ⵔⴰⴷ ⵜⵙⴼⵓⴳⵍⵓ ⵜⵣⵏⵉⵜ ⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴷⵢⴰⵣⵜ ⴳ ⵓⵙⵏⵎⴰⵍⴰ ⵏ ⵓⵏⵎⵓⴳⴳⴰⵔ "ⴰⵎⴰⵔⵉⵔ" ⵏ ⵜⵎⴷⵢⴰⵣⵜ ⵜⵎⴰⵣⵉⵖⵜ

12 ⵎⴰⵕⵚ 2021 Version Imprimable

ⵜⵉⵣⵏⵉⵜ - ⵔⴰⴷ ⵜⵙⵏⵎⴰⵍⴰ ⵜⵎⵀⵍⴰ ⵜⴰⵙⴳⴰⵡⵉⵜ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ - ⵉⴳⵔ ⵏ ⵜⴷⵍⵙⴰ -, ⵡⵙⵙⴰⵏ ⵏ 20 ⴷ 21 ⵎⴰⵕⵚ ⴰⴷ, ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵏⵎⵓⴳⴳⴰⵔ "ⴰⵎⴰⵔⵉⵔ" ⵏ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ, ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴷⵢⴰⵣⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵀⵍⴰ ⵎⴰⵙ ⵔⴰⴷ ⵉⴳ ⵓⵎⵓⵙⵙⵓ ⴰⴷⵍⵙⴰⵏ ⴰⴷ "ⵜⴰⵎⵢⵓⵔⵜ ⵜⴰⴷⵍⵙⴰⵏⵜ ⵏ ⵓⵙⵓⵜⴳ ⵏ ⵢⴰⵏ ⵓⴷⵎ ⵏ ⵓⵢⴷⴰ ⴰⴷⵍⵙⴰⵏ ⵓⵔ ⵉⵎⵜⵜⴰⵡⵉⵏ, ⴷ ⵓⵣⵎⵎⵣⵓ ⵏ ⵓⵎⴰⴳⵔ ⵏ ⵉⵙⵏⴼⵍⵓⵏ ⵉⵎⵖⵔⴰⴱⵉⵢⵏ ⴳ ⵉⴳⵔ ⵏ ⵓⵙⵏⴼⵍⵓⵍ ⴰⵎⴰⴷⵢⴰⵣ ⴰⵎⴰⵣⵉⵖ, ⴷ ⵓⵙⵎⵖⵔ ⵏ ⵎⴷⴷⵏ ⵉⵅⴰⵜⴰⵔⵏ ⵏ ⵜⵎⴷⵢⴰⵣⵜ ⵜⵎⴰⵣⵉⵖⵜ".

ⵉⵏⵏⴰ ⵙⵓⵍ ⵓⵙⵉⵡⴹ ⴰⴷ ⵎⴰⵙ ⵔⴰⴷ ⵉⵙⵙⵏ ⵓⵎⵃⵉⵥⵡⴰⵕ ⴰⴷ ⴰⵙⵏⵎⴰⵍⴰ ⵏ ⵙⵏⴰⵜ ⵜⴷⴳⴳⵯⴰⵜⵉⵏ ⵏ ⵜⵎⴷⵢⴰⵣⵜ ⵙ ⵜⴷⵔⴰⵡⵜ ⵏ ⵉⵎⴷⵢⴰⵣⵏ ⵉⵎⴰⵣⵉⵖⵏ ⵙⴳ ⵎⵛⵜⴰ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵓⵍⴰ ⴰⵙⵏⵎⴰⵍⴰ ⵏ ⵜⵙⵙⵓⵔⵉⵏ ⵏ ⵓⵙⵎⵎⵓⵜⴳ ⴳ ⵉⵣⵍⵉ ⴰⵙⴳⵎⴰⵏ ⴰⵎⴰⵣⵉⵖ, ⴷ ⵢⴰⵜ ⵜⵉⵏⴰⵡⵜ ⵜⴰⴷⵍⵙⴰⵏⵜ ⵉⴳⴳⵔⵏ ⵉ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵏ ⵜⵎⴷⵢⴰⵣⵜ ⵜⵎⴰⵣⵉⵖⵜ ⴷ ⵉⵏⴰⵡⵏ ⵏⵏⵙ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%94%E2%B4%B0%E2%B4%B7-%E2%B5%9C%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%9C%E2%B5%A3%E2%B5%8F%E2%B5%89%E2%B5%9C-%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B4%B7%E2%B5%A2%E2%B4%B0%E2%B5%A3%E2%B5%9C-%E2%B4%B3-%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B5%8E%E2%B4%B0%E2%B5%94%E2%B5%89%E2%B5%94-%E2%B5%8F-%E2%B5%9C%E2%B5%8E%E2%B4%B7%E2%B5%A2%E2%B4%B0%E2%B5%A3%E2%B5%9C