Published on MAPNews (https://www.mapnews.ma/am)

Accueil > ⵜⵉⵎⵜⵜⴰ ⵢⵎⴰⵏⵏ : ⵜⵙⵎⴰⵢⵏⴰ ⵜⴳⵍⴷⵉⵜ ⵜⵉⵄⵔⴰⴱⵜ ⵜⴰⵙⴰⵄⵓⴷⵉⵜ ⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⴷ ⴳⵣⵣⵓⵎ ⵏ ⵡⴰⴽⴰⵍ ⵏ ⵍⵎⵖⵔⵉⴱ

ⵜⵉⵎⵜⵜⴰ ⵢⵎⴰⵏⵏ : ⵜⵙⵎⴰⵢⵏⴰ ⵜⴳⵍⴷⵉⵜ ⵜⵉⵄⵔⴰⴱⵜ ⵜⴰⵙⴰⵄⵓⴷⵉⵜ ⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⴷ ⴳⵣⵣⵓⵎ ⵏ ⵡⴰⴽⴰⵍ ⵏ ⵍⵎⵖⵔⵉⴱ

16 ⵢⵓⵏⵢⵓ 2021 Version Imprimable
ⵜⵉⵎⵜⵜⴰ ⵢⵎⴰⵏⵏ (ⵏⵢⵓⵢⵓⵕⴽ) - ⵜⵙⵎⴰⵢⵏⴰ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⴷⴰⵜ ⵏ ⵓⴳⵔⴰⵡ ⵡⵉⵙⵙ 24 ⵏ ⵜⵉⵎⵜⵜⴰ ⵢⵎⴰⵏⵏ ⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⴳ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵓⵙⴰⵜⵉ ⵏ ⵜⵏⴱⴰⴹⵜ ⴷ ⴰⴳⵣⵣⵓⵎ ⵏ ⵡⴰⴽⴰⵍ ⵏ ⵜⴳⵍⴷⵉⵜ.

ⵉⵏⵏⴰ ⵡⵙⵎⴷⵢⴰ ⵏ ⵜⴳⵍⴷⵉⵜ ⴳ ⵜⵙⵎⵓⵏⵉ ⵏ ⵓⴳⵔⴰⵡ ⵡⵉⵙⵙ 24 "ⵜⵙⵎⵢⵏⴰ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⴰⵏⵏⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⵓⵍⵜⵎⴰ ⴳ ⵜⵙⵉⵎⴰⵏⵜ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵓⵙⴰⵜⵉ ⵏ ⵜⵏⴱⴰⴷⵜ ⵏ ⵍⵎⵖⵔⵉⴱ ⴷ ⴰⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⴰⵎⵎ ⴰⴼⵙⵙⴰⵢ ⵉⵣⴷⵉⵏ ⴷ ⵓⵙⵍⴳⴰⵏ ⴰⵎⴰⴹⵍⴰⵏ ⴷ ⵜⵎⵏⵜⵜⴰⵜ ⵏ ⵜⵎⵜⵜⴰ ⵢⵎⴰⵏ ⴷ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ.

ⵉⵙⵓⵍ ⵉⵏⵏⴰ ⵎⴰⵙ ⵜⵙⵏⵜⴰⵢⵜ ⵜⴰⵎⵖⵔⴰⴱⵉⵜ ⵏ ⵜⵙⵉⵎⴰⵏⵜ ⵉⵣⵓⵍ ⵜ ⵓⵙⵇⵇⵉⵎ ⵏ ⵜⵏⴼⵔⵓⵜ ⴳ ⵜⵖⵜⴰⵙⵉⵏ ⵉⴼⵖⵖⵏ ⴳ ⵓⵙⴳⴳⵯⴰⵙ 2007 ⵉⵎⵍⴰ ⵓⵏⵏⴰⵍ ⵏ ⵜⵎⴰⵣⵉⵖⵜ ⵏⵏⵙ ⵏ ⵜⵓⴳⴳⴰⵣ ⵍⵍⵉ ⵢⵙⴽⵔ ⵍⵎⵖⵔⵉⴱ ⴰⴼⴰⴷ ⵢⴰⴼ ⵢⴰⵏ ⵓⴼⵙⵙⴰⵢ ⵉⴷ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⵉⴱⵉⴷⴷⵏ ⵏ ⴼ ⵓⵎⵙⴰⵙⴰ ⴷ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵖⵓⵔⵙ ⵜⵓⵇⵇⵏⴰ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ.

ⵉⵙⴷⴷⵉⴷ ⵎⴰⵙ ⵜⴳⵍⴷⵉⵜ ⵜⵣⵓⵍ ⴳ ⵓⵙⴰⵜⵉ ⴷⵖ ⵉⵎⴰⵏ ⵏ ⵙⵉⵏ ⵉⵙⵓⵔⵙⵏ ⴳ ⵊⵓⵏⵉⴼ ⴳ ⵜⵎⴷⵔⴰⵡⵜ ⵏ ⵍⵎⵖⵔⵉⴱ ⴷ ⴷⴷⵣⴰⵢⵔ ⴷ ⵎⵓⵕⵉⵟⴰⵏⵢⴰ ⴷ "ⵍⴱⵓⵍⵉⵣⴰⵕⵢⵓ" ⵉⵖⵔⴰ ⴰⴷ ⵜⵜⵔⵏⵓⵏⵜ ⴳ ⵓⵖⴰⵡⴰⵙ ⴰⴷ ⵎⵔⴰ ⴰⴷ ⵜⵜⵓⵍⴽⵎ ⵉ ⵢⴰⵏ ⵓⴼⵙⵙⴰⵢ ⵏ ⵓⵎⵏⵣⵖ ⴰⴷ ⵉⵖⵣⵣⵉⴼ.

ⵉⵙⵓⵍ ⵉⵏⵏⴰ ⵎⴰⵙ ⵜⵣⵓⵍ  ⵜⴳⵍⴷⵉⵜ  ⵜⴷⵎⵔⴰⵡⵜ  ⵉⵙⵜⴰⵢⵏ ⴳ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴳ ⵜⵙⵓⵜⵍⵏ ⵏ ⵓⴳⵔⴰⵡ ⵡⵉⵙⵙ 24 ⵓⵍⴰ ⵙⵉⵏ ⵉⵙⵓⵔⵙⵏ ⴳ ⵊⵓⵏⵉⴼ. 

ⵉⵙⵎⵢⵏⴰ ⵓⵍⴰ ⵓⵙⴷⴷⵉⴷ ⵏ ⵜⵎⴰⵣⵉⵖⵜ ⵏⵏⵙ ⴳ ⵜⵓⴳⴳⴰⵣ ⵜⵜⵓⵙⴽⴰⵔⵏ ⵙⴳ ⵍⵎⵖⵔⵉⴱ ⴳ ⵓⴼⵙⵙⴰⵢ ⵏ ⵓⵎⵏⵣⵖ ⴰⵙⴳⵡⴰⵏ ⵉⵙⵓⵍ ⵉⵏⵏⴰ ⴰⴷⴷⵓⵔ ⵏ ⵜⵉⵏⵥⵓⵥⵜ ⴷ ⵉⴷⴷ  ⵉⵎⴰⵏ  ⵏ ⵓⵎⵙⴰⵙ ⴳ ⴰⴽⴽⵯ ⵜⴼⵓⵍⵉⵏ ⵉⵎⵙⵜⴳⴳⴰⵔⵏ ⵎⴰⵙ ⵓⴼⵙⵙⴰⵢ ⵏ ⵓⵎⵏⵣⵖ ⴰⴷ ⵔⴰⴷ ⵉⴷⵔⴰ ⵏ ⵜⵜⵓⵙⴽⴰⵔ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⴰⴽⴽⵯ ⵜⵙⴳⴰⵡⵉⵏ .

ⵉⵙⵓⵍ ⵉⵏⵏⴰ ⴰⵏⴳⴹ ⵏ ⵜⴳⵍⴷⵉⵜ ⵏ ⵜⴼⴷⴰ ⵏ ⵉⵙⴱⵖⵓⵔⵏ ⵢⴰⵜⵜⵓⵢⵏ ⵏ ⵍⵎⵖⵔⵉⴱ ⵏⵖⴷ ⴰⵙⵣⵔⵉ ⵏ ⵡⴰⴽⴰⵍ ⵏⵏⵙ ⵏⵖⴷ ⴰⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵉⴼⵔⴰ ⵢⵏⵏⴰ ⵎⴰⵙ ⵜⵓⴳⴳⴰⵣ ⵏ ⵍⵎⵖⵔⵉⴱ ⴳ ⵜⴳⵎⵉ ⵜⴰⴷⵍⵙⴰⵏⵜ ⴷ ⵜⴰⵏⴰⵎⵓⵏⵜ ⴳ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴷ ⵜⵜⵓⵙⴽⴰⵔ ⵉⵎⵎⴰⵙⵏ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴱⵉⴷⴷ ⵏ ⵓⴱⴰⵢⵢⵓⵕ "ⴽⵓⴼⵉⴷ-19". 

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%9C%E2%B5%89%E2%B5%84%E2%B5%94%E2%B4%B0%E2%B4%B1%E2%B5%9C-%E2%B5%9C%E2%B4%B0%E2%B5%99%E2%B4%B0%E2%B5%84%E2%B5%93%E2%B4%B7%E2%B5%89%E2%B5%9C-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B4%B7