹⴰⵍ ⴰⴼⴰⵔⴰⵏ ⴳ ⵓⵙⴰⵜⵉ ⵏ ⵢⴰⵜ ⵜⵙⵓⵍⴼⵜ ⵏ ⵜⵉⴳⴰⵡⵜ. ⵜⵜⵓⵕⵥⴰⵎⵏ ⵓⵍⴰ ⵉⵖⴰⵡⴰⵙⵏ ⴰⴹⵏⵉⵏ ⵣⵓⴷ ⵡⵉⵏ ⵓⵣⵓⴳⵣ ⵏ ⵡⴰⵜⵉⴳ ⵏ ⵉⵙⴰⴼⴰⵔⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵅⵚⵚⴰ ⴰⴷ ⵜⴳ ⵜⵉⵏⴰⵡⵜ ⴰⴷ ⵢⴰⵏ ⵓⵣⵎⵣⵣⵓ ⵍⵍⵉⵖ ⵔⴰⴷ ⵉⵜⵜⵓⵙⴽⵉⵔ ⵢⴰⵏ ⵓⵏⵜⵎⴰⵏ ⴰⵏⴰⵎⵓⵔ ⵉⴳⴰⵏ ⴰⵏⵉⵍⴰⵡ ⴷ ⵍⵍⵉ ⵔⴰⴷ ⵉⴳ ⴰⴼⴳⴰⵏ ⴳ ⵡⴰⵎⵎⴰⵙ ⵏ ⵓⵏⴳⵔⴰⵡ ⵏ ⵜⴷⵓⵙⵉ ⴷ ⵍⵍⵉ ⵔⴰⴷ ⵢⴰⴼ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ ⵏ ⵉⴳⵔ ⴰⴷ.

ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⵜⵉⵔⴰⵜ ⵏⵏⵙ ⴰⴷ ⵜⵉⵍⵉ ⵜⵙⵏⵙⵉ ⴷ ⵜⴳⵎⵉ ⵏ ⵓⵖⴰⵡⴰⵙ ⵏ ⵜⵙⵏⵉⵊⵊⵉⵜ « ⵕⴰⵎⵉⴷ».


 

Dernière modification : 01 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%85%E2%B4%BC-%E2%B5%9C%E2%B4%B7%E2%B5%93%E2%B5%99%E2%B5%89#comment-0