Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⴽⵓⵥⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵙⵙⵉⵅⴼ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⴽⵓⵥⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

20 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ , ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⴽⵓⵥⵜ ⵏ ⵕⵎⴹⴰⵏ.

ⵉⵙⵎⵓⵙⵙⵓ ⵜⴰⵎⵙⵙⵉⵔⴷⵜ ⴰⴷ ⵎⴰⵙⵙ ⴰⴱⴷⵙⵙⵍⴰⵎ ⵍⵄⴱⴱⴰⴷⵉ ⴰⵎⴰⵡⵙⴰⵙ ⴰⵇⴱⵓⵔ ⵏ ⵍⵃⴰⴱⵓⵙ ⴳ ⵍⵓⵕⴹⵓⵏ ⴷ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵍⴰⴽⴰⴷⵉⵎⵉⵢⴰ ⵜⴰⴳⵔⴰⵖⵍⴰⵏⵜ ⵏ ⵍⴼⵉⵇⵀ ⵓⵙⵍⵉⵎ ⵅⴼ ⵜⵎⵔⵏⵓⵜ ⵏ « ⵍⵃⴰⴱⵓⵙ ⴷ ⵜⵉⵍⴰⵍⵜ ⵏⵏⵙⵏ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ».

ⵉⵏⵏⴰ ⵎⴰⵙⵙ ⵍⵄⴱⴱⴰⴷⵉ ⵎⴰⵙ ⵉⵖⵎⵙ ⵍⵃⴰⴱⵓⵙ ⵓⵙⵍⵉⵎ ⵎⵏⵏⴰⵡ ⵉⵙⵡⵉⵔⵏ ⴳ ⵓⵎⵣⵔⵓⵢ ⵓⵙⵍⵉⵎ ⵖ ⴳⴰⵏⵜ ⵜⵉⵎⵣⴳⵉⴷⵉⵏ ⴷ ⵜⵉⴳⵎⵎⴰ ⵏ ⵍⵇⵕⴰⵏ ⵍⴽⴰⵔⵉⵎ ⴷ ⵜⵉⵏⵎⵍⵉⵏ ⴷ ⵉⵙⵉⵏⴰⴳⵏ ⴷ ⵉⵙⴳⵏⴰⴼⵏ .

ⵉⵔⵏⵓ ⵉⵏⵏⴰ ⵎⴰⵙ ⴰⵔ ⵉⵜⵜⴷⵔⵓ ⵍⵃⴰⴱⵓⵙ ⴳ ⵓⵙⵎⵓⵔⵙ ⵏ ⵜⴱⴷⴰⴷⵜ ⴳ ⵓⵎⵓⵏ ⵖⵎⴽⵍⵍⵉ ⴷⴰⵔⵙ ⵜⵍⵍⴰ ⵜⵉⵍⴰⵍⵜ ⵜⴰⵎⵙⴷⴷⵓⵔⵜ ⴳ ⵓⵙⴼⵍⵙ ⵏ ⵉⵙⵙⴰⵔⵏ ⵏ ⵉⵎⵥⵍⴰⵟ ⴳ ⵉⴳⵔ ⵏ ⵓⵜⵛⵉ ⴷ ⵉⵊⵉⵊⵊⵉ ⴷ ⵜⴰⵣⴷⵖⵜ .

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⴰⴷ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵍⵄⵓⵍⴰⵎⴰ ⵏ ⴱⵕⵕⴰ ⵍⵍⵉ ⴷ ⵓⵛⴽⴰⵏⵉⵏ ⵙ ⵍⵎⵖⵔⵉⴱ ⵙ ⵓⵣⵎⵣⵣⵓ ⵏ ⵜⵉⵎⵙⵙⵉⵔⴷⵉⵏ ⵜⵉⵃⴰⵙⴰⵏⵉⵏ .

ⴷⴼⴼⵉⵔ ⵏ ⵎⴰⵢⴰⴷ ⵉⴼⴽⴰ ⵎⴰⵙⵙ ⵎⵊⵉⴷ ⴱⵓⵟⴰⵍⴱ ⴷ ⵎⴰⵙⵙ ⵙⴰⵄⴷ ⴱⵓⵟⴰⵍⴱ ,ⵜⴰⵔⵡⴰ ⵏ ⵍⵎⵕⵃⵓⵎ ⵄⴱⴷⵍⵀⴰⴷⵉ ⴱⵓⵟⴰⵍⴱ ⵉ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⴷⵍⵉⵙ ⵍⵍⵉ ⵎⵉ ⵉⴳⴰ ⵓⵣⵡⵍ « ⴰⴱⴷⵍⵀⴰⴷⵉ ⴱⵓⵟⴰⵍⴱ ⴰⴱⵔⵉⴷ ⵏ ⵓⵙⵡⵏⴳⵉⵎ ⴷ ⵜⵓⴷⵔⵜ ».

ⵎⴰⵙⵙ ⵃⵎⴷ ⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ ⵉⴼⴽⴰ ⵓⵍⴰ ⵏⵜⵜⴰ ⵉ ⵍⴰⵎⵉⴱ ⵏ ⵉⵎⵓⵎⵏ ⵢⴰⵏ ⵓⴷⵍⵉⵙ ⵍⵍⵉ ⵎⵉ ⵉⴳⴰ ⵓⵣⵡⵍ « ⵍⵇⵕⴰⵏ ⵍⴽⴰⵔⵉⵎ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ » ⵍⵍⵉ ⴷ ⵜⵥⵕⵉⴳ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⵍⵉⵙⵍⴰⵎ ⴳ 323 ⵏ ⵜⵙⵏⴰⵜⵉⵏ.


 

Dernière modification : 20 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%A5%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0