ⵜⴼⴼⵖ ⵜⵎⵙⵎⵓⵏⵜ ⵏ ⵜⴷⴷⵓⴽⵯⵍⴰ ⵜⵎⵖⵔⴰⴱⵉⵜ ⵜⵉⵚⵕⴰⵢⵍⵉⵜ ⴳ ⵎⵉⵔⵉⴽⴰⵏ

03 ⵎⴰⵕⵚ 2021 Version Imprimable

ⵡⴰⵛⵉⵏⵟⵓⵏ - ⵜⴼⴼⵖ ⵜⵎⵙⵎⵓⵏⵜ ⵏ ⵜⴷⴷⵓⴽⵯⵍⴰ ⵜⵎⵖⵔⴰⴱⵉⵜ ⵜⵉⵚⵕⴰⵢⵍⵉⵜ ⴳ ⵡⵙⵙⴰⵏ ⴰⴷ ⵉⵣⵔⵉⵏ ⴳ ⵎⵉⵔⵉⴽⴰⵏ, ⵉⵔⴰⵏ ⴰⴷ ⵜⵙⴷⵓⵙ ⵜⵓⵇⵏⵉⵏ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ.

ⵉⵏⵏⴰ ⵢⴰⵏ ⵓⵙⵉⵡⴹ ⵉⴼⴼⵖⵏ ⵅⴼ ⵉⵎⵙⵙⵓⴼⵖⵏ ⵏ ⵜⵎⵙⵎⵓⵏⵜ, ⵎⴰⵙ ⵜⵎⵙⵎⵓⵏⵜ ⴰⴷ ⵍⵍⵉ ⵢⵍⵍⴰⵏ ⵓⵙⵖⵉⵎ ⵏⵏⵙ ⴳ ⵍⵡⵉⵍⴰⵢⴰ ⵏ ⵊⵓⵕⵊⵢⴰ (ⴰⴼⴼⵓⵙ ⵏ ⵍⵇⴱⵍⵜ), ⵜⵔⴰ ⵜⵙⴷⵓⵙ "ⴰⵙⵎⵔ ⵉⵛⵛⴰⵔⵏ ⵏ ⵓⵎⵣⵔⵓⵢ ⴷ ⵜⴷⵍⵙⴰ ⴷ ⵓⵎⵓⵏ ⴰⵜⵔⴰⵔ ⴳ ⵍⵎⵖⵔⵉⴱ ⴷ ⵉⵚⵕⴰⴻⵉⵍ", ⴳ ⵓⵙⴰⵜⵉ ⵏ ⵜⵔⵏⵓⵜ ⵏ ⵜⵓⵇⵇⵏⵉⵏ ⵜⵉⴷⵉⴱⵍⵓⵎⴰⵙⵉⵏ ⴳⵔ ⵙⵏⴰⵜ ⵜⵎⵉⵣⴰⵔ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵎⵙⵎⵓⵏⵜ ⵜⵔⴰ ⵙⵓⵍ ⴰⴷ "ⵜⵙⵙⴽⵜⵉ ⵜⵖⴰⵡⵙⵉⵡⵉⵏ ⵜⵉⵎⵣⵔⵓⵢⵉⵏ ⵍⵍⵉ ⵢⵙⵙⵏ ⵍⵎⵖⵔⵉⴱ, ⵎⴰ ⵢⴰⴷ ⵉⴳⴰⵏ ⴰⵏⵙⵙⵉⵅⴼ ⵏ ⵓⵖⴱⵓ ⵏ ⵉⵜⵉⴳⵏ ⵏ ⵜⵏⴼⵔⵓⵜ ⴷ ⵓⵙⴱⵉⴷⴷ ⵏ ⵜⵓⴳⵉ ⵏ ⵓⴷⴰⵢⵏ", ⵉⵙⵓⵍ ⵉⵏⵏⴰ ⵎⴰⵙ ⵜⵎⵙⵎⵓⵏⵜ ⴰⴷ ⵜⴹⴼⵕ ⵉⵎⴰⵏ ⵏ ⵓⴷⵓⵙⵜⵓⵔ ⴰⵎⵖⵔⴰⴱⵉ ⵏ ⵓⵙⴳⴳⵯⴰⵙ ⵏ 2011, ⵍⵍⵉ ⵢⵙⵙⵏⵏ ⵙ ⵓⵏⵙⴰ ⵉⴷⴷⵓⵔⵏ ⵏ ⵜⵢⵓⴷⴰⵢⵜ ⴰⵎⵎⴰⵙ ⵏ ⵉⵎⵢⵉⵏⴰⵡⵏ ⵉⵏⵙⴰⵏ ⵉⴷⵍⵙⴰⵏ ⵏ ⵜⴳⵍⴷⵉⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%BC%E2%B4%BC%E2%B5%96-%E2%B5%9C%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%9C%E2%B4%B7%E2%B4%B7%E2%B5%93%E2%B4%BD%E2%B5%AF%E2%B5%8D%E2%B4%B0-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%9C%E2%B5%89%E2%B5%9A%E2%B5%95%E2%B4%B0%E2%B5%A2%E2%B5%8D%E2%B5%89%E2%B5%9C-%E2%B4%B3-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F