Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

12 ⵉⴱⵔⵉⵔ 2021 Version Imprimable
ⵕⵕⴱⴰⵟ - ⵔⴰⴷ ⵉⵎⵓⵏ, ⴰⵙⵙ ⵏ ⵓⴽⵡⴰⵙ ⴰⴷ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵎⵕⵚⵓⵎⵏ ⴰⵎⵣⵡⴰⵔⵓ ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵎⵕⵚⵓⵎ ⵉⴼⴼⵖⵏ ⵙ ⵜⵙⵏⵙⵉ ⵏ ⵍⴰⵃⴽⴰⵎ ⵏ ⴹⴹⴰⵀⵉⵕ ⴰⵛⵛⵔⵉⴼ ⴰⵎⵎ ⴰⵙⵍⴳⴰⵏ ⵉⵥⵍⵉⵏ ⵙ ⵓⵙⵓⴷⵙ ⴰⵣⵔⴼⴰⵏ ⴳ ⵜⴳⵍⴷⵉⵜ, ⴷ ⵡⵉⵙⵙ ⵙⵉⵏ ⵙ ⵓⵜⵎⵉⵎ ⵏ ⵓⵎⵕⵚⵓⵎ ⵉⴼⴼⵖⵏ ⵙ ⵜⵙⵏⵙⵉ ⵏ ⵓⵙⵍⴳⴰⵏ ⵉⵣⴷⵉⵏ ⵏ ⵓⵍⵍⴰⵙ ⵏ ⵓⵙⴷⵓⵙ ⵏ ⵜⴼⵏⵉⵇⵜ ⵜⵎⵖⵔⴰⴱⵉⵜ ⵏ ⵜⵏⴰⴼⵜ, ⴷ ⵡⵉⵙⵙ ⴽⵕⴰⴹ ⵙ ⵜⵙⵏⵙⵉ ⵏ ⵍⴰⵃⴽⴰⵎ ⵏ ⵓⵙⵍⴳⴰⵏ ⵉⵥⵍⵉⵏ ⵙ ⵜⵙⴳⴰⵡⵉⵏ ⵉⵜⵜⵓⴼⵔⴰⴽⵏ.

ⵉⵙⵓⵍ ⵉⵏⵏⴰ ⵡⵙⵇⵇⵉⵎ ⵎⴰⵙ ⵔⴰⴷ ⵉⵣⵔⵉ, ⴷⴼⴼⵉⵔ ⴰⴷ, ⵙ ⵜⵖⵓⵔⵉ ⵏ ⵓⴱⵕⵓⵟⵓⴽⵓⵍ ⵏ ⵓⵙⴳⴳⵯⴰⵙ 1988 ⵉⵥⵍⵉⵏ ⵙ ⵜⵎⵢⴰⵇⵇⴰⵏⵜ ⵜⵎⴰⴹⵍⴰⵏⵜ ⵏ ⵉⵣⵔⵉⴳⵏ ⵏ ⵉⵙⴰⵢⵏ ⵏ ⵓⵙⴳⴳⵯⴰⵙ 1966 ⵉⵜⵜⵓⵖⵥⴰⵏⵏ ⴳ ⵍⵓⵏⴹⵓⵏ ⴰⵙⵙ ⵏ 11 ⵏⵓⵡⴰⵏⴱⵉⵔ 1988 ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵏ ⵓⵎⵙⴰⵙⴰ ⵅⴼ ⵓⴱⵕⵓⵟⵓⴽⵓⵍ ⴰⴷ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼⵕ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-10