Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ ⴳ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵣⵎⵎⵓⵔ ⵣⵄⵉⵔ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ ⴳ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵣⵎⵎⵓⵔ ⵣⵄⵉⵔ

13 ⵢⵓⵍⵢⵓⵣ 2013 Version Imprimable
ⵜⵎⴰⵔⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ, ⵙⵉⵏ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ ⴳ ⵜⵙⴳⴰ ⵏ ⵕⵕⴱⴰⵟ- ⵙⵍⴰ- ⵣⵎⵎⵓⵔ- ⵣⵄⵉⵔ.

ⵔⴰⴷ ⵜⵙⵙⵓⴼⵖ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵉⵙⵏⵜⵉⵏ ⴰⴷ ⵙ ⵢⴰⵏ ⵓⵙⵙⴰⵔⵓ ⵏ 22 ⵓⵎⵍⵢⵉⵏ ⵏ ⴷⴷⵔⵀⵎ.

ⴼ ⵖⵉⴽⴰⵏⵏ, ⵔⴰⴷ ⵜⵜⵓⵚⴽu ⵜⴳⵎⵎⵉ ⵏ ⵜⴳⴰⵡⵜⵉⵏ ⵜⴰⴱⴷⴰⴷⵜⵉⵏ ⵏ ⵓⵙⵖⴰⵔⴰ ⴷ ⵓⵙⴽⵛⵎ ⵏ ⵜⵎⵖⴰⵔⵉⵏ ⴳ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⵕⵕⴱⴰⵟ ⴷ ⵢⴰⵏ ⵓⵎⵎⴰⵙ ⵏ ⵓⵙⵎⵓⵜⵜⴳ ⴳ ⵜⴰⵣⵣⵓⵍⵉⵏ ⵏ ⵜⵉⵙⵙⵓⵏⵙⴰ ⴷ ⵜⴰⵎⴰⵍⵍⴰⵢⵜ ⴳ ⵜⵓⴷⴷⵓⵔⵜ ⵏ ⴳⵉⵛ ⵍⵓⴷⴰⵢⴰ ⴳ ⵜⵎⴰⵔⴰ.

ⵜiⴳⵎⵎⵉ ⵏ ⵜⴳⴰⵡⵜⵉⵏ ⵜⴰⴱⴷⴰⴷⵜⵉⵏ ⵏ ⵓⵙⵖⴰⵔⴰ ⴷ ⵓⵙⴽⵛⵎ ⵏ ⵜⵎⵖⴰⵔⵉⵏ (4 ⵓⵎⵍⵢⵓⵏ ⵏ ⴷⴷⵔⵀⵎ) ⵔⴰⴷ ⵜⴼⴽ ⵉⵣⵔⵔⵓⵢⵏ ⵏ ⵓⵙⵉⴷⵍⴼ ⴷ ⵓⵍⵎⵎⵓⴷ ⵏ ⵜⵣⵣⵓⵍⵉⵏ ⵜⵉⴷⵖⵔⴰⵜⵉⵏ ⵉⵙⵙⴽⵛⴰⵎⵏ ⵉⵇⴰⵕⵉⴹⵏ ⴷ ⵓⵙⵡⵓⵔⵉ ⵓⵍⴰ ⵓⵙⴷⵓⵙ ⵏ ⵜⵙⵓⴳⵔⵜⵉⵏ ⵏ ⵜⵎⵖⴰⵔⵉⵏ ⴷ ⵜⵉⵄⵢⵢⴰⵍⵉⵏ.

ⵔⴰⴷ ⵜⵟⵟⴼ ⵜⵓⵚⴽⵉⵡⵜ ⴰⴷ ⵎⵏⵏⴰⵡ ⵏ ⵜⵙⴰⵡⵔⵜⵉⵏ ⴷ ⵜⵎⵇⵚⵓⵕⵜⵉⵏ ⵏ ⵓⵙⵉⴷⵍⴼ ⴷ ⵓⵏⵏⴰⵍ ⴰⵏⵎⵍⴰⵏ ⴷ ⵓⵙⴰⵢⵔⴰⵔ ⵏ ⵜⵎⵙⵍⵉⵡⵜ ⴷ ⵓⵙⵡⴰⵍⴰ ⴷ ⵓⵣⵏⵣⵉ ⵏ ⵉⵢⴰⴼⵓⵏ ⵏ ⵡⴰⵎⵎⴰⵙ.

ⴰⵎⵎⴰ aⵎⵎⴰⵙ ⵏ ⵓⵙⵎⵓⵜⵜⴳ ⴳ ⵜⴰⵣⵣⵓⵍⵉⵏ ⵏ ⵜⵉⵙⵙⵓⵏⵙⴰ ⴷ ⵜⴰⵎⴰⵍⵍⴰⵢⵜ (18 ⵏ ⵓⵎⵍⵢⵓⵏ ⵏ ⴷⴷⵔⵀⵎ), ⵔⴰⴷ ⵉⵟⵟⴼ ⵢⴰⵏ ⵓⵙⵏⵙⵓ ⴰⴱⵉⴷⴰⵖⵓⵊⵉ (ⴰⵙⵏⵓⴱⴳ ⴷ ⴽⴽⵓⵥ ⵏ ⵜⵉⵎⵇⵚⵓⵕⵜⵉⵏ ⴷ ⵢⴰⵜ ⵜⵎⵚⵕⵉⵜ ⵜaⵎⵖⵔⴰⴱⵉⵜ ⴷ ⵢⴰⵜ ⵜⵎⵚⵕⵉⵜ ⵜⴰⵜⵔⴰⵔⵜ) ⴷ ⵢⴰⵏ ⵉⴼⵔ ⵏ ⵜⵙⵉⵔⵎⵜ (ⴰⵏⵡⴰⵍ ⴷ ⵜⵙⵉⵔⵎⵜ ⴷ ⵜⵣⵇⵇⴰ) ⴷ ⵢⴰⵜ ⵍⵉⴽⵓⵏⵓⵎⴰ ⴷ ⵜⵉⴷⴰⵍⴰⵜⵉⵏ ⵏ ⵓⵣⵔⵔⵓⵢ ⴷ tin ⵜⵙⵏⵎⴰⵍⴰⵢⵜ ⴷ ⵜⵉⵏ ⵜⵙⵎⵓⵏⵉ ⴷ ⵎⵏⵏⴰⵡ n ⵉⵙⵉⵔⴰⵏ ⵉⵎⵙⵙⵓⴳⵓⵔⵉⵏ.

ⵔⴰⴷ ⵙⵓⵍ ⵢⵉⵍⵉ ⴳ ⵜⵓⴷⴷⵓⵔⵜ ⵏ ⴳⵉⵛ ⵍⵓⴷⴰⵢⴰ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴷ ⵓⵙⴷⵓⵙ ⵏ ⵜⵙⵓⴳⵔⵜⵉⵏ ⵏ ⵜⵎⵖⴰⵔⵉⵏ.

ⵔⴰⴷ ⵉⵟⵟⴼ ⵡⴰⵎⵎⴰⵙ ⴰⴷ (6 ⵏ ⵓⵎⵍⵢⵓⵏ ⵏ ⴷⴷⵔⵀⵎ ⵜⴼⴽⴰⵜⵜⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ) ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ, ⵣⵓⵏⴷ ⵙⵏⴰⵜ ⵜⵙⴰⵡⵔⵜⵉⵏ ⵏ ⵓⵙⵎⵓⵜⵜⴳ ⴷ ⵓⵏⵡⴰⵍ ⴷ ⵜⵙⵔⴽⵜ, ⴷ ⵜⵎⵇⵚⵓⵕⵜⵉⵏ ⵏ ⵓⵙⵉⴷⵍⴼ ⴷ ⵓⵙⵎⵓⵜⵜⴳ ⵏ ⵜⵄⵢⵢⴰⵍⵉⵏ ⵍⵍⵉ ⵡⵔ ⵖⵔⵉⵏt ⴷ ⵢⴰⵏ ⵓⵙⴰⵢⵔⴰⵔ ⵏ ⵓⴼⵙⴰⵔ ⴷ ⵓⵣⵏⵣⵉ, ⴷ ⵜⵎⵇⵚⵓⵕⵜ ⵜⴰⴱⵉⴷⴰⵖⵓⵊⵉⵜ.

Dernière modification : 13 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B4%B3-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%99%E2%B5%8D%E2%B4%B0-%E2%B5%A3%E2%B5%8E%E2%B5%8E%E2%B5%93%E2%B5%94-%E2%B5%A3%E2%B5%84%E2%B5%89%E2%B5%94#comment-0