ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵙⵏⵓⴱⴳ ⵎⴰⵙⵙ ⵄⵓⴱⴰⴷⴰ ⵏⴰⵚⵕⴷⴷⵉⵏ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ "ⴱⵓⴳⵛⴰⵏ" ⵍⵎⵖⵔⵉⴱ

09 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ, ⴰⵙⵙ ⵏ ⵓⴽⵕⴰⵙ ⴳ ⵓⵎⵎⴰⵙ ⵍⴰⵍⵍⴰ ⵎⵔⵢⵎ ⵏ ⵉⵎⵥⵢⴰⵏⵏ ⵓⵔ ⵉⵟⵟⵉⴼⵏ ⵜⵡⵊⵊⴰ ⵏ ⵕⵕⴱⴰⵟ, ⵎⴰⵙⵙ ⵄⵓⴱⴰⴷⴰ ⵏⴰⵚⵕⴷⴷⵉⵏ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ "ⴱⵓⴳⵛⴰⵏ" ⵍⵎⵖⵔⵉⴱ, ⵎⴰ ⵢⴰⴷ ⵉⵎⴰⵏⵏ ⴷ ⵎⴰⵙⵙ ⵓⵙⴰⵎⴰ ⴱⵕⵕⴰⴷⴰ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ "ⵀⵢⵓⵏⴷⴰⵢ" ⵍⵎⵖⵔⵉⴱ.

ⴰⵎⵎⴰⵙ ⵏ ⵓⵎⴰⴳⵔ ⴰⴷ, ⵜⵣⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵏⵜⴰⵢⵜ ⴷ ⵓⵏⵏⴰⵍ ⵏ ⵓⴳⵔⴰⵡ "ⴱⵓⴳⵛⴰⵏ" ⵍⵎⵖⵔⵉⴱ ⵉ ⵜⵡⵉⵙⵉ ⴷ ⵜⵡⵓⵔⵉ ⵜⴰⵏⴰⵎⵓⵏⵜ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ ⴳ ⵜⵓⴳⴳⴰⵣ ⵏ ⵓⵙⴼⴰⵍⴽⵉ ⵏ ⵜⵎⵙⵓⵜⴰⵍ ⵏ ⵉⵎⵣⴷⴰⵖⵏ ⴳ ⵜⵓⵚⴽⵉⵡⵉⵏ ⵏ ⵓⵙⵏⵓⴱⴳ ⴰⴷ, ⵙ ⵓⵙⵙⴰⵢ ⴰⵏⵎⵍⴰⵏ ⴰⵎⴳⵔⵓ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ.

ⴰⵎⵎⴰ ⵎⴰⵙⵙ ⵄⵓⴱⴰⴷⴰ ⵏⴰⵚⵕⴷⴷⵉⵏ, ⵉⵏⵏⴰ ⵎⴰⵙ ⵜⴰⵎⵙⵙⵓⴷⵓⵜ ⵍⵍⵉ ⵢⴼⴽⴰ ⵓⴳⵔⴰⵡ ⵏⵏⵙ ⵉ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ ⵉⴳⴰ ⵜⴽⵍⵉ ⵉⵣⵡⴰⵔⵏ ⵏ ⵢⴰⵜ ⵜⵎⴷⵔⴰⵡⵜ ⵉⵅⴰⵜⴰⵔⵏ, ⵍⵍⵉ ⵔⴰⴷ ⵜⵔⵏⵓ ⵙ ⵜⵏⴼⴽⴰⵢⵉⵏ ⴷ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵢⴰⴹⵏⵉⵏ ⵍⵍⵉ ⵔⴰⴷ ⴷⴷⵓⵏⵜ ⵙ ⵉⴳⵔⴰⵡⵏ ⵉⵜⵜⵢⵓⵔⴰⵏ ⵉⴹⴼⴰⵕⵏ ⵉ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ.

Dernière modification : 11 ⵢⵓⵏⵢⵓ 2021

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%A3%E2%B5%89%E2%B5%8F%E2%B4%B1-%E2%B5%9C%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8E%E2%B4%B0%E2%B5%99%E2%B5%99-%E2%B5%84%E2%B5%93%E2%B4%B1%E2%B4%B0%E2%B4%B7%E2%B4%B0-%E2%B5%8F%E2%B4%B0%E2%B5%9A%E2%B5%95%E2%B4%B7%E2%B4%B7%E2%B5%89%E2%B5%8F-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8F%E2%B5%8E%E2%B5%80%E2%B4%B0%E2%B5%8D