ⵜⵓⵙⵙⵏⴰ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⵏⵏⵙ ⵢⵉⵡⵉⴷ ⵜⴰⵀⵉⵙⵜⵉⵔⵉⵜ ⵜⴰⴳⵔⴰⵡⵜ ⴷⴰⵔ ⵓⵏⴳⵔⴰⵡ ⴰⵏⴱⴰⴹ ⴳ ⴷⴷⵣⴰⵢⵔ (ⵜⴰⵕⵥⵥⵓⵎⵜ)

10 ⴱⵕⴰⵢⵕ 2021 Version Imprimable

ⵕⵕⴱⴰⵟ - ⵜⵏⵏⴰ ⵜⵙⵖⵓⵏⵜ ⵜⴰⵢⵢⵓⵔⴰⵏⵜ (BAB) ⴳ ⵜⵕⵣⵣⵓⵎⵜ ⵏ ⵓⵟⵟⵓⵏ ⵡⵉⵙⵙ 31 ⵏⵏⵙ, ⵙ ⵓⵣⵡⴰⵏ "ⵜⴰⴹⵚⵚⴰ ⵏ ⵓⵎⴰⴹⴰⵍ", ⵎⴰⵙ ⵜⵓⵙⵙⵏⴰ ⵏ ⵎⵉⵔⵉⴽⴰⵏ ⵙ ⵓⴳⵣⵣⵓⵎ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⵏⵏⵙ ⵢⵉⵡⵉ "ⵜⴰⵀⵉⵙⵜⵉⵔⵉⵜ ⵜⴰⴳⵔⴰⵡⵏⵜ" ⴷⴰⵔ ⵓⵏⴳⵔⴰⵡ ⴰⵏⴱⴰⴹ ⴳ ⴷⴷⵣⴰⵢⵔ.

ⵜⴼⵔⴰ ⵜⵏⵏⴰ ⵜⵕⵥⵥⵓⵎⵜ ⵍⵍⵉ ⵢⵓⵔⴰ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙ ⵅⴼ ⵢⴰⵜ ⵜⵎⴰⵣⵉⵖⵜ ⵍⵍⵉ ⴱⴷⴷⴰ ⵢⵏⵏⴰⵏ ⵎⴰⵙ ⵓⵔ ⴷⴰⵔⵜ ⵜⵍⵍⴰ ⴽⵔⴰ ⵢⴳⴰⵜⵜ ⵜⴼⵓⵍⵜ ⴳ ⵜⵖⴰⵡⵙⴰ ⵢⴰⴷ, ⴷ ⵎⴰⵙ ⵓⵔ ⵖⵓⵔⵙ ⵍⵍⴰⵏ ⵉⵙⴱⵖⵓⵔⵏ ⵓⵙⵔⵉⴷⵏ ⴰⴱⵍⴰ ⵓⵎⵏⵣⴰⵖ ⵏ ⵡⴰⴷⴷⴰⴷ ⵅⴼ ⵓⵣⵔⴰⴼ ⵏ ⵉⵎⴰⴷⴷⵓⵏ ⴰⴷ ⵖⵜⵙⵏ ⵙ ⵉⵅⴼ ⵏⵏⵙⵏ ⵎⴰⴷ ⵔⴰⵏ, ⴰⵔⴰⵔ ⵏ ⵓⵏⴳⵔⴰⵡ ⴰⴷⵣⴰⵢⵔⵉ ⵓⵔ ⴷⴰⵜ ⵏ ⵜⴽⵍⴰⵢⵜ ⵏ ⵎⵉⵔⵉⴽⴰⵏ ⵓⵔ ⵢⴰⵙⵜⵡⴰ, ⵙⵍⴰⵡⴰⵏ ⴰⴽⴽⵯ ⵉ ⵡⵉⵏⵏ ⵍⵍⵉ ⵢⴹⴼⴰⵕⵏ ⵉⵃⵍⴰⵍⵏ ⵏ ⵓⵏⴳⵔⴰⵡ ⴰⴷ.

ⵜⵙⵓⵍ ⵜⵏⵏⴰ ⵜⵎⵖⵓⵏⵜ ⵎⴰⵙ ⵉⵊⵉⵏⵉⵕⴰⵍⵏ ⵏ ⴷⴷⵣⴰⵢⵔ, ⵉⴳⴰⵏ ⵉⵏⵍⵎⴰⴷⵏ ⵏ ⵜⵏⵎⴰⵍ ⵏ ⵍⴱⵔⵓⴱⴰⴳⴰⵏⴷⴰ ⵏ ⴰⵍⵎⴰⵏⵢⴰ ⵏ ⵜⵓⴳⵜ ⴷⴰⵜ ⵏ ⵓⴹⵕ ⵏ ⵓⴳⴰⴷⵉⵔ ⵏ ⴱⵉⵔⵍⵉⵏ, ⵙⴽⵔⵏ ⴰⵎⵣⵉⵣⵣⵍ ⵓⵔ ⵉⵃⵍⵉⵏ ⵎⴳⴰⵍ ⵍⵎⵖⵔⵉⴱ, ⵍⵍⵉ ⴹⴼⴰⵕⵏ ⴰⴽⴽⵯ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴳ ⵜⵎⴰⵣⵉⵔⵜ, ⴱⵍⴰ ⴰⴷ ⴰⴽⴽⵯ ⵙⵙⵏ ⵏ ⵉⵍⵓⴳⵏ ⵏ ⵜⵖⴰⵡⵙⴰ ⵜⴰⵣⵣⵓⵍⴰⵏⵜ ⵏⵖⴷ ⵏ ⵛⵛⴽ ⴰⵖⴰⵡⴰⵙ, ⴷ ⵔⴰⵔⵏ ⵜ ⵣⵓⵏⴷ ⵓⴽⴰⵏ ⴽⵔⴰ ⵏ ⵎⴷⴷⵏ ⵓⵔ ⵉⵟⵟⵉⴼⵏ ⴽⵔⴰ ⵢⴳⴰⵜⵜ ⴰⴷⴷⵓⵔ ⵏⵖⴷ ⵜⵉⵣⵉ ⵜⴰⵣⵣⵓⵍⴰⵏⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%8F-%E2%B5%93%E2%B4%B3%E2%B5%A3%E2%B5%A3%E2%B5%93%E2%B5%8E-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%85%E2%B4%BC-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%8F%E2%B5%8F%E2%B5%99-%E2%B5%A2%E2%B5%89%E2%B5%A1%E2%B5%89%E2%B4%B7-%E2%B5%9C%E2%B4%B0%E2%B5%80%E2%B5%89%E2%B5%99%E2%B5%9C%E2%B5%89%E2%B5%94%E2%B5%89%E2%B5%9C-%E2%B5%9C%E2%B4%B0%E2%B4%B3%E2%B5%94%E2%B4%B0%E2%B5%A1%E2%B5%9C-%E2%B4%B7%E2%B4%B0%E2%B5%94-%E2%B5%93%E2%B5%8F%E2%B4%B3%E2%B5%94%E2%B4%B0%E2%B5%A1