Published on MAPNews (https://www.mapnews.ma/am)

Accueil > ⵉⵙⴰⵍⴰ ⵓⵔⵣⴰⴼ ⵏ ⵜⵡⵓⵔⵉ ⴰⵎⴰⴷⴷⵓⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⴰⵎⵣⵡⴰⵔⵓ ⵏ ⵚⴱⵍⵢⵓⵏ ⴳ ⵍⵎⵖⵔⵉⴱ
  1. Accueil
  2. Activités royales

ⵉⵙⴰⵍⴰ ⵓⵔⵣⴰⴼ ⵏ ⵜⵡⵓⵔⵉ ⴰⵎⴰⴷⴷⵓⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⴰⵎⵣⵡⴰⵔⵓ ⵏ ⵚⴱⵍⵢⵓⵏ ⴳ ⵍⵎⵖⵔⵉⴱ

18 ⵢⵓⵍⵢⵓⵣ 2013 Version Imprimable
ⵕⵕⴱⴰⵜ - ⵉⵕⴰⵃ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⴰⵎⵣⵡⴰⵔⵓ ⵏ ⵚⴱⵍⵢⵓⵏ ⴰⵙⵙ ⵏ ⵓⴽⵡⴰⵙ ⴷⴼⴼⵉⵔ ⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴰⵎⴰⴷⴷⵓⴷ ⵏ ⴽⴽⵓⵥ ⵏ ⵡⵓⵙⵙⴰⵏ ⴳ ⵜⴳⵍⴷⵉⵜ.

ⴳ ⵓⵣⴰⴳⵯⵣ ⵏ ⵕⵕⴱⴰⵟ-ⵙⵍⴰ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴳⵍⵍⵉⴷ ⴰⵚⴱⵍⵢⵓⵏ ⵅⵡⴰⵏ ⴽⴰⵕⵍⵓⵚ.

ⵉⵣⵣⵓⵍⵜ ⵓⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴰⵎⴰⵡⵙⴰⵙ ⵏ ⵓⴳⵏⵙⵓ ⴷ ⵡⵉⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴷ ⵡⵉⵏ ⵓⵎⴰⵡⴰ, ⴰⵙⵙⴰⵢ, ⵜⵎⴳⵓⵔⵉ, ⵜⵙⴱⴱⴰⴱⵜ ⴷ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ.

ⵣⵣⵓⵍⵏⵜ ⵓⵍⴰ ⵉⵎⵇⵕⴰⵏ ⵏ ⵍⵄⵚⴽⵕ ⴷ ⵡⵉⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ.

ⴳ ⵓⵔⵣⴰⴼ ⴰⴷ ⴰⵎⴰⴷⴷⵓⴷ ⵉ ⵍⵎⵖⵔⵉⴱ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⵙ ⵢⴰⵏ ⵍⴼⴹⵓⵕ ⵏ ⵜⴰⵡⵊⴰ ⴰⵙⵙ ⵏ ⵓⵢⵏⴰⵙ. ⴰⵙⵙ ⵏ ⵓⵙⵉⵏⴰⵙ, ⵉⵙⴰⵡⵍ ⵓⴳⵍⵍⵉⴷ ⴰⵚⴱⵍⵢⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴷⴰⵜ ⵏ ⵓⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⵙⴱⵍⵢⵓⵏⵜ ⵏ ⵜⵎⴰⴷⴷⴰⵙⵉⵏ ⵏ ⵜⵎⵙⵙⵏⵜⴰ ⴷ ⴽⵓⵏⴼⵉⴷⵉⵕⴰⵍⵉⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⴰ ⵏ ⵍⵎⵖⵔⵉⴱ.

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⴳⵍⵍⵉⴷ ⴰⵚⴱⵍⵢⵓⵏⵉ ⵕⵥⵎⵏ ⴳ ⵕⵕⴱⴰⵟ ⴳ ⵡⴰⵙⵙ ⴰⴷ ⴰⵙⴼⵙⵔ “25 ⵏ ⵓⵙⴳⴳⵯⴰⵙ ⵏ ⵓⵎⵢⴰⵡⴰⵙ ⴰⵕⴽⵢⵓⵍⵉⵊⵉ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ”.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵢⴰⵏ ⵍⴼⴹⵓⵕ ⴰⵎⴰⴷⴷⵓⴷ ⴳ ⵓⴱⵓⵔⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⵏ ⵚⴱⵍⵢⵓⵏ.

ⵉⴽⴽⴰⵜⵜⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⵉⵙⵏⵓⴱⴳ ⴰⵙⵙ ⵏ ⵓⴽⵔⴰⵙ ⴳ ⵜⴰⵣⴷⵖⵜ ⵏⵏⵙ ⴳ ⵜⴳⴰⴷⵉⵔⵜ ⵏ ⵉⵏⴱⴳⵉⵡⵏ ⴳ ⵕⵕⴱⴰⵟ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ.

ⵉⵎⵓⵏ ⵓⴳⵍⵍⵉⴷ ⵅⵡⴰⵏ ⴽⴰⵕⵍⵓⵚ ⴰⵎⵣⵡⴰⵔⵓ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ⵙ ⵓⵕⵥⵥⵓⵎ ⵏ ⵢⴰⵏ ⵡⴰⵎⵎⴰⵙ ⵏ ⵓⵙⵉⴷⴼ ⴰⵣⵣⵓⵍⴰⵏ ⵏ ⵉⵄⵔⵔⵉⵎⵏ ⴳ ⵜⴳⵔⴰⵡⵜ ⵏ ⴱⵓⵇⵏⴰⴷⵍ (ⵜⴰⵎⵏⴱⴰⴹⵜ ⵏ ⵙⵍⴰ).
 

Dernière modification : 18 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B4%B0%E2%B5%8D%E2%B4%B0-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%85%E2%B5%A1%E2%B4%B0%E2%B5%8F-%E2%B4%BD%E2%B4%B0%E2%B5%95%E2%B5%8D%E2%B5%93%E2%B5%9A-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F-%E2%B4%B3#comment-0