ⵜⵖⵜⴰⵙⵜ ⵏ ⵓⴱⵔⵍⴰⵎⴰⵏ ⵓⵕⵓⴱⴱⵉ ⵉⵍⵍⴰ ⴳⵉⵙ ⵎⵏⵏⴰⵡ ⵏ ⵉⵃⵍⴰⵍⵏ (ⴰⵙⵇⵇⵉⵎ ⵏ ⵉⵎⵓⵔⴰ)

11 ⵢⵓⵏⵢⵓ 2021 Version Imprimable

ⵕⵕⴱⴰⵟ - ⵎⵍⴰⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⴰⴱⴱⵓⵜⵉⵏ ⴷ ⵉⴳⵔⴰⵡⵏ ⵏ ⵉⵎⵓⵔⴰ ⵉⴹⵍⵍⵉ ⴳ ⵜⴷⴳⴳⵯⴰⵜ ⵏ ⵓⴽⵡⴰⵙ ⵎⴰⵙ ⵏⴳⴹⵏ ⵏ ⵜⵓⵎⵢⵜ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵓⵕⵓⴱⴱⵉ ⵙ ⵜⵖⵡⵙⴰ ⵏ ⵍⵎⵖⵔⵉⴱ ⵍⵍⵉ ⵉⵍⵍⴰ ⴳⵉⵙ ⵏ ⵎⵏⵏⴰⵡ ⵏ ⵉⵃⵍⴰⵍⵏ .

ⵏⵏⴰⵏ ⴳ ⵢⴰⵜ ⵜⵙⵎⵓⵏⵉ ⵜⵖⵡⵍⵜ ⵙ ⵜⵏⵙⵙⵉⵅⴼⵜ ⵏ ⵍⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵣⵎⵎⵓⵎ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴱⵉⴷ ⵏ ⵜⵎⵣⵣⵉⵜ ⵓⵔ ⵉⵙⵍⴳⴰⵏ ⵜⵎⴰⵖⵓⵏⵜ ⵉⵜⵜⵢⵓⵙⵙⴰⵏ ⴷ ⴰⵏⵣⴰ ⵉⵙⴱⵢⵏ ⵉⴰⵎⵟⵓⵏ ⵉⵍⵍⴰⵏ ⵍⵍⵉⵖ ⵉⵥⴹⴰⵕ ⵏ ⵓⵎⵢⴰⵡⴰⵙ ⴳ ⵉⴳⵔ ⵜⴰⵎⵣⵣⵉⵜ ⴳ ⵓⵙⴳⴳⵯⴰⵙ 2017 ⴰⴷ ⵉⵙⴼⵙⵉ ⵓⴳⴳⵔ ⵏ 14 ⵉⴼⴹ ⵏ ⵓⵔⵣⵣⵓ ⵏ ⵜⵎⵣⵣⵉⵜ ⵓⵔ ⵉⵙⵍⴳⴰⵏ ⴷ ⴰⵙⴼⵙⵉ ⵏ 5 ⵉⴼⴹ ⵏ ⵜⵥⵟⵟⴰ ⵏ ⵜⴰⵏⴼⴼⵔⵜ ⴷ ⴰⵙⴱⵉⴷⴷ ⵏ ⵓⴽⵛⵓⵎ ⵉⴳⴳⵓⵜⵏ.

ⴳ ⵜⵖⵡⵙⴰ ⵏ ⵜⵎⵙⴰⵔⵜ ⵏ ⵉⵎⵣⵢⴰⵏ ⵓⵔ ⵉⵎⴰⵏ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵏⵏⴰ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⴰⴱⴱⵓⵜⵉⵏ ⴷ ⵉⴳⵔⴰⵡⵏ ⵏ ⵉⵎⵓⵔⴰ ⵎⴰⵙ ⵍⵎⵖⵔⵉⴱ ⵉⵣⵡⴰⵔ ⴳ ⵜⵖⵡⵙⴰ ⴰⴷ ⵎⵏⵏⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⵉⵙⵎⴳⵍ ⴳ ⵜⵜⵓⵜⵔⴰ ⴰⴷ ⵜⴱⵉ ⴳ ⵓⵙⴳⴳⵯⴰⵙ 2018 ⵔⵏⴰⵏ ⵎⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙⵎⴰⵢⵏⴰ ⵏ ⵉⴹⵏ ⵢⴰⵜⵜⵓⵢⵏ ⵉ ⵡⵎⴰⵡⵙⴰⵙⵏ ⵉⵜⵓⵙⵎⴳⵍⵏ ⵙ ⵓⴳⵏⵙⵓ ⴷ ⵜⵖⴰⵡⵙⵉⵡⵉⵏ ⵏ ⴱⵕⴰ ⴰⴼⴰⴷ ⵉⵇⵇⵏ ⵏ ⵜⵖⵡⵙⴰ ⴰⴷ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%96%E2%B5%9C%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B4%B1%E2%B5%94%E2%B5%8D%E2%B4%B0%E2%B5%8E%E2%B4%B0%E2%B5%8F-%E2%B5%93%E2%B5%95%E2%B5%93%E2%B4%B1%E2%B4%B1%E2%B5%89-%E2%B5%89%E2%B5%8D%E2%B5%8D%E2%B4%B0-%E2%B4%B3%E2%B5%89%E2%B5%99-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%83%E2%B5%8D%E2%B4%B0%E2%B5%8D%E2%B5%8F-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%93%E2%B5%94%E2%B4%B0