Published on MAPNews (https://www.mapnews.ma/am)

Accueil > ⵜⵙⵏⵓⴱⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⴰⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵏⵓⴱⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⴰⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ

16 ⴷⵓⵊⴰⵏⴱⵉⵔ 2020 Version Imprimable
ⵕⵕⴱⴰⵟ - ⵜⵙⵏⵓⴱⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵜⵔⴱⴰⵜ, ⴰⵙⵙ ⵏ ⵓⴽⵕⴰⵙ, ⴳ ⵓⵎⵎⴰⵙ ⵍⴰⵍⵍⴰ ⵎⵔⵢⵎ ⵏ ⵉⴼⵔⵅⴰⵏ ⵓⵔ ⵉⵟⵟⵉⴼⵏ ⵜⵡⴰⵛⵓⵏⵜ ⴳ ⵕⵕⴱⴰⵟ, ⴰⵏⵙⵙⵉⵅⴼ ⵏ ⵜⵎⴰⵡⴰⵙⵜ ⵜⴰⵎⴰⵜⴰⵢⵜ, ⵎⴰⵙⵙ ⵎⵓⵃⵎⵎⴷ ⵄⴱⴷⵏⵏⴰⴱⴰⵡⵉ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵔⵙⵍⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵜⵔⴱⴰⵜ ⵎⴰⵙ, ⴰⵎⵎⴰⵙ ⵏ ⵓⵎⴰⴳⵔ ⴰⴷ, ⵙⴰⵡⵍ ⵉⵎⴹⴰⴽⴰⵕⵏ, ⵙⵍⴰⵡⴰⵏ ⴰⴽⴽⵯ, ⵅⴼ ⵉⵎⴰⵙⵙⵏ ⵉⵥⴹⴰⵕⵏ ⴰⴷ ⵙⴷⵓⵙⵏ ⴰⵣⴷⴷⵓⵢ ⴷ ⵢⵎⵢⴰⵡⴰⵙ ⴳⵔ ⵜⵏⵙⵙⵉⵅⴼⵜ ⵏ ⵜⵎⴰⵡⴰⵙⵜ ⵜⴰⵎⴰⵜⴰⵢⵜ, ⴷ ⵜⵎⵔⵙⵍⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵜⵔⴱⴰⵜ ⴳ ⵉⴳⵔⵏ ⵉⴳⴳⵔⵏ ⵉ ⵓⵙⴼⵓⵍⴽⵉ ⵏ ⵜⵎⵙⵓⵜⴰⵍ ⵏ ⵓⵙⵏⵓⴱⴳ ⵏ ⵉⴼⵔⵅⴰⵏ ⵓⵔ ⵉⵟⵟⵉⴼⵏ ⵜⵡⴰⵛⵓⵏⵜ ⵓⵍⴰ ⵡⵉⵏⵏ ⵉⵍⵍⴰⵏ ⴳ ⵓⵙⵓⵔⵙ ⴰⵏⴰⵎⵓⵏ ⵉⵛⵇⵇⴰⵏ ⴳ ⴽⵔⴰ ⵢⴳⴰⵜⵜ ⵜⵓⵚⴽⵉⵡⵜ ⵏ ⵓⵙⵏⵓⴱⴱⴳ ⵉⵍⵍⴰⵏ ⴳ ⴰⴽⴽⵯ ⵜⵙⴳⵉⵡⵉⵏ ⵏ ⵜⴳⵍⴷⵉⵜ.

ⵜⵙⴷⴷⵉⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵅⴼ ⴰⴷⴷⵓⵔ ⵏ ⵓⵙⴼⵙⵙⵓⵙ ⵏ ⵉⵙⴱⴷⴰⴷⵏ ⵏ ⵜⵎⵙⴽⵔⵜ ⴷ ⵉⵎⵎⴰⴽⵏ ⵏ ⵓⵙⵔⴰⵙ ⵏⵏⵙⵏ, ⵓⵍⴰ ⴰⴷ ⵜⵜⵓⵣⵔⴰⴽ ⵜⵉⵥⵉⴹⵕⴰ ⵏ ⵓⵙⵏⵓⴱⴳ ⵏ ⵜⵎⵔⵙⵍⵉⵏ ⵏ ⵓⵙⵏⵓⴱⴳ, ⴷ ⵓⵡⴰⵜⴰⵢ ⵏ ⵉⴼⵔⵅⴰⵏ, ⴷ ⵜⴷⵓⵙⵉ ⵏⵏⵙⵏ, ⴷ ⵓⵙⵓⵔⵙ ⴰⵏⴰⵎⵓⵏ ⵏⵏⵙⵏ.

ⴱⵍⴰ ⵏ ⵖⵉⴽⴰⵏⵏ, ⵜⵖⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⴽⵔⴰ ⵢⴳⴰⵜⵜ ⵓⵎⵙⴽⴰⵔ ⴳ ⵉⴳⵔ ⵏ ⵓⴼⵔⴰⴳ ⵏ ⵜⴱⵔⴰⵜ ⴰⴷ ⵙⵙⵓⴳⵜⵏ ⵜⵓⴳⴳⴰⵣ ⴰⴼ ⴰⴷ ⵙⴼⵙⵙⵓⵙⵏ ⵉⵎⴰⴽⴽⵏ ⵏ ⵍⴽⴰⴼⴰⵍⴰ ⴷ ⴰⴷ ⵙⵔⵙⵏ ⵉⵎⵉⴽⴰⵏⵉⵣⵎⵏ ⵏ ⵓⴹⴼⴼⵉⵕ ⴰⴼ ⴰⴷ ⵙⵙⵏⵏ ⴰⵙⵡⵉⵔ ⵍⵍⵉⵖ ⵍⵍⴰⵏ ⵉⴼⵔⵅⴰⵏ ⵉⵜⵜⵓⴽⴼⴼⴰⵍⵏ ⴷⴼⴼⵉⵔ ⵍⵍⵉⵖ ⴼⴼⵖⵏ ⵙⴳ ⵉⵎⴰⵙⵙⵏ ⵏ ⵓⵙⵏⵓⴱⴱⴳ, ⵓⵍⴰ ⵉⵣⵓⵛⵛⵍⵏ ⵏ ⴱⴰⴱⴰⵜⵙⵏ ⵉⵜⵜⴽⴼⴼⴰⵍⵏ ⵙⵔⵙⵏ ⴳ ⵍⵎⵖⵔⵉⴱ ⵓⵍⴰ ⴳ ⵜⵎⵉⵣⴰⵔ ⵏ ⴱⵕⵕⴰ, ⵖⵉⴽ ⵍⵍⵉ ⵏⵏⴰⵏ ⵉⵙⵍⴳⴰⵏⵏ ⵉⵜⵜⵓⴹⴼⴰⵕⵏ ⴳ ⵉⴳⵔ ⴰⴷ, ⵎⴰ ⵢⴰⴷ ⵉⵏⵏⴰ ⵡⵙⵉⵡⴹ.

Dernière modification : 16 ⴷⵓⵊⴰⵏⴱⵉⵔ 2020
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B1%E2%B4%B3-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%A3%E2%B5%89%E2%B5%8F%E2%B4%B1-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8E%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C