Published on MAPNews (https://www.mapnews.ma/am)

Accueil > ⵍⵎⵖⵔⵉⴱ..ⴰⵎⵓⵙⵙⵓ ⴰⴷⵎⵙⴰⵏ "ⵙ ⵉⵎⵉⴽ ⵉⵎⵉⴽ " ⴳ ⵓⵣⵎⵣ ⵉⵇⵔⴱⵏ (ⵍⴱⴰⵏⴽ ⴰⵎⴰⴹⵍⴰⵏ )

ⵍⵎⵖⵔⵉⴱ..ⴰⵎⵓⵙⵙⵓ ⴰⴷⵎⵙⴰⵏ "ⵙ ⵉⵎⵉⴽ ⵉⵎⵉⴽ " ⴳ ⵓⵣⵎⵣ ⵉⵇⵔⴱⵏ (ⵍⴱⴰⵏⴽ ⴰⵎⴰⴹⵍⴰⵏ )

01 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵉⵏⵏⴰ ⵓⴱⴰⵏⴽ ⴰⵎⴰⴹⵍⴰⵏ ⴳ ⵜⴹⴰ ⵏ ⵉⵙⴽⴽⵉⵏ ⵅⴼ ⴰⴷⴷⴰⴷ ⴰⴷⵎⵙⴰⵏ ⴳ ⵍⵎⵖⵔⵉⴱ ⵎⴰⵙ ⵓⵎⵓⵙⵙⵓ ⴰⴷⵎⵙⴰⵏ ⴳ ⵍⵎⵖⵔⵉⴱ ⵔⴰⴷ ⵉⴳ "ⵙ ⵉⵎⵉⴽ ⵉⵎⵉⴽ" ⴷ "ⴰⵎⵣⴰⵔⴰⵢ" ⴳ ⵓⵣⵎⵣ ⵉⵇⵔⴱ .

ⵜⵙⵓⵍ ⵜⵏⵏⴰ ⵜⴹⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵎⴰⵙ ⵉⵙⵏⵎⵍⴰ ⴰⴷ ⵉⵎⵓⵙⵓ ⵜⵎⵔⵏⵉⵡⵜ ⵏ ⵓⵙⵢⴰⴼⵓ ⴰⴷⵖⵔⴰⵏ ⵏ ⵜⵓⴷⵉⵜ ⴰⵔ 4.6 % ⴳ ⵓⵙⴳⴳⵯⴰⵙ 2021 ⴷ ⵢⴰⵙⵉ ⵏ ⵜⵜⵓⵙⴽⵉⵔⵜ ⵜⴰⴷⵓⵙⵜ ⵏ ⵉⴳⵔ ⵏ ⵜⵏⴼⵍⴰⵃⵜ ⴷ ⵜⵊⵊⵉ ⵏ ⵜⴼⵓⵍⵜ ⵏ ⵉⴳⵔⵏ ⵏ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ .

ⴳ ⵓⵎⵎⴰⵙ ⵏ ⵙⵉⵏⴰⵔⵢⵓ ⴰⴷⵍⵙⴰⵏ ⵉⵏⵏⴰ ⵍⴱⴰⵏⴽ ⴰⵎⴰⴹⵍⴰⵏ ⵎⴰⵙ " ⴰⵙⵢⴰⴼⵓ ⴰⵏⴼⵍⵍⴰⵃ ⵓⴳⴳⵔ ⵏ ⵉⵙⵡⴰⵏ ⵉⵎⵣⵔⵓⵢⵏ ⴷ ⴰⵎⵣⵣⵉⵣⵍ ⵏ ⵓⴳⵣⵣⴰⵢ ⵍⵍⵉ ⵜⵍⴰⵢ ⵎⴰⵢⴰⴷ ⵉⵙⵖⵡⵙ ⴷ ⵜⵙⵔⵜⵉⵜ ⵏ ⵉⵇⵔⵉⴹⵉⵏ ⴳ ⵉⴼⵓⵍⴽⵉ ⴷ ⵜⵎⵀⵍⴰ "ⵓⵔⴳⴳⵉⴳ ⵏ ⵜⵎⵙⴰⵙⵜⵍⵜ ⵙ ⵉⵎⵉⴽ ⵉⵎⵉⴽ ⴷ ⵓⴹⵕ ⵏ ⵍⵄⴰⵣ ⴳ ⵓⵙⴳⴳⵯⴰⵙ 2021.

ⵜⵙⵓⵍ ⵜⵏⵏⴰ ⵜⴹⴰ ⵎⴰⵙ ⴷⴼⴼⵉⵔ ⵏ ⵙⵉⵏ ⵉⵙⴳⴳⵯⴰⵙⵏ ⵉⴹⴼⴰⵔⵏ ⵙⴳ ⵜⵔⵖⵉ ⵏⵏⴰⵏ ⵉⵙⴼⴽⴰⵏ ⵎⴰⵙ ⵓⵙⴳⴳⵯⴰⵙ ⴰⵏⴼⵍⴰⵃ 2020/2021 "ⵔⴰⴷ ⵉⴳ ⴰⴷⴷⴷⵓⵙ, ⵉⵣⵎⵎⵓⵎ ⵎⴰⵙ ⵓⵥⴰⵕ ⵉⴳⴳⵓⵜⵏ ⴳ ⵉⵢⵢⵓⵔⵏ ⵉⴳⴳⵯⵔⴰⵏ ⵜⵎⵍⴰ ⵏ ⵓⵣⵣⵔⴰⵢ ⴰⴷⵍⵙⴰⵏ ⵏ ⵉⵙⵏⵎⵍⴰ ⵏ ⵓⵙⵢⴰⴼⵓ ⵏ ⵎⵃⵚⵍ ⴰⴷⵍⵙⴰⵏ ⵏ ⵍⵎⵖⵔⵉⴱ.

ⴷ ⴰⵙⵏⵉⵎⴰⵍ ⴰⴷ ⵉⴳ ⵓⵎⵓⵙⵙⵓ ⵏ ⵉⴳⵔ ⵏ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ ⵙ ⵉⵎⵉⴽ ⵉⵎⵉⴽ ⴷ ⵜⵎⵔⵏⵉⵡⵜ ⵏ ⵓⵜⵉⴳ ⵉⵣⴰⵢⴷⵏ ⴳ ⵓⵙⵖⵏ 3.4ⴷ 3.1 % ⴳ ⵓⵏⵎⵍⴰ ⵏ ⵓⵙⵜⴰⵢ ⴷ ⵓⵎⴰⵣ ⴳ ⵍⴱⴷⵓ ⵏ ⵉⵄⵟⵕ ⵏ ⵜⵎⵙⵙⵓⵔⵉⵏ ⵜⵉⵙⴱⴱⴰⴱⵉⵏ ⵜⵉⵎⵖⵔⴰⴱⵢⵉⵏ ⴳ ⵍⴱⴷⵓ ⵏ ⵓⵙⴳⴳⵯⴰⵙ ⴷ ⴰⴷⵡⴰⵍ ⵉⵖⵣⵣⵉⴼ ⵏ ⵜⵎⵍⴰⵢⵜ ⵜⴰⵎⴰⴹⵍⴰⵏⵜ .

ⵓⵍⴰ ⵉⵙⴷⴷⵉⴷ ⵍⴱⴰⵏⴽ ⴰⵎⴰⴹⵍⴰⵏ ⵎⴰⵙ ⵍⵎⵖⵔⵉⴱ ⵉⴳ ⵜⵎⴰⵣⵉⵖⵜ ⵎⴰⵢⴰⴷ ⵜⵎⵣ ⵏ ⵜⵙⵙⴰⵙⵜ ⵏ ⵓⴼⵉⵔⵓⵙ ⴽⵓⵕⵓⵏⴰ ⴰⵎⵎⴰ ⵣⵎⵣ ⵏ ⵓⵔⵥⵥⵓⵎ ⵏ ⵓⵖⴰⵡⴰⵙ ⵉⴼⵓⵍⴽⵉ ⵏ ⵉⵚⵍⴰⵃⴰⵜ ⵖⵓⵔⵙⵏ ⵜⵍⴽⴰⵎⵉⵏ ⵉⵙⵏⴼⵍⴰⵏ 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1%E2%B4%B0%E2%B5%8E%E2%B5%93%E2%B5%99%E2%B5%99%E2%B5%93-%E2%B4%B0%E2%B4%B7%E2%B5%8E%E2%B5%99%E2%B4%B0%E2%B5%8F-%E2%B5%99-%E2%B5%89%E2%B5%8E%E2%B5%89%E2%B4%BD-%E2%B5%89%E2%B5%8E%E2%B5%89%E2%B4%BD-%E2%B4%B3-%E2%B5%93%E2%B5%A3%E2%B5%8E%E2%B5%A3-%E2%B5%89%E2%B5%87%E2%B5%94%E2%B4%B1%E2%B5%8F-%E2%B5%8D%E2%B4%B1%E2%B4%B0%E2%B5%8F%E2%B4%BD-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F