ⵉⵜⵜⵕⵃⵃⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵅⴼ ⵢⵉⵎⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⴷ ⵜ ⵉⵕⵃⵎ ⵕⴱⴱⵉ

19 ⵢⵓⵍⵢⵓⵣ 2013 Version Imprimable

ⵕⵕⴱⴰⵟ - ⵉⵜⵜⵕⵃⵃⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵅⴼ ⵢⵉⵎⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⴷ ⵜ ⵉⵕⵃⵎ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵙⵎⴹⵍ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ.

ⴰⵙⵙ ⵏ 10 ⴳ ⵡⴰⵢⵢⵓⵔ ⵏ ⵕⵎⴹⴰⵏ ⵏ 1380 ⵏ ⵍⵀⵉⵊⵔⵉⵢⴰ (26 ⴱⵕⴰⵢⵕ 1961) ⴰⵖ ⵜⵜⵉⵏ ⵉⴽⴽⴰ ⵓⵎⵖⴰⵕ ⵏ ⵜⵙⵉⵎⴰⵏⵜ ⵉⵎⵎⵓⵜ.

ⴰⵙⴽⵜⵉ ⴰⴷ ⵉⴳⴰ ⵢⴰⵏ ⵓⵣⵎⵓⵣⵣⵓ ⵏⵏⵉⵖ ⴷ ⵉⴽⵜⵉ ⵓⴳⴷⵓⴷ ⴰⵎⵖⵔⵉⴱⵉⵢ ⴰⴽⴽⵯ ⵉⵊⵎⵉⵍⵏ ⵍⵍⵉ ⵢⵉⵙⴽⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⴼⴰⴷ ⴰⴷ ⵜⴰⵎⵥ ⵜⴳⵍⴷⵉⵜ ⵜⴰⵙⵉⵎⴰⵏⵜ ⵏⵏⵙ.

ⵉⴼⴽⴰ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵜⵓⴷⵔⵜ ⵏⵏⵙ ⵉ ⵜⵎⵓⵔⵜ ⵏⵏⵙ ⴰⴼⴰⴷ ⴰⴷ ⵉⵔⴰⵔ ⵍⵎⵖⵔⵉⴱ ⵜⴰⴷⵔⴼⵉ ⵏⵏⵙ. ⵖⵎⴽⵍⵍⵉ ⵙ ⵜⵜⵏ ⵉⴽⴽⴰ ⵉⴳⴰ ⴰⵎⵏⵜⵓⵍ ⵓⵍⴰ ⵙⵓⵍ ⵜⴰⵡⵊⴰ ⵏⵏⵙ ⵏⵏⵉⵖ ⵜⵏ ⵉⵙⵙⵓⴼⵖ ⵓⵙⴷⵓⵔⵔⵉ ⴳ ⵜⵎⴰⵣⵉⵔⵜ ⵏⵏⵙⵏ ⵙ ⴱⵕⵕⴰ.

ⴳ ⵜⵙⴳⴰ ⵢⴰⴹⵏ ⵉⴳⴰ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵢⴰⵏ ⵓⵏⵙⵙⵉⵅⴼ ⴰⵎⵇⵔⴰⵏ ⴳ ⵉⴼⵔⵉⵇⵢⴰ ⵖⵎⴽⵍⵍⵉ ⵉⴳⴰ ⵜⴰⵎⴰⵜⴰⵔⵜ ⵏ ⵓⵙⴱⵉⴷ ⵏ ⵓⵙⴷⵓⵔⵔⵉ ⴷ ⵜⴰⵙⵙⴰⵥⵓⵕⵜ.

ⵉⴳⴰ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵓⵍⴰ ⴰⵎⵖⴰⵕ ⴰⴼⵔⵉⵇⵉ ⵍⵍⵉ ⵢⴰⴽⴽⴰⵏ ⴰⵎⴷⵢⴰ ⵉ ⵢⵉⴳⴷⵓⴷⵏ ⵏ ⵓⵎⵏⵥⴰⵡ ⴳ ⵓⵙⴱⴷⴷⵉ ⵏ ⵓⵙⴷⵓⵔⵔⵉ ⴷ ⵓⵙⵏⵓⵃⵢⵓ ⴰⵥⵓⵕⴰⵏ.

Dernière modification : 19 ⵢⵓⵍⵢⵓⵣ 2013

Source URL: https://www.mapnews.ma/am/activites-royales/%E2%B5%89%E2%B5%9C%E2%B5%9C%E2%B5%95%E2%B5%83%E2%B5%83%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%85%E2%B4%BC-%E2%B5%A2%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99#comment-0