ⵙⵍⴰ: ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵡⴰⵎⵎⴰⵙ ⵏ ⵓⵙⵉⴷⴼ ⴰⵣⵣⵓⵍⴰⵏ ⵏ ⵉⵄⵔⵔⵉⵎⵏ

18 ⵢⵓⵍⵢⵓⵣ 2013 Version Imprimable

ⴱⵓⵇⵏⴰⴷⵍ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⴰⵎⵣⵡⴰⵔⵓ ⵏ ⵚⴱⵍⵢⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵏ ⵡⴰⵎⵎⴰⵙ ⵏ ⵓⵙⵉⴷⴼ ⴰⵣⵣⵓⵍⴰⵏ ⵏ ⵉⵄⵔⵔⵉⵎⵏ ⴳ ⵜⴳⵔⴰⵡⵜ ⵏ ⴱⵓⵇⵏⴰⴷⵍ (ⵜⴰⵎⵏⴱⴰⴹⵜ ⵏ ⵙⵍⴰ).

ⴰⵙⵏⵜⵉ ⵢⴰⴷ ⵍⵍⵉ ⵜⵙⴽⵔ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ 6 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⴰⵔ ⵉⵎⵎⴰⵍ ⴰⵜⵉⴳ ⵉⴳⴳⵓⵜⵏ ⵍⵍⵉ ⵢⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵢⵉⵄⵔⵔⵉⵎⵏ, ⴰⵛⴽⵓ ⴷⴰⵔⵙⵏ ⵜⵉⵍⴰⵍⵜ ⴳ ⵓⵣⵣⵉⴳⵣ ⵏ ⵜⴳⵎⵉ ⵜⴰⵏⴰⵎⵓⵏⵜ ⵖ ⵍⵎⵖⵔⵉⴱ.

ⴰⵎⵎⴰⵙ ⴰⴷ ⵏ ⵓⵙⵉⴷⴼ ⴰⵣⵣⵓⵍⴰⵏ ⵉⴳⴰ ⵓⵡⵜⵜⴰⵙ ⵏⵏⵙ ⵜⴰⵏⴽⵔⴰ ⵙ ⵉⵄⵔⵔⵉⵎⵏ ⴳ ⵉⴳⵔ ⵏ ⵓⵙⵎⵓⵜⵜⴳ ⴷ ⵜⵓⴳⵉ ⵏ ⵜⵉⵎⵙⵙⵏⵜⵉⵏ ⵎⵣⵣⵢⵏⵉⵏ. ⵖⵎⴽⵍⵍⵉ ⴳ ⵉⵙ ⵍⵍⴰⵏ ⵉⵎⴰⵙⵙⵏ ⵏ ⵉⵎⵓⵙⵙⵓⵜⵏ ⵉⵎⴰⵏⵓⵏⵏ .ⴰⵔ ⵢⴰⴽⴽⴰ ⵓⵍⴰ ⵉ ⵢⵉⵄⵔⵔⵉⵎⵏ ⴰⵣⵎⵣ ⵏ ⵓⵙⴰⴷⴼ ⵉ ⵉⵙⴰⵢⵔⴰⵔⵏ ⵏ ⵓⵙⵙⵓⵜⵉ ⴰⵎⵙⵎⵓⵏ ⴷ ⴰⵏⴰⵥⵓⵕ ⴷ ⴰⴷⵍⵙⴰⵏ.

ⵍⵍⴰⵏⵜ ⵓⵍⴰ ⴳ ⵡⴰⵎⵎⴰⵙ ⴰⴷ ⵜⵉⵙⴰⵡⵔⵉⵏ ⵏ ⵓⵙⵎⵓⵜⵜⴳ ⴷ ⵙⵏⴰⵜ ⵜⵉⴷⴰⵍⵉⵏ ⵏ ⵓⵏⵏⴰⵍ ⴰⵏⵎⵍⴰⵏ ⴷ ⵢⴰⵏ ⵓⵙⴰⵢⵔⴰⵔ ⵏ ⵓⵙⴼⵙⵔ ⴷ ⵜⴰⵙⴷⵍⵉⵙⵜ ⴷ ⵜⴷⴰⵍⴰ ⵏ ⵜⵓⵏⵏⵓⵏⵜ.

ⴰⵙⵏⵜⵉ ⴰⴷ ⵢⵓⵛⴽⴰⴷ ⴰⴷ ⵉⵙⴷⵓⵙ ⵜⴰⵡⵓⵔⵉ ⵏ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴳ ⵉⴳⵔ ⵏ ⵜⵙⴳⴰ ⵏ ⵙⵍⴰ.

Dernière modification : 18 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B5%99%E2%B5%8D%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%A1%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%89%E2%B4%B7%E2%B4%BC-%E2%B4%B0%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F#comment-0