Published on MAPNews (https://www.mapnews.ma/am)

Accueil > ⵉⵎⵎⵓⵜ ⵍⵎⵃⵊⵓⴱⵉ ⴰⵃⵕⴹⴰⵏ

ⵉⵎⵎⵓⵜ ⵍⵎⵃⵊⵓⴱⵉ ⴰⵃⵕⴹⴰⵏ

16 ⵏⵓⵡⴰⵏⴱⵉⵔ 2020 Version Imprimable
ⵕⵕⴱⴰⵟ - ⵉⵎⵎⵓⵜ ⵉⴹ ⵍⵍⵉ ⵏ ⴰⵙⵙ ⵏ ⵓⵙⴰⵎⴰⵙ ⴳ ⵢⴰⵏ ⵚⵚⴱⵉⵟⵕ ⴳ ⵜⵎⴰⵣⵓⵏⵜ, ⵍⵎⵃⵊⵓⴱⵉ ⴰⵃⵕⴹⴰⵏ, ⴰⵙⵙⵓⴼⵖ ⵏ ⵓⴽⴰⴱⴰⵕ "ⴰⵎⵓⵙⵙⵓ ⴰⵎⴷⵏⴰⵏ", ⴳ ⵓⵜⵜⴰⵢ ⵏ 100 ⵓⵙⴳⴳⵯⴰⵙ, ⴷⴼⴼⵉⵔ ⵏ ⵓⵎⴰⵖ ⴷ ⵓⵎⴰⴹⵓⵏ, ⵎⴰ ⵢⴰⴷ ⵉⵜⵜⵢⴰⵡⵙⵙⴰⵏⵏ ⴷⴰⵔ ⵜⵡⵊⴰ ⵏⵏⵙ ⴷ ⵉⵙⴰⴳⵎⵏ ⵏ ⵓⴽⴰⴱⴰⵕ.

ⵔⴰⴷ ⵉⵎⴹⵍ ⵉⴳⵍⵍⵉⵏ ⴰⵃⵕⴹⴰⵏ ⴰⵙⵙ ⴰⴷ ⵏ ⵓⵢⵏⴰⵙ ⴳ ⵡⴰⵍⵎⴰⵙ, ⵍⵍⵉⵖ ⵉⵍⵓⵍ.

ⵖⵓⵔⵙ ⵉⴳⵍⵍⵉⵏ ⵢⴰⵜ ⵜⵖⴰⵔⴰⵙⵜ ⵜⴰⵙⵔⵜⴰⵏⵜ ⵉⵎⵇⵇⵓⵕⵏ, ⵙⵡⴰ ⴳ ⵓⵣⵎⵣ ⵏ ⵓⵔⴰⵢ ⴰⴼⵕⴰⵏⵚⵉⵚ, ⵓⵍⴰ ⴷⴼⴼⵉⵔ ⵏ ⵜⵙⵉⵎⴰⵏⵜ, ⵢⵓⵊⵊⴰ ⴳ ⵓⵎⵣⵔⴰⵢ ⵏ ⵜⵎⴰⵣⵉⵔⵜ ⵕⵕⵛⵎⵏ ⵏⵏⵙ ⴳ ⵉⵙⵙⴰⵢⵔⵓⵏ ⵉⵏⴱⴰⴹⵏ ⵉⵙⵔⵜⴰⵏ ⵉⵎⵇⵇⵓⵕⵏ, ⴷ ⵉⴳⴰ ⵢⴰⵏ ⴰⵎⵙⵓⴼⴼⵖ ⵏ ⵓⴽⴰⴱⴰⵕ "ⴰⵎⵓⵙⵙⵓ ⴰⵎⴷⵏⴰⵏ" ⴷⴼⴼⵉⵔ ⵏ ⵜⵙⵉⵎⴰⵏⵜ ⵏⵜⵜⴰⵏ ⴷ ⵉⴳⵍⵍⵉⵏ ⵄⴱⴷⵍⴽⵔⵉⵎ ⵍⵅⴰⵟⵉⴱ.

ⵢⵓⵎⵥ ⵉⴳⵍⵍⵉⵏ ⵜⵡⵓⵔⵉⵡⵉⵏ ⵜⵉⵏⴱⴰⴹⵉⵏ ⵉⴳⴳⵓⵜⵏ, ⵣⵓⵏⴷ ⵍⵍⵉⵖ ⵉⴳⴰ ⵍⵡⴰⵍⵉ ⵏ ⵕⵕⴱⴰⵟ ⴷⴼⴼⵉⵔ ⵏ ⵜⵙⵉⵎⴰⵏⵜ ⴳ ⵓⵙⵔⵉⴷ, ⴷ ⵉⴳⴰ ⵓⵎⴰⵔⵉ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵎⴷⵏⴰⵏ ⴳ ⵓⵙⴳⵔⴰⵡ ⵏⵏⵙ ⵡⵉⵙⵙ ⵙⵉⵏ ⴳ ⵓⵙⴳⴳⵯⴰⵙ ⵏ 1962, ⴷ ⵉⴷⵔⴰ ⴳ ⵜⴰⵎ ⵏ ⵜⵏⴱⴰⴹⵉⵏ. ⴰⵎⵎⴰⵙ ⵏ ⵉⵏⵙⴰⵏ ⵍⵍⵉ ⵢⵓⵎⵥ, ⵉⵍⵍⴰ ⵓⵏⵙⴰ ⵏ ⵓⵎⴰⵡⵙⴰⵙ ⵏ ⵓⵎⵣⴰⵖ ⴳ ⵜⵏⴱⴰⴹⵜ ⵜⴰⵎⵣⵡⴰⵔⵓⵜ ⵍⵍⵉ ⵢⵙⵙⵓⴼⵖ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳⵔ 1961 ⴷ 1964, ⴷ ⴳ ⵖⵓⵛⵜ 1964, ⵉⵜⵜⵓⵙⵜⴰ ⴰⴷ ⵉⴳ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ, ⴷ ⴳ ⵢⵓⵏⵢⵓ 1965 ⵉⴳⴰ ⵡⵎⴰⵡⵙⴰⵙ ⵏ ⵓⵙⴳⴷ ⵏ ⵜⵙⵏⴼⵍⴰⵃⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8E%E2%B5%8E%E2%B5%93%E2%B5%9C-%E2%B5%8D%E2%B5%8E%E2%B5%83%E2%B5%8A%E2%B5%93%E2%B4%B1%E2%B5%89-%E2%B4%B0%E2%B5%83%E2%B5%95%E2%B4%B9%E2%B4%B0%E2%B5%8F