Published on MAPNews (https://www.mapnews.ma/am)

Accueil > ⵜⴰⵙⵓⵜⵍⵜ ⵜⵉⵙⵙ 74 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ: ⴰⵏⵏⴰⵍ ⴰⵙⵎⴰⵢⵏⵓ ⵢⵓⵙⵄⴰⵏ ⵉ ⵜⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ

ⵜⴰⵙⵓⵜⵍⵜ ⵜⵉⵙⵙ 74 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ: ⴰⵏⵏⴰⵍ ⴰⵙⵎⴰⵢⵏⵓ ⵢⵓⵙⵄⴰⵏ ⵉ ⵜⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ

23 ⵢⵓⵏⵢⵓ 2021 Version Imprimable
ⵊⵓⵏⵉⴼ - ⴽⵛⵎⵏ ⵉⵡⴰⵏⴽⵏ ⵉⵎⴰⵢⵏⵓⵏ ⵙ ⵓⴳⵔⴰⵡ ⵏ ⵓⵏⵏⴰⵍ ⵏ ⵜⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⴳ ⵊⵓⵏⵉⴼ, ⵍⵍⵉ ⵢⵙⵎⵏⴷⵏ, ⵉⴹ ⵍⵍⵉ ⵏ ⴰⵙⵙ ⵏ ⵓⵙⵉⵏⴰⵙ, ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙⵙ 47 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⴳⵓⵔⵉ ⵉⵙⵎⴰⵢⵏⴰⵏ ⴰⵏⵏⴰⵍ ⵏ ⵜⵏⴱⴰⴹⵜ ⵏ ⵜⴳⵍⴷⵉⵜ ⴳ ⴰⴽⴽⵯ ⵜⵙⴳⴰⵡⵉⵏ ⵜⵉⵚⵃⵕⴰⵡⵉⵏ ⵏⵏⵙ.

ⴳ ⵓⵎⵎⴰⵙ ⵏ ⵜⵙⴳⵓⵔⵉ ⵢⴰⴷ ⵍⵍⵉ ⵢⵖⵕⴰ ⵓⵙⵎⴷⵢⴰ ⴰⵎⵖⵍⴰⵍ ⵏ ⵀⴰⵢⵜⵉ ⴳ ⵊⵓⵏⵉⴼ, ⵊⵓⵙⵜⵉⵏ ⴼⵉⵢⴰⵔⴷ, ⵉⵎⵍⴰ ⵡⴳⵔⴰⵡ ⴰⴷ, ⵍⵍⵉ ⵢⵙⵎⴰⵏⵏ ⵖⵉⵍ ⴰⴷ ⵍⴰⵃⵡⴰⵍ ⵏ 32 ⵓⵡⴰⵏⴽ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⴰⵏⵏⴰⵍ ⵏⵏⵙ ⵉ ⵢⵎⴰⴽⵏ ⵉⵣⵔⴼⴰⵏ ⵍⵍⵉ ⵢⵓⵎⵥ ⵍⵎⵖⵔⵉⴱ ⴳ ⵏⵓⵡⴰⵏⴱⵉⵔ 2020 ⵎⵔⴰ ⴰⴷ ⵉⵙⵙⵏⴼⵔⵓ ⵜⴰⴷⵔⵓⴼⵉ ⵏ ⵓⵎⵓⵙⵙⵓ ⵓⵖⵔⵉⵎ ⴷ ⵓⵙⴱⴱⴰⴱ ⴰⵎⵎⴰⵙ ⵏ ⵓⵣⵔⵔⴰⵢ ⵏ ⵍⴳⵔⴳⴰⵔⴰⵜ ⵉⵣⴷⵉⵏ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ, ⴰⴼ ⴰⴷ ⵉⵇⵇⵏ ⵜⵉⵙⴽⵉⵔⵉⵏ ⵓⵔ ⵃⵍⵉⵏⵉⵏ ⴷⴰⵜ ⵏ ⵜⴷⵔⵓⴼⵉ ⵏ ⵓⵙⵙⴰⵢ ⵏ ⵉⴼⴳⴰⵏⵏ ⴷ ⵙⵙⵍⵉⵄⵜ ⴳ ⵓⵣⵔⵔⴰⵢ ⴰⴷⵍⵙⴰⵏ ⴰⴷ ⵉⵙⵎⴰⵏⵏ ⴳⵔ ⵉⴼⵔⵉⵇⵢⴰ ⴷ ⵓⵕⵓⴱⴱⴰ.

ⵉⵣⵓⵍ ⵓⴳⵔⴰⵡ ⴰⵕⵥⵥⵓⵎ ⵏ ⵎⵏⵏⴰⵡ ⵏ ⵜⵙⵇⵓⵏⵙⵉⵏ ⵜⵉⵎⴰⵜⴰⵢⵉⵏ ⴳ ⵜⵖⵔⵎⵉⵡⵉⵏ ⵏ ⴷⴷⴰⵅⵍⴰ ⴷ ⵍⵄⵢⵓⵏ, ⵎⴰ ⵢⴰⴷ ⵢⵓⵙⵉⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵉⵙⵙⴰⵔⵓⵏ ⵉⵙⴱⵖⵔⵏ ⵉ ⵢⵎⵣⴷⴰⵖⵏ ⵉⴷⵖⵔⴰⵏⵉⵏ ⴷ ⵉⵙⴷⵓⵙⵏ ⵜⴳⵎⵉ ⵜⴰⵙⴳⴰⵡⵉⵜ ⵓⵍⴰ ⵜⴰⵎⵏⵣⴰⵡⵜ.

ⵜⵙⵓⵍ ⵜⵏⵏⴰ ⵜⵙⴳⵓⵔⵉ ⵎⴰⵙ ⵜⵎⵙⴰⵔⵜ ⵏ ⵚⵚⵃⵕⴰ ⵜⴳⴰ ⵓⵎⵏⵣⴰⵖ ⴰⵙⵔⵜⴰⵏ ⵉⵜⵜⵓⴼⵙⵙⴰⵏ ⴷⴰⵔ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵎⴰⵢⴰⴷ ⵉⵙⵙⵏⵏ ⵙ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⵍⵍⵉ ⵢⵙⵎⵏⵉⴷ ⵍⵎⵖⵔⵉⴱ ⴷ ⵉⵏⵏⴰ ⵉⵙ ⵜⵟⵟⴰⴼ ⵜⵖⵥⴰⵏⵜ ⴰⴼ ⴰⴷ ⵜⵍⴽⵎ ⵙ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵓⵇⵇⵏ ⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ.

ⵜⵔⵏⴰ ⵜⵏⵏⴰ ⵜⵙⴳⵓⵔⵉ ⵎⴰⵙ ⵓⴼⵙⵙⴰⵢ ⵏ ⵓⵎⵏⵣⴰⵖ ⴰⵙⴳⵡⴰⵏ ⴰⴷ ⵔⴰⴷ ⵉⵙⵙⵓⴼⵖ ⵜⵉⵔⴰⵜⵉⵏ ⵉⵙⵍⴳⴰⵏ ⵏ ⵉⵎⴰⴹⴰⵏⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴳ ⵜⴳⵎⵉ, ⵎⴰ ⵢⴰⴷ ⵉⴳⴰⵏ ⴰⵡⵜⵜⴰⵙ ⵍⵍⵉ ⵢⵔⵏⴰ ⵍⵎⵖⵔⵉⴱ ⴷ ⵉⵙⴽⵔ ⴼ ⵖⵉⴽⴰⵏⵏ ⵜⵓⴳⴳⴰⵣ ⵉⴼⵓⵍⴽⵉⵏ ⴷ ⵉⵔⵏⴰⵏ ⴰⴼ ⴰⴷ ⵙⵔⵙ ⵉⵙⵍⴽⵎ 

ⵉⵙⵙⴽⵜⵉ ⵓⴳⵔⴰⵡ, ⴳ  ⵜⵙⴳⴰ ⵢⴰⴹⵏⵉⵏ, ⵎⴰⵙ ⵉⵍⵜⵖ ⵍⵎⵖⵔⵉⴱ ⵙⴳ ⵎⵏⵏⴰⵡ ⵏ ⵉⵙⴳⴳⵯⴰⵙⵏ ⵉⴳⴳⵓⵜⵏ ⴳ ⵜⵓⵚⴽⴰ ⴷ ⵓⴳⵔⴰⵡ ⵏ ⵜⵎⵜⵜⴰ ⵢⵎⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵙⵉⵔⴰ ⵏ ⵍⵎⵓⴼⵡⵡⴰⴹ ⴰⵎⴰⵜⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴼ ⴰⴷ ⵉⵙⴷⵓⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ ⴳ ⴰⴽⴽⵯ ⵜⵎⵏⴰⴹⵉⵏ ⵏⵏⵙ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-74-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B4%B0%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%A2%E2%B5%93%E2%B5%99%E2%B5%84%E2%B4%B0%E2%B5%8F-%E2%B5%89-%E2%B5%9C%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F