ⵕⵕⴱⴰⵟ..ⴰⵙⴳⵎⴹ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴳⵔ "ⵍⴰⵎⴰⴱ" ⴷ ⵜⴰⵎⴰⴷⴷⴰⵙⵜ "ⵉⵙⵉⵙⴽⵓ"

09 ⴱⵕⴰⵢⵕ 2021 Version Imprimable

ⵕⵕⴱⴰⵟ - ⵉⵜⵜⵓⵙⴳⵎⴹ ⴰⵙⵙ ⵏ ⵓⵢⵏⴰⵙ ⴳ ⵓⵙⵖⵉⵎ ⵏ ⵜⵎⴰⴷⴷⴰⵙⵜ ⵜⵎⴰⴷⴷⴰⵙⵜ ⵜⴰⵎⵓⵙⵍⵎⵜ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰⵏⵉⵏ (ⵉⵙⵉⵙⴽⵓ) ⵕⵕⴱⴰⵟ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴳ ⵉⴳⵔ ⵏ ⵜⵏⵖⵎⴰⵙⵜ ⴳⵔ ⵜⴰⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⴷ ⵜⴰⵎⴰⴷⴷⴰⵙⵜ (ⵉⵙⵉⵙⴽⵓ).

ⵜⵔⴰ ⵜⵎⵢⴰⵇⵇⴰⵏⵜ ⴰⴷ ⵍⵍⵉ ⵢⵙⴳⵎⴹ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ) ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ (ⵉⵙⵉⵙⴽⵓ) ⵎⴰⵙⵙ ⵙⴰⵍⵎ ⴱⵏ ⵎⵓⵃⵎⵎⴷ ⵎⴰⵍⴽ ⵓⵣⵣⵉⴳⵔ ⵉⵛⵛⴰⵔⵏ ⵏ ⵎⵏⵏⴰⵡ ⵏ ⵉⵖⴰⵡⵙⵉⵏ ⴷ ⵉⵙⵏⵜⵉⵏ ⵉⵜⵓⵖⵣⵏ ⴳ ⵓⵣⵎⵣ ⵏ ⵙⵎⵎⵓⵙⵜ ⵏ ⵉⵙⴳⴳⵯⴰⵙⵏ ⵉⵇⴱⵍⵏ ⵏ ⵙⵎⴰⵢⵏⵓ.

ⴳ ⵓⵎⵎⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⵔⴰⴷ ⵎⵢⴰⵡⴰⵙⵏ ⵙⵏⴰⵜ ⵜⵉⴼⵓⵍⵉⵏ ⵏ ⵓⵙⴷⵓⵙ ⵏ ⵓⵙⴳⵔⴰⵡ ⴰⵎⴰⴹⵍⴰ ⵡⵉⵙⵙ ⵙⴰ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵉⵎⴰⴷⵍⴰⵏ ⵔⴰⴷ ⵉⵎⵓⵏ ⴳ ⵎⵕⵕⴰⴽⵯⵛ ⴳ ⵓⵙⴳⴳⵯⴰⵙ 2022 ⵍⵍⵉ ⵔⴰⴷ ⵜⵙⵏⵓⴱⴳ ⵜⴰⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵓⵍⴰ ⵓⵙⴷⵓⵙ ⵏ ⵜⵡⵍⴰ ⵏ ⵉⵎⵙⵙⴰⵏⵓⵏ ⴳ ⴰⴽⴽⵯ ⵉⴳⵔⵏ ⵏ ⵜⵏⵖⵎⴰⵙⵜ ⵉ ⵉⵏⵖⵎⴰⵙⵏ ⵙⴳ ⵉⵡⴰⵏⴽⵏ ⵉⴳⵎⴰⵎⵏ ⴳ "ⵉⵙⵉⵙⴽⵓ" ⵙⴰⵍⴰⵡⵏ ⴰⴽⴽⵯ ⴳ ⴰⵎⵏⵣⴰⵡ ⴰⴼⵔⵉⵇⵉ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%95%E2%B5%95%E2%B4%B1%E2%B4%B0%E2%B5%9F%E2%B4%B0%E2%B5%99%E2%B4%B3%E2%B5%8E%E2%B4%B9-%E2%B5%85%E2%B4%BC-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B3%E2%B5%94-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B7-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%89%E2%B5%99%E2%B5%89%E2%B5%99%E2%B4%BD%E2%B5%93%C2%A0