ⴰⵎⴰⴳⵔ ⵏ ⵓⵙⵉⴷⴼ ⵏ "ⵍⴰⵎⴰⴱ" ⵔⴰⴷ ⵢⴰⵊⵊ ⵉⵄⵔⵔⵉⵎⵏ ⴰⴷ ⴰⵎⵥⵏ ⵜⴰⴷⵍⵙⴰ ⵏ ⵜⵎⵙⵙⵏⵜⵉⵜ (ⵎⴰⵙⵙ ⵍⵀⴰⵛⵉⵎⵉ ⵉⴷⵔⵉⵙⵉ)

19 ⴱⵕⴰⵢⵕ 2021 Version Imprimable

ⵙⵍⴰ - ⵉⵙⴷⴷⵉⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵙⵍⴰ, ⵎⴰⵙ ⵓⵎⴰⴳⵔ ⵏ ⵓⵙⵉⴷⴼ ⵏ "ⵍⴰⵎⴰⴱ" ⵔⴰⴷ ⵢⴰⵊⵊ ⵉⵄⵔⵔⵉⵎⵏ ⵍⵍⵉ ⴱⵃⵃⵔⴰ ⵢⴽⵛⵎⵏ ⵙ ⵜⵙⵏⵓⵕⴰⵢⵜ ⴰⴷ ⴰⵎⵥⵏ ⵜⴰⴷⵍⵙⴰ ⵏ ⵜⵎⵙⵙⵏⵜⵉⵜ.

ⵉⴼⵔⴰ ⵢⵏⵏⴰ ⵎⴰⵙⵙ ⵍⵀⴰⵛⵉⵎⵉ ⵉⴷⵔⵉⵙⵉ, ⴳ ⵢⴰⵜ ⵜⵙⴳⵓⵔⵉ ⵉ ⵡⵙⵙⴰⵔⵓ ⵏ ⵉⵏⵖⵎⵉⵙⵏ ⴰⵎⵖⵔⴰⴱⵉ (M24) ⵙ ⵓⵣⵎⵎⵣⵓ ⵏ ⵓⵙⵏⵎⴰⵍⴰ ⵏ ⵓⵎⴰⴳⵔ ⵏ ⵓⵙⵉⴷⴼ ⵏ ⵉⵎⵙⵡⵡⵓⵔⵉⵏ ⵉⵎⴰⵢⵏⵓⵏⵏ, ⴷⴷⵓ ⵏ ⵓⴱⵓⵔⵣ "ⴰⵎⵎⴰⵥ ⵏ ⵜⵎⴷⵢⴰⵙⵜ ⵜⴰⵎⵓⴼⴰⵢⵜ", ⵎⴰⵙ ⵓⵎⴰⴳⵔ ⴰⴷ, ⵍⵍⵉ ⵢⴳⴰⵏ ⵜⴰⵎⵢⵓⵔⵜ ⵍⵍⵉ ⴱⴷⴷⴰ ⵜⵙⴽⴰⵔ "ⵍⴰⵎⴰⴱ", ⵉⵔⴰ ⴰⴷ ⵢⴰⵊⵊ ⵉⵄⵄⵔⵉⵎⵏ ⵉⵎⴰⵢⵏⵓⵏⵏ ⴰⴷ ⴰⵎⵥⵏ ⵜⴰⴷⵍⵙⴰ ⵏ ⵜⵎⵙⵙⵏⵜⵉⵜ ⴷ ⴰⴷ ⵙⵙⵏⵏ ⵜⴰⵡⵓⵔⵉ ⵏⵏⵙ ⴳ ⵜⴷⵎⵙⴰ ⴷ ⵜⴷⵍⵙⴰ ⴷ ⵓⵎⵓⵏ ⴰⵎⵖⵔⴰⴱⵉ.

ⵉⵙⵓⵍ ⵉⵏⵏⴰ ⵎⴰⵙ ⵓⵎⴰⴳⵔ ⴰⴷ ⵉⵔⴰ ⵙⵓⵍ ⴰⴷ ⵥⴹⵕⵏ ⵉⵄⵔⵔⵉⵎⵏ ⵉⵎⴰⵢⵏⵓⵏ ⴰⴷ ⵙⵏⵏ ⵓⵎⵢⵉⵏⴰⵡ ⵏ ⵉⵢⴰⴼⵓⵏ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵉⵣⵎⵎⴻⵎ ⵙⵓⵍ ⵎⴰⵙ "ⵓⵔ ⵉⵎⴽⵉⵏ ⴰⴷ ⵉⵍⵉⵏ ⵉⵢⴰⴼⵓⵏ ⵖⵓⵔⵙⵏ ⵜⵖⵔⴰ ⴷ ⵜⵎⴷⵢⴰⵙⵜ ⵜⴰⵎⵓⴼⴰⵢⵜ ⵉⵖ ⵓⵔ ⵜⵍⵍⴰ ⵜⵖⴰⵔⴰⵙⵜ ⵏ ⵜⵖⵔⴰ ⴷ ⵓⵎⵓⴼⴰⵢ".

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8E%E2%B4%B0%E2%B4%B3%E2%B5%94-%E2%B5%8F-%E2%B5%93%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%94%E2%B4%B0%E2%B4%B7-%E2%B5%A2%E2%B4%B0%E2%B5%8A%E2%B5%8A-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B4%B0%E2%B4%B7-%E2%B4%B0%E2%B5%8E%E2%B5%A5%E2%B5%8F-%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%8F%E2%B5%9C%E2%B5%89%E2%B5%9C-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B5%80%E2%B4%B0%E2%B5%9B%E2%B5%89%E2%B5%8E%E2%B5%89