ⵜⵙⵎⴰⵏ ⵜⵎⵀⵍⵜ « ⵕⵎⴹⴰⵏ 1434 », ⵍⵍⵉ ⵢⵙⵙⵏⵏ ⴰⵏⵏⴰⵍ ⵏ ⵜⴰⵎⴰⵡⴰⵙⵜ ⵏ ⵓⴳⵏⵙⵓ ⴷ ⵜⵉⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ, ⵢⴰⵜ ⵜⴰⵏⵜⵜⴰⵍⵜ ⵏ 60.5 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⴰⴼⴰⴷ ⴰⴷ ⵜⴰⵡⵙ ⵡⵉⵍⵍⵉ ⵓⵔ ⵟⵟⴰⴼⵏ ⵢⴰⵜ, ⵣⵓⵏⴷ ⵜⵉⴷⴳⴰⵍⵉⵏ ⴷ ⵉⴼⵇⵇⵉⵕⵏ ⴷ ⵉⵎⵄⴹⵓⵕⵏ.
ⴼ ⵖⵉⴽⴰⵏⵏ, ⵔⴰⴷ ⵙⵙⴱⵖⵔⵏ ⴳ ⵜⴰⵎⵀⵍⵜ ⴰⴷ ⵍⴰⵃⵡⴰⵍ ⵏ 2.37 ⵓⵎⵍⵢⵓⵏ ⵓⴼⴳⴰⵏ ⵢⵎⴰⵏⵏ ⴰⵎⵎⴰⵙ ⵏ 473.900 ⵏ ⵜⵉⵡⴰⵛⵓⵏⵜⵉⵏ, 403.000 ⴳ ⵉⵜ ⵙⵏⵜ ⵣⴷⵖⵏⵜ ⵖ ⵓⵎⵏⴰⴹ ⴰⴼⴰⵔⴰⵏ, ⴰⵎⵎⴰⵙ ⵏ ⴽⵓⵍⵍⵓ ⵜⵙⴳⴰⵜⵉⵏ ⵏ ⵜⴳⵍⴷⵉⵜ.
ⵔⴰⴷ ⵉⵙⵏⵎⴰⵍⴰ ⵜⴰⵎⵀⵍⵜ ⴰⴷ ⴽⵔⴰ ⵏ 5.000 ⵓⴼⴳⴰⵏ, ⵍⵍⵉ ⵎⵓ ⵔⴰⴷ ⴰⵡⵙⵏ ⵎⵏⵏⴰⵡ ⵏ ⵉⵎⴰⵡⴰⵙⵏ ⵉⵏⴰⵎⵓⵏⵏ ⴷ ⵉⵎⵅⴰⵙⵏ.
ⴱⴰⴱ ⵏ ⵡⴰⴷⴷⵓⵔ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵉⵕⵥⵎ ⵙⵓⵍ ⴳ ⵜⵓⴷⴷⵓⵔⵜ ⴰⵏⵏ ⵏⵏⵉⵜ ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵜⴳⵎⵎⵉ ⵏ ⵓⵄⵔⵔⵉⵎ ⴰⵎⴰⴹⵓⵏ ⵏ ⵙⵙⴽⴽⴰⵕ, ⵍⵍⵉ ⵔⴰⴷ ⵜⵙⵙⵓⴼⵖ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴰⴱⴷⴰⴷⵜ ⵙ ⵢⴰⵜ ⵜⴰⵏⵜⵜⴰⵍⵜ ⵜⴰⵖⵣⵓⵔⴰⵏⵜ ⵏ 5 ⵓⵎⵍⵢⵓⵏ ⵏ ⴷⴷⵔⵀⵎ.
ⵉⵔⴰ ⵓⵙⵏⵜⵉ ⵢⴰⴷ ⴰⴷ ⵢⴼⴽ ⵉ ⵢⵄⵔⵔⵉⵎⵏ ⴰⴷ ⴰⵙⵉⴷⴼ ⴰⵏⵎⵍⴰⵏ ⴷ ⴰⵏⴰⵎⵓⵏ ⵉⵖⵓⴷⴰⵏⵏ, ⵣⵓⵏⴷ ⴰⵙⵏⵓⴱⴳ ⴷ ⵓⵙⴰⴼⴰⵔ ⴷ ⵓⵙⵎⵓⵜⵜⴳ ⴷ ⵓⵎⵍⴰⵏ ⵉ ⵢⵄⵔⵔⵉⵎⵏ ⵉⵎⴰⴹⵓⵏⵏ ⵙ ⵙⵙⴽⴽⴰⵕ ⵏ ⵜⵙⴳⴰ ⵢⴰⴷ, ⵓⵍⴰ ⴰⵙⵎⵓⵜⵜⴳ ⵏ ⵉⵎⴷⵔⴰⵡⵏ ⵉⵏⵎⵏⴰⴹⵏ ⴳ ⵉⴳⵔ ⴰⴷ.