ⴽⵓⴼⵉⴷ-19..ⵉⵙⵜⵉ ⵍⵎⵖⵔⵉⴱ ⵢⴰⵏ ⵓⴳⵣⵣⴰⵢ ⴰⵏⴰⴼⵓⵔ ⴷ ⵉⵔⵡⵉ ⴷ ⵉⵅⵚⵚⴰ ⴰⴷ ⵓⵔ ⵉⵍⵉ ⴰⵟⵟⵕⵃ (ⵎⴰⵙⵙ ⵍⵄⵜⵎⴰⵏⵉ)

12 ⵏⵓⵡⴰⵏⴱⵉⵔ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ ⵎⴰⵙ ⵉⵙⵜⵉ ⵍⵎⵖⵔⵉⴱ ⵢⴰⵏ ⵓⴳⵣⵣⴰⵢ ⵎⴳⴰⵍ ⵏ ⵓⴼⵉⵔⵓⵙ ⴽⵓⴼⵉⴷ -19 ⵉⴱⵉⴷⴷⵏ ⵅⴼ ⴰⵏⴰⴼⵓⵔ ⴷ ⵉⵔⵡⵉ ⴷ ⵉⵅⵚⵚⴰ ⴰⴷ ⵓⵔ ⵉⵍⵉ ⴰⵟⵟⵕⵃ ⴷⴰⵜ ⵏ ⵓⴱⴰⵢⵢⵓⵕ .

ⵉⵏⵏⴰ ⵡⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴼⵍⵍⴰ ⴰⵎⵙⵉⵡⵍ ⵙ ⵢⵙⵎ ⵏ ⵜⵏⴱⴰⴹⵜ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ ⴳ ⵢⴰⵏ ⵓⵙⵉⵡⴹ ⴳ ⵓⵎⴰⴳⵔ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵎⴰⵙ ⵉⵙⵙⴽⵜⵉ ⵎⴰⵙⵙ ⵍⵄⵜⵎⴰⵏⵉ ⴳ ⵓⵕⵥⵥⵓⵎ ⵏ ⵜⵉⵔⵎⵉⵜ ⵏ ⵜⵡⵓⵔⵉ ⵍⵍⵉ ⵢⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔⴰ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵙ ⵏ ⵓⵢⵏⴰⵙ ⵉⵣⵔⵉⵏ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵖ ⵕⵕⴱⴰⵟ ⵉⵣⵍⵉⵏ ⵙ ⵓⵙⴼⵙⵔ ⴰⵙⵜⵔⴰⵜⵉⵊⵉ ⵏ ⵓⴳⵣⵣⴰⵢ ⵎⴳⴰⵍ ⵏ ⴽⵓⴼⵉⴷ-19.

ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⴳ ⵜⵉⵔⵎⵉⵜ ⵏ ⵜⵡⵓⵔⵉ ⴰⴷ ⵜⴽⵛⵎ ⴳ ⵓⵙⴰⵜⵉ ⵏ ⵓⴹⴼⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⵉⵔⵏⴰⵏ ⵏ ⵜⵓⴳⴳⴰⵣ ⵏ ⵜⴳⵍⴷⵉⵜ ⴷⴰⵜ ⵏ ⴽⵓⴼⵉⴷ-19 ⵉⵔⴰⵏ ⵏ ⵜⵏⴼⵔⵓⵜ ⵏ ⵓⵔⴰⵢ ⵏ ⵜⴷⵓⵙⵉ ⴷ ⵙⵙⵍⴰⵎⵜ ⵏ ⵉⵏⵎⵓⵔⵉⵏ ⵉⵙⵓⵍ ⵉⵏⵏⴰ ⵎⴰⵙ ⴳ ⵓⵎⵎⴰⵙ ⵏ ⵜⵎⴷⵢⴰⵙⵜ ⵜⴰⵎⵣⵡⴰⵔⵓⵜ ⵉⵜⵜⵓⵖⵣⵏ ⵙⴳ ⵉⵙⴱⴰⵢⵏ ⵏ ⵓⴼⵉⵔⵓⵙ ⴳ ⵜⴳⵍⴷⵉⵜ "ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵃⴼⴹ ⵕⴱⴱⵉ ⵉⴹⵏ ⴷ ⵉⵙⵡⴰⵍⵏ ⵢⴰⵜⵜⵓⵢⵏ ⴰⴼⴰⴷ ⵏ ⵓⵕⵥⵥⵓⵎ ⵉⴳⴳⵓⵜⵏ ⵏ ⵓⴳⵣⵣⴰⵢ ⵎⴳⴰⵍ ⵏ ⵓⴼⵉⵔⵓⵙ ⴳ ⵜⵉⴽⵉ ⵢⵓⵛⴽⴰⵏ".

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%BD%E2%B5%93%E2%B4%BC%E2%B5%89%E2%B4%B7-19%E2%B5%89%E2%B5%99%E2%B5%9C%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%A2%E2%B4%B0%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B4%B0%E2%B5%A2-%E2%B4%B0%E2%B5%8F%E2%B4%B0%E2%B4%BC%E2%B5%93%E2%B5%94-%E2%B4%B7-%E2%B5%89%E2%B5%94%E2%B5%A1%E2%B5%89-%E2%B4%B7-%E2%B5%89%E2%B5%85%E2%B5%9A%E2%B5%9A%E2%B4%B0-%E2%B4%B0%E2%B4%B7-%E2%B5%93%E2%B5%94-%E2%B5%89%E2%B5%8D%E2%B5%89-%E2%B4%B0%E2%B5%9F%E2%B5%9F%E2%B5%95%E2%B5%83%C2%A0-%E2%B5%8E%E2%B4%B0%E2%B5%99%E2%B5%99