ⵉⵔⵣⴰⴼ ⵢⴰⵏ ⵓⴽⴰⴱⴰⵕ ⵏ ⵓⴳⵔⴰⵡ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⵏⵏⴰⵡ ⵏ ⵜⵙⵇⵓⵏⵙⵉⵏ ⵉⵜⵓⵖⵣⵏ ⴳ ⴷⴷⴰⵅⵍⴰ

04 ⴷⵓⵊⴰⵏⴱⵉⵔ 2020 Version Imprimable

ⴷⴷⴰⵅⵍⴰ - ⵉⵙⴽⵔ ⵢⴰⵏ ⵓⴽⴰⴱⴰⵕ ⵙⴳ ⵓⴳⵔⴰⵡ ⵏ ⴱⵕⵕⴰ ⴷ ⵓⵎⵏⵣⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵓⵔⴼⴰⵣ ⵉ ⵎⵏⵏⴰⵡ ⵏ ⵜⵙⵇⵓⵏⵙⵉⵏ ⵉⵜⵜⵓⵖⵣⵏ ⴳ ⵜⵖⵔⵎⵜ ⵏ ⴷⴷⴰⵅⵍⴰ.

ⵢⵓⵛⴽⴰⵏ ⵓⵕⵥⴰⴼ ⴰⴷ ⴳ ⵓⵙⴰⵜⵉ ⵏ ⵜⴷⵓⵙⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵎⵏⵏⴰⵡ ⵏ ⵉⵡⴰⵏⴽⵏ ⵉⵎⴷⴽⴽⵯⴰⵍ ⴷⵓⵜⵎⴰⵏ ⵍⵍⵉ ⵢⵕⵥⵎⵏ ⵜⵙⵇⵓⵏⵙⵉⵜ ⵏⵏⵙⵏ ⴳ ⴷⴷⵅⵍⴰ ⵜⵖⵔⵎⵜ ⵏ ⵜⵙⴳⴰ ⵏ ⵡⴰⴷⵉ ⴷⵀⴰⴱ ⴷ ⵉⵙⵉⴳⴳⵍ ⵏ ⵉⴱⵔⵉⴷⵏ ⵉⵔⴰⵏ ⴰⴷ ⵙⴷⵓⵙⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳⵔ ⵜⵎⵕⵙⴰⵍⵉⵏ ⵜⵙⵔⴼⴰⵏⵏ ⵉⴳⴰ ⵍⵃⴰⵍ ⵏ ⵜⵙⵇⵓⵏⵙⵉⵏ ⵜⵉⵎⴰⵜⴰⵢⵏ ⵏ ⴳⴰⵎⴱⵢⴰ ⴷ ⵖⵉⵏⵢⴰ ⴷ ⵖⵉⵏⵢⴰ ⴱⵉⵙⴰⵡ.

ⵉⵏⵏⴰ ⵡⵏⵙⵙⵉⵅⴼ ⵏ ⵓⴳⵔⴰⵡ ⵏ ⴱⵕⵕⴰ ⴷ ⵓⵎⵏⵣⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵢⵓⵙⴼ ⵖⵔⴱⵉ ⵏ ⵜⵎⵜⴰⵔ ⵏ ⵓⵣⵔⴼ ⴰⴷ ⵍⵍⵉ ⵢⵎⵍⴰⵏ ⵎⴰⵙ ⴳⵯⵎⴰⵙⵏ ⵉⴼⵔⵉⵇⵢⵉⵏ ⵖⵓⵔⵙⵏ ⵜⵓⵇⵇⵏⵉⵏ ⵜⵉⴷⵓⵙⴰⵏⵉⵏ ⴱⴰⵀⵔⴰ ⴷ ⵍⵎⵖⵔⵉⴱ, ⵉⵙⵓⵍ ⵓⵏⵏⴰ ⴰⵏⴰⵥⵓⵔ ⵏⵏⵙ ⵏ ⵜⴷⵔⴰⵡⵡⵜ ⵏ ⵓⵕⵥⵥⵓⵎ ⵏ ⵜⵙⵇⵓⵙⵉⵏ ⴰⴷ ⴳ ⵓⵕⵥⵥⵓⵎ ⵏ ⵢⴰⵜ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵓⵙⴷⵓⵙ ⵏ ⵜⵓⵇⵇⵏⵉⵏ ⵜⵉⴷⵎⵙⴰⵏⵉⵏ ⵏ ⵜⴳⵍⴷⵉⵜ ⴷ ⵉⴼⵔⵉⵇⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%94%E2%B5%A3%E2%B4%B0%E2%B4%BC-%E2%B5%A2%E2%B4%B0%E2%B5%8F-%E2%B5%93%E2%B4%BD%E2%B4%B0%E2%B4%B1%E2%B4%B0%E2%B5%95-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B4%B3-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%9C%E2%B5%99%E2%B5%87%E2%B5%93%E2%B5%8F%E2%B5%99%E2%B5%89%E2%B5%8F-%E2%B5%89%E2%B5%9C%E2%B5%93%E2%B5%96%E2%B5%A3%E2%B5%8F-%E2%B4%B3-%E2%B4%B7%E2%B4%B7%E2%B4%B0%E2%B5%85%E2%B5%8D%E2%B4%B0