Published on MAPNews (https://www.mapnews.ma/am)

Accueil > ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵏ ⵉⵏⴰⵎⵓⵏⵏ ⴳ ⴹⴹⴰⵕⵍⴱⵉⴹⴰ
  1. Accueil
  2. Activités royales

ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵏ ⵉⵏⴰⵎⵓⵏⵏ ⴳ ⴹⴹⴰⵕⵍⴱⵉⴹⴰ

22 ⵢⵓⵍⵢⵓⵣ 2013 Version Imprimable
ⴹⴹⴰⵕⵍⴱⵉⴹⴰ - ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⴷ ⵓⵙⴽⵛⵎ ⵏ ⵉⵄⵔⵔⵉⵎⵏ ⵏ ⵜⴳⵔⴰⵡⵜ ⵏ ⵍⵀⵔⴰⵡⵢⵢⵉⵏ (ⵜⴰⵙⴳⴰ ⵏ ⵎⴷⵢⵓⵏⴰ), ⵉⵕⵥⵎ ⵙⵓⵍ ⵢⴰⵜ ⵜⴳⵎⵎⵉ ⵏ ⵓⵙⵏⵓⴱⴳ ⵏ ⵉⵎⵎⴰⵏ ⵏ ⵜⴰⵣⵣⴰⵏⵉⵏ ⵉⵍⵍⴰⵏ ⴳ ⵡⴰⵎⵎⴰⵙ ⵏ ⵓⵙⵓⵊⵊⵉ ⴰⵎⵙⴷⴰⵡ ⵏ ⴱⵏⵓ ⵕⵓⵛⴷ « ⴹⴰⵕ ⵍⵓⵎⵎ ».

ⵜⵙⴽⵔ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵉⵙⵏⵜⵉⵏ ⵢⴰⴷ ⵙ ⵢⴰⵜ ⵜⵏⵜⵜⴰⵍⵜ ⵏ ⵜⴰⵎⵙⴰⵙⵜⵍⵜ ⵏ 11.5 ⵓⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵖⵉⵏ ⵄⵏⴰⵢⵏ 500 ⵏ ⵉⵄⵔⵔⵉⵎⵏ ⵉⴱⵖⵓⵔⵏ ⴳ ⵡⴰⵎⵎⴰⵙ ⴰⴷ ⵍⵍⵉⵖ ⵍⵍⴰⵏⵜ ⵜⵉⵙⴰⵡⵔⵉⵏ ⵏ ⵓⵙⵎⵓⵜⵜⴳ ⴳ ⵉⴳⵔ ⵏ ⵜⵙⵏⵎⴰⵍⴰⵢⵜ ⴷ ⵉⵎⴰⵙⵙⵏ ⵏ ⵉⵙⵉⵔⴰⵏ ⴷ ⵍⵉⵏⴼⵓⴳⵕⴰⴼⵉ ⴷ ⵓⵎⵢⴰⵡⴰⴹ ⴷ ⵜⵓⵜⵍⴰⵢⵏ ⴷ ⵜⴼⵔⵉⵙⵜ .

ⴰⵙⵏⵜⵉ ⴰⴷ ⵍⵍⵉ ⵎⵉ ⵉⵜⵜⵓⴼⴽⴰ ⵢⴰⵏ ⵓⵙⵙⴰⵔⵓ ⵏ 8 ⵏ ⵓⵎⵍⵢⵓⵏ ⵏ ⴷⵔⵀⵎ ⵔⴰⴷ ⴻⵜⵜⵓⵙⴽⴰ ⵅⴼ ⵢⴰⵏ ⵓⴱⴰⵔⴰⵣ ⵏ 1452 ⵎ ⵏ ⵓⵎⴽⴽⵓⵥ.

« ⴹⴰⵕ ⵍⵓⵎⵎ» ⵍⵍⵉ ⵢⵜⵜⵓⵚⴽⴰⵏ ⴳ ⵡⴰⵎⵎⴰⵙ ⵏ ⵓⵙⵓⵊⵊⵉ ⵉⴱⵏ ⵕⵓⵛⴷ ⵏ ⴹⴹⴰⵕⵍⴱⵉⴹⴰ, ⴰⵔ ⵜⴰⴽⴽⴰ ⵜⴰⴼⴰⴷⵉⵡⵉⵏ ⵥⵉⵍⵏⵉⵏ ⵉ ⵓⵙⵏⵓⴱⴳ ⵏ ⵜⵎⵖⴰⵕⵉⵏ ⵍⵍⵉ ⴷ ⵓⵛⴽⴰⵏⵉⵏ ⴳ ⵎⴰⵏⵉ ⵢⴰⴳⴳⵓⴳⵏ, ⵍⵍⵉ ⵍⵍⴰⵏⵉⵏ ⴳ ⵡⴰⵎⵎⴰⵙ ⵏ ⵓⵙⵓⵊⵊⵉ ⴷ ⵍⵍⵉ ⴷ ⴷⴰⵔ ⵜⵉⵎⵓⴹⴰⵏ ⵅⵛⵏⵏⵉⵏ.

ⵜⵉⴳⵎⵎⵉ ⵢⴰⴷ ⵍⵍⵉ ⵢⵉⵜⵜⵓⵙⴽⴰⵔ ⵙ 3,5 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⴳⵉⵙ ⵜⵜⴰⵎ ⵏ ⵉⵃⵓⵏⴰ ⵉⵢⵉⴳⴰⵏⵏ ⴷ ⵢⴰⵜ ⴰⴹⵏⵉⵏ ⵎⵇⵇⵓⵕⵏ, ⴳⵉⵙ ⵓⵍⴰ ⵢⴰⵜ ⵜⴷⴰⵍⴰ ⵏ ⵜⴰⵡⵊⴰ, ⵢⴰⵏ ⵓⵏⵡⴰⵍ ⴷ ⵢⴰⵜ ⵜⵓⵔⵜⵉⵜ.

Dernière modification : 22 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%8F-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0#comment-0