ⵉⵙⵎⴰⵢⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹⵏ ⵢⴰⵜⵜⵓⵢⵏ ⵏⵏⵙ ⵏ ⵓⵇⵇⵏ ⵏ ⵜⵎⵙⴰⵔⵜ ⵏ ⵓⵎⵥⵢⴰⵏⵏ ⵉⵎⵖⵔⴰⴱⵉⵢⵏ ⵓⵔ ⵉⵟⵟⵉⴼⵏ ⵜⵡⵊⴰ ⵉⵍⵍⴰⵏ ⴳ ⵓⴷⴷⴰⴷ ⵓⵔ ⵉⵏⴳⵔⴰⵡⵏ ⴳ ⴽⵔⴰ ⵏ ⵉⵡⴰⵏⴽⵏ ⵓⵕⵓⴱⴱⵉⵢⵏ (ⴰⵙⵉⵡⴹ)

01 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵎⴰⵢⵏⴰ ⵏ ⵓⵙⴷⴷⵉⴷ ⵏ ⵉⴹⵏ ⵏⵏⵙ ⵢⴰⵜⵜⵓⵢⵏ ⵉ ⵢⵎⴰⵡⵙⴰⵙⵏ ⵉⵜⵜⵓⵙⵎⴳⴰⵍⵏ ⵙ ⵓⴳⵏⵙⵓ ⴷ ⵙ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵅⴼ ⵓⵎⵙⴰⵙⴰ ⵏ ⵓⵇⵇⵏ ⵏ ⵜⵎⵙⴰⵔⵜ ⵏ ⵉⵎⵥⵢⴰⵏⵏ ⵉⵎⵖⵔⴰⴱⵉⵢⵏ ⵓⵔ ⵉⵎⴰⵏⵏ ⴷ ⵜⵡⵊⵊⴰ ⵏⵏⵙⵏ ⵉⵍⵍⴰⵏ ⴳ ⴰⴷⴷⴰⴷ ⵓⵔ ⵉⵏⴳⵔⴰⵡⵏ ⴳ ⴽⵔⴰ ⵏ ⵉⵡⴰⵏⴽⵏ ⵓⵕⵓⴱⴱⵢⵉⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵉⵏ ⵏ ⵓⴳⵏⵙⵓ ⴷ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵉⵙⴷⴷⵉⴷ ⴳ ⵎⵏⵏⴰⵡ ⵏ ⵉⵣⵎⵣⵏ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⴱⵕⵕⵏⵉⵢⵏ, ⴰⵍⵜⵖ ⵏ ⵜⴳⵍⴷⵉⵜ ⴰⵎⵓⴼⴰⵡ ⵉⵇⴱⵍⵏ ⴰⴷⵡⴰⵍ ⵏ ⵉⵎⵥⵢⴰⵏⵏ ⵓⵔ ⵉⵎⴰⵏⵏ ⴷ ⵜⵡⵊⴰ ⵏⵏⵙⵏ, ⵍⵍⵉ ⵜⵜⵓⵥⵍⴰ ⵜⵎⴰⴳⵉⵜ ⵏⵏⵙⵏ ⵙ ⵢⴰⵜ ⵜⵡⵍⴰⴼⵜ ⵉⵜⵜⵎⵎⴰⵏ.

ⵉⴼⵔⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵜⵓⵙⵔⴰⵙⵏ ⵉⵎⴰⴽⵏ ⵏ ⵓⵎⵢⴰⵡⴰⵙ ⴳ ⵓⵣⵎⵣⵣⵓ ⴷⵖ ⴷ ⴽⵔⴰ ⵏ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⴼⵕⴰⵏⵚⴰ ⴷ ⵚⴱⵍⵢⵓⵏ, ⵎⴰ ⵢⴰⴷ ⵉⵡⵉⵏ ⵓⴷⵡⴰⵍ ⵏ ⵎⵏⵏⴰⵡ ⵏ ⵎⵔⴰⵡⵏ ⵏ ⵉⵎⵥⵢⴰⵏⵏ ⵙ ⵍⵎⵖⵔⵉⴱ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B4%B9%E2%B5%8F-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%8F%E2%B5%8F%E2%B5%99-%E2%B5%8F-%E2%B5%93%E2%B5%87%E2%B5%87%E2%B5%8F-%E2%B5%8F-%E2%B5%9C%E2%B5%8E%E2%B5%99%E2%B4%B0%E2%B5%94%E2%B5%9C-%E2%B5%8F-%E2%B5%93%E2%B5%8E%E2%B5%A5%E2%B5%A2%E2%B4%B0%E2%B5%8F%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%A2%E2%B5%8F-%E2%B5%93%E2%B5%94