Published on MAPNews (https://www.mapnews.ma/am)

Accueil > ⵜⴰⵙⵙⴰⵙⵜ ⵜⴰⵎⵖⵔⴰⴱⵉⵜ-ⵜⴰⵚⴱⵍⵢⵓⵏⵉⵜ : ⴰⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ

ⵜⴰⵙⵙⴰⵙⵜ ⵜⴰⵎⵖⵔⴰⴱⵉⵜ-ⵜⴰⵚⴱⵍⵢⵓⵏⵉⵜ : ⴰⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ

31 ⵎⴰⵢⵢⵓ 2021 Version Imprimable
ⵕⵕⴱⴰⵟ - ⵉⵙⴰⵡⵍ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵅⴼ ⵓⵙⴳⵓⵎ ⵏ ⵜⵙⵙⴰⵙⵜ ⵜⴰⵎⵖⵔⴰⴱⵉⵜ-ⵜⴰⵚⴱⵍⵢⵓⵏⵉⵜ.

ⴳ ⵓⵙⵉⵡⴹ ⴰⴷ, ⵜⵏⵏⴰ ⵜⵎⴰⵡⴰⵙⵜ ⵎⴰⵙ ⴳ ⴰⵙⵙ ⵏ 1 ⵢⵓⵏⵢⵓ, ⵔⴰⴷ ⵉⵣⵔⵉ ⵎⴰ ⵎⵓ ⵢⵙⵎ ⵖⴰⵍⵉ ⴷⴰⵜ ⵏ ⵜⵙⵏⴱⴹⴰⵢⵜ ⵜⵏⴼⵍⴰⵏⵜ ⵜⴰⵏⴰⵎⵓⵔⵜ ⵜⴰⵚⴱⵍⵢⵓⵏⵉⵜ, ⵎⴰⵢⴰⴷ ⵉⵙⴷⴷⵉⴷⵏ ⵎⴰⴷ ⵢⴰⴷ ⵍⵍⵉ ⵢⵣⵎⵎⴻⵎ ⵍⵎⵖⵔⵉⴱ ⴰⵎⵎⴰⵙ ⵏ ⵜⵙⵙⴰⵙⵜ ⴳⵔ ⵙⵏⴰⵜ ⵉⵎⵉⵣⴰⵔ ⵜⵉⴹⵊⴰⵕⵉⵏ.

ⵉⵔⵏⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵉⵍⵉⵜ ⵏ ⵎⴰ ⵎⵓ ⵢⵙⵎ ⵖⴰⵍⵉ ⵜⵙⴷⴷⵉⴷ ⵎⴰⴷ ⵉⵏⵏⴰ ⵍⵎⵖⵔⵉⴱ ⴳ ⵍⴱⴷⵓ ⵏ ⵜⵙⵙⴰⵙⵜ ⴰⴷ, ⵎⴰⵙ ⵉⵙ ⵜⵙⵙⴽⵛⵎ ⵚⴱⵍⵢⵓⵏ ⴳ ⵜⵉⵔⴰⵜ ⴳ ⵡⴰⴽⴰⵍ ⵏⵏⵙ ⵢⴰⵜ ⵜⵡⵍⴰⴼⵜ ⵓⵔ ⵉⵃⵍⵉⵏ ⵢⴰⵏ ⵓⴼⴳⴰⵏ ⵉⴹⴼⴰⵕⵏ ⵜⵣⵔⴼⴰⵏⵜ ⵜⴰⵚⴱⵍⵢⵓⵏⵉⵜ ⴳ ⵓⵎⵎⴰⵙ ⵏ ⵜⵏⵓⵔⵣⵉⵏ ⵉⵜⵜⵓⵙⵔⴰⵙⵏ ⵙⴳ ⵉⵏⴳⵉⵙⵏ ⵏ ⵜⵏⴰⵎⵓⵔⵜ ⵜⵉⵚⴱⵍⵢⵓⵏⵉⵏ ⴳ ⵓⵎⵎⴰⵙ ⵏ ⵉⵙⴽⴽⵉⵏ ⵉⵜⵜⵓⵙⴽⴰⵔⵏ ⴳ ⵜⴼⵓⵍⵜ ⴳ ⵡⴰⴽⴰⵍ ⴰⵚⴱⵍⵢⵓⵏⵉ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙ ⵎⴰⵙ ⵜⵣⵔⵉⵜ ⵏ ⵖⴰⵍⵉ ⴷⴰⵜ ⵏ ⵜⵙⵏⴱⴹⴰⵢⵜ ⵓⵔ ⵜⴳⴰ ⵜⵎⵓⴽⵔⵉⵙⵜ ⵜⴰⵎⵣⵡⴰⵔⵓⵜ, ⵜⴳⴰⵜ ⴰⵙⵇⵙⵉ ⵏ ⵜⵖⵍⵉⴼⵜ ⵉⴱⴱⵉⵏ ⴳⵔ ⵙⵉⵏ ⵉⵎⴷⵔⴰⵡⵏ ⵎⴰ ⵢⴰⴷ ⵉⴳⴰⵏ ⵍⵎⵖⵔⵉⴱ ⴷ ⵚⴱⴰⵢⵏⴰ. ⴰⵎⵎⴰⵙ ⵏ ⵜⵙⵙⴰⵙⵜ ⴰⴷ, ⵢⴰⵏ ⵓⵙⵇⵙⵉ ⵏ ⵉⵅⵎⵎⴻⵎ ⴷⴼⴼⵉⵔ ⵉⵚⴱⵍⵢⵓⵏⵉⵏ ⵉⵃⴷⴰⵡⵏ ⴳ ⴰⵙⴰⴳⵎ ⵏ ⵙⵚⵃⵕⴰ ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵎⵙⴰⵔⵜ ⵜⵎⵓⵇⵔⵉⵙⵜ ⵏ ⴰⴽⴽⵯ ⵓⵎⴰⴷⴰⵏ ⴰⵎⵖⵔⴰⴱⵉ.

ⵉⵎⵍⴰ ⵍⵎⵖⵔⵉⴱ ⴱⴷⴷⴰ ⵜⴰⴱⴷⴰⴷⵜ ⵏⵏⵙ ⴷ ⵚⴱⵍⵢⵓⵏ, ⵍⵍⴰⵏ ⵜⵎⵓⴽⵔⵉⵙⵉⵏ ⵜⵉⴳⴰⵎⴰⵎⵏ ⵉⵣⴷⵉⵏ ⵏ ⵜⴷⵊⴰⵕⵜ ⴰⵎⵎ ⵜⵙⵙⴰⵙⵉⵏ ⵏ ⵉⵣⵡⴰⴳⵏ ⵉⵍⵙⵙⴰⵏ. ⵎⵇⵇⴰⵕ ⴰⴷ, ⵓⵔ ⵉⵅⵚⵚⴰ ⴰⴷ ⵏⵜⵜⵓ ⵜⴰⴱⴷⴰⴷⵜ ⴷ  ⵜⵎⴷⵔⴰⵡⵜ ⵉⵔⵡⵉⵏ ⴳⵔ ⵜⴷⵊⴰⵔⵉⵏ ⴷ ⵜⵖⵍⵉⴼⵜ ⵏ ⵜⴷⴷⵓⴽⴽⵯⵍⴰ. 

ⵉⵙⵙⵏ ⵍⵎⵖⵔⵉⴱ ⴰⴷ ⵉⴱⴹⵓ ⴳⵔ ⵜⵉⴷⴷⵓⴽⴽⵍⴰ ⴷ ⵓⵎⴰⴷⴰⵏ ⴰⵚⴱⵍⵢⵓⵏⵉ ⴷ ⵡⴰⵡⴰⵍ ⵓⵔ ⵉⵃⵍⵉⵏ ⵍⵍⵉ ⴰⵔ ⵜⵜⵉⵏⵉⵏ ⴽⵔⴰ ⵏ ⵉⵎⴰⵙⵙⵏ ⵉⵙⵔⵜⴰⵏⵉⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ, ⵉⵔⵏⴰ ⵢⵏⵏⴰ ⵎⴰⵙ ⴳ ⵓⵎⵎⴰⵙ ⵏ ⵜⵙⵙⴰⵙⵜ ⵜⴰⴷⵓⵙⵜ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⵔⴰⴷ ⴱⴷⴷⴰ ⵢⵙⵔⵙ ⵍⵎⵖⵔⵉⴱ ⵜⵡⵍⴰⴼⵜ ⵉⴼⴰⵡⵏ ⴳⵔ ⵢⴰⵜ ⵜⵙⴳⴰ ⵏ ⵓⵎⴰⴷⴰⵏ ⴰⵚⴱⵍⵢⵓⵏⵉ ⴷ ⴽⵔⴰ ⵏ ⵉⵏⵙⵙⵉⵅⴼⵏ ⵉⵙⵜⵔⴰⵏ ⵍⵍⵉ ⵙⵓⵍ ⵉⴹⴼⴰⵕⵏ ⵜⴷⴷⵓⴽⴽⵯⵍⴰ ⴷ ⵍⵎⵖⵔⵉⴱ ⴷ ⵜⴰⴷⵊⴰⵔⵜ, ⴷ ⵜⵙⴳⴰ ⵢⴰⴹⵏⵉⵏ ⵏ ⴽⵔⴰ ⵏ ⵉⵎⵎⴰⵙⵏ ⵉⵙⵔⵜⴰⵏⵉⵏ ⴷ ⵉⵏⴱⴰⴹⵏ ⴷ ⵉⵏⵖⵎⴰⵙⵏ ⴷ ⵏ ⵡⴰⵎⵓⵏ ⵓⵖⵔⵉⵎ ⵍⵍⵉ ⵢⵙⵉⴳⴳⵍⵏ ⴰⴷ ⵎⵓⵙⵙⵓⵏ ⵚⵚⵃⵕⴰ ⵜⵎⵖⵔⴰⴱⵉⵜ ⴷ ⴰⴷ ⵕⵥⵉⵏ ⵉⵙⴱⵖⵓⵔⵏ ⵏ ⵍⵎⵖⵔⵉⴱ.

 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%99%E2%B4%B0%E2%B5%99%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%9C%E2%B4%B0%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F%E2%B5%89%E2%B5%9C-%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C-%E2%B5%8F-%E2%B5%9C%E2%B5%96%E2%B4%B0%E2%B5%A1%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B4%B7-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89-%E2%B4%B7