ⵚⵚⵃⵕⴰ ⵜⴰⵎⵖⵔⴰⴱⵉⵜ : ⵜⵙⵎⴰⵢⵏⴰ ⵀⵏⵖⴰⵕⵢⴰ ⴰⵏⵏⴰⵍ ⵏⵏⵙ ⵉ ⵡⵖⴰⵡⴰⵙ ⵏ ⵜⵙⵉⵎⴰⵏⵜ ⵍⵍⵉ ⵢⵙⵎⵓⵔ ⵍⵎⵖⵔⵉⴱ ⴷ ⵜⵓⴳⴳⴰⵣ ⵏ ⵜⴳⵎⵉ ⴳ ⵜⵙⴳⴰ ⵢⴰⴷ (ⵜⴰⵙⴳⵓⵔⵉ ⵉⵛⵛⴰⵔⵏ)

09 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵜⵙⵎⴰⵢⵏⴰ ⵀⵏⵖⴰⵕⵢⴰ ⴰⵏⵏⴰⵍ ⵏⵏⵙ ⵉ ⵡⵖⴰⵡⴰⵙ ⵏ ⵜⵙⵉⵎⴰⵏⵜ ⵍⵍⵉ ⵢⵙⵎⵓⵔ ⵍⵎⵖⵔⵉⴱ ⴷ ⵜⵓⴳⴳⴰⵣ ⵉⵜⵜⵓⵙⴽⴰⵔⵏ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⵜⵎⵜⵜⴰ ⵢⵎⴰⵏⵏ ⵉⵔⴰⵏ ⴰⴷ ⵜⵍⴽⵎ ⵙ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵎⵙⴽⴰⵔ ⴷ ⵓⵙⵓⵍⴰⵏ ⵉ ⵜⵎⵙⴰⵔⵜ ⵏ ⵚⵚⵃⵕⴰ, ⵉⴱⵉⴷⴷⵏ ⵅⴼ ⵓⵎⵙⴰⵙⴰ.

ⴳ ⵢⴰⵜ ⵜⵙⴳⵓⵔⵉ ⵉⵛⵛⴰⵔⵏ ⵉⵜⵜⵓⵙⴳⵎⴰⴹⵏ ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⵙⴳ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵉⵡⵏ ⵏ ⴱⵕⵕⴰ ⴷ ⵜⵙⴱⴱⴰⴱⵜ ⵏ ⵀⵏⵖⴰⵕⵢⴰ, ⵎⴰⵙⵙ ⴱⵉⵜⵔ ⵙⵊⵉⵊⴰⵔⵜⵓ, ⵍⵍⵉ ⵢⵙⴽⵔⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⵙ ⵉ ⵜⴳⵍⴷⵉⵜ, ⵜⵙⵎⴰⵢⵏⴰ ⴱⵓⴷⴰⴱⵉⵙⵜ ⴰⵏⵏⴰⵍ ⵏⵏⵙ "ⵉ ⵡⵖⴰⵡⴰⵙ ⵏ ⵜⵙⵉⵎⴰⵏ ⵍⵍⵉ ⵢⵙⵎⵏⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴰⵙⵙ ⵏ 11 ⵉⴱⵔⵉⵔ 2007" ⴷ "ⵜⵓⴳⴳⴰⵣ ⵏ ⵜⴳⵎⵉ ⵍⵍⵉ ⵢⵙⴽⵔ ⵍⵎⵖⵔⵉⴱ ⴳ ⵜⵙⴳⴰ".

ⵜⵙⵓⵍ ⵜⵏⵏⴰ ⵜⵙⴳⵓⵔⵉ ⵉⵛⵛⴰⵔⵏ ⵎⴰⵙ ⵜⵙⵎⵖⵔ ⵙⵓⵍ ⵀⵏⵖⴰⵕⵢⴰ "ⵜⵓⴳⴳⴰⵣ ⵖⵓⵔⵙⵏ ⵍⵎⵉⵚⴹⴰⵇⵢⵢⴰ ⵏ ⵍⵎⵖⵔⵉⴱ, ⵍⵍⵉ ⵢⴳⴰⵏ ⴰⴳⵊⴷⵉ ⴰⵙⴳⵡⴰⵏ ⵏ ⵓⴳⵣⵣⵓⵎ ⴷ ⵓⵎⴷⵔⴰⵡ ⴰⵅⴰⵜⴰⵔ ⵏ ⵜⴳⵎⵉ ⴳ ⵉⴼⵔⵉⵇⵢⴰ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%80%E2%B5%8F%E2%B5%96%E2%B4%B0%E2%B5%95%E2%B5%A2%E2%B4%B0-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%A1%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B5%8D%E2%B5%8D%E2%B5%89-%E2%B5%A2%E2%B5%99%E2%B5%8E%E2%B5%93%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7