ⴰⵙⴳⵎⴹ ⵏ ⵓⵎⵙⴰⵙⴰ ⵏ ⵜⵎⴷⵔⴰⵡⵜ ⴳⵔ "ⵍⴰⵎⴰⴱ" ⴷ ⵜⵙⵓⵏⵕⴰⵢⵜ ⵜⴰⴷⵍⵙⴰⵏⵜ "ⴰⵏⵢⴰ" ⵅⴼ ⵜⵓⴳⵉ ⵏ ⵜⵎⵖⵓⵏⵜ ⵜⴰⴷⵎⵙⴰⵏⵜ ⵅⴼ ⵉⵜⵉⴳⵏ ⵉⵛⵛⴰⵔⵏ

09 ⵎⴰⵕⵚ 2021 Version Imprimable

ⵕⵕⴱⴰⵟ - ⵜⵙⴳⵎⴹ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ) ⴷ ⵜⵙⵏⵓⵕⴰⵢⵜ ⵜⴰⴷⵍⵙⴰⵏⵜ (ⴰⵏⵢⴰ), ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⵖ ⵕⵕⴱⴰⵟ, ⵢⴰⵏ ⵓⵎⵙⴰⵙⴰ ⵏ ⵜⵎⴷⵔⴰⵡⵜ ⵉⵔⴰⵏ ⵏ ⵉⵙⴷⵓⵙ ⵜⵓⴳⵉ ⵏ ⵜⵎⵖⵓⵏⵜ ⵜⴰⴷⵍⵙⴰⵏⵜ ⴰⵎⵎⴰⵙ ⵏ ⵉⵜⵉⴳⵏ ⵉⵛⵛⴰⵔⵏ ⵍⵍⵉ ⴹⴼⴰⵕⵏⵜ ⵙⵏⴰⵜ ⵜⵉⴼⴰⵍⵉⵏ ⴰⴷ.

ⵉⵔⴰ ⵡⵎⵙⴰⵙⴰ ⵢⴰⴷ, ⵍⵍⵉ ⵢⵙⴳⵎⴹ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ ⵜⴰⴷⵍⵙⴰⵏⵜ "ⴰⵏⵢⴰ", ⵎⴰⵙⵙ ⴱⵕⴰⵀⵉⵎ ⵍⵎⵣⵏⴷ, ⴰⴷ ⵉⵃⴱⵓ ⵉⵎⵓⵙⵙⵓⵏ ⵏ ⵜⵚⴽⴰⵡⵉⵜ ⵜⴰⴷⵍⵙⴰⵏⵜ ⴰⴷ ⵉⵜⵜⵡⵓⵔⵉⵏ ⴳ ⵉⴳⵔ ⵏ ⵓⵣⴰⵡⴰⵏ ⴷ ⵉⵓⵙⵏⵎⴰⵍⴰⵏ ⵓⵏⵎⵓⴳⴳⴰⵔ "ⴼⵉⵣⴰ ⴼⵓⵕ ⵎⵢⵓⵣⵉⴽ" ⵍⵍⵉ ⴰⵔ ⵜⵙⴽⴰⵔ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵓⵖⴰⵎⵓⵙ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2014.

ⵉⵔⴰ ⵡⵎⵓⵏ ⴰⵏⵖⵎⴰⵙ ⴰⴷ ⵉⵣⵣⵓⵣⵔ ⵜⵎⵖⵓⵏⵜ ⵏ "ⴰⵏⵢⴰ" ⵉⵣⴷⵉⵏ ⴷ ⵜⵉⵎⵉⵜⴰⵔ ⵏⵏⵙ (ⴼⵉⵣⴰ ⴼⵓⵕ ⵎⵢⵓⵣⵉⴽ, ⵎⵓⵕⵓⴽⵏ ⵎⵢⵓⵣⵉⴽ ⵀⵉⵔⵉⵜⵉⴷⵊ, ⴰⵏⵢⴰ ⴱⵔⵓⴷⴰⴽⵛⵏ, ⴷ ⴰⵏⵢⴰ ⵏ ⵓⵜⵡⴰⵍ ⴰⴷⵍⵙⴰⵏ) ⴳ ⴰⴽⴽⵯ ⵜⵍⴳⴰⵎⵉⵏ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%9C%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B3%E2%B5%94-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B7-%E2%B5%9C%E2%B5%99%E2%B5%93%E2%B5%8F%E2%B5%95%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F%E2%B5%9C-%E2%B4%B0%E2%B5%8F%E2%B5%A2%E2%B4%B0-%E2%B5%85%E2%B4%BC-%E2%B5%9C%E2%B5%93%E2%B4%B3%E2%B5%89-%E2%B5%8F-%E2%B5%9C%E2%B5%8E%E2%B5%96%E2%B5%93%E2%B5%8F%E2%B5%9C