ⵜⵉⵎⵜⴰⵔⵉⵏ ⵏ ⵜⵎⵓⴽⵔⵉⵙⵜ ⵜⴰⴱⴰⵢⵢⵓⵔⵜ " ⵎⴽⵏⵜ ⴱⴰⵀⵔ " ⴳ ⵓⵎⵎⴰⵙ ⵏ ⵓⵔ ⵉⵍⵜⵖⵏ ⵙ ⵉⴰⵎⴽⵏ ⵏ ⵓⵃⵟⵟⵓ (ⴰⵎⵙⵜⴳⴳⴰⵔ)

01 ⵢⵓⵍⵢⵓⵣ 2021 Version Imprimable

ⵕⵕⴱⴰⵟ - ⵙⴷⴷⵉⴷ ⵓⵣⴷⵓⵢ ⵏ ⵓⵎⵎⴰⵙ ⵏ ⵉⵖⴰⵡⵍⵏ ⵏ ⵜⴷⵓⵙⵉ ⵜⴰⵎⴰⵜⴰⵢⵜ ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⵓⵄⴰⴷ ⵍⵎⵔⴰⴱⵟ ⵎⴰⵙ ⴰⵣⵎⵎⵓⵎ ⵏ ⵜⵎⵜⵔⴰⵉⵏ ⴰⵙⵏⵓ ⵉⵣⴹⴰⵔⵏ ⵉⵙ ⵜⵉⵍⵉ ⵜⴰⵎⵓⴽⵔⵉⵙⵜ ⵜⴰⴱⴰⵢⵢⵓⵔⵜ "ⵎⴽⵏⵜ ⴱⴰⵀⵔⴰ" ⴳ ⵓⵙⴰⵜⵉ ⵏ ⵓⵔ ⵉⵍⵉ ⴰⴼⴰⴽⵔ ⵏ ⵉⵎⴽⵏ ⵏ ⵓⵃⵟⵟⵓ ⴷ ⵉⵙⵡⵓⴷⴷⵓⵏ ⵉⵅⵚⵚⴰⵏ ⵏ ⵓⵙⴱⵉⴷⴷ ⵏ ⵓⵙⴼⵙⵔ ⵏ ⵓⴼⵉⵔⵓⵙ (ⴽⵓⴼⵉⴷ-19).

ⵉⵙⵓⵍ ⵉⵏⵏⴰ ⵎⴰⵙⵙ ⵍⵎⵔⴰⴱ ⵎⴰⵢⴰ ⵉⴳⴰⵏ ⵓⵏⴱⴳⵉ ⵏ ⵜⴼⴰⵡⵜ ⵏ ⵓⵣⵡⴰⵏ ⵏ ⵉⵏⵖⵎⵉⵙⵏ ⵜⴰⵎⵖⵔⴰⴱⵉⵜ (ⵕⵉⵎ ⵔⴰⴷⵢⵓ) ⵎⴰⴷ ⵉⵎⵍⴰⵏ ⴰⵎⵏⵓⵙ ⵎⴰⵙ ⵜⵎⵜⵔⵉⵏ ⵜⴽⵛⵎ ⴳ ⵉⵙⵓⵜⵍⵏ ⵉⵎⴰⴹⵍⴰⵏⵏ ⴷ ⵓⵙⴼⵙⵔ ⵢⵡⵙⵄⵏ ⴳ ⵉⵜⵜⵓⵙⵏⴼⵍⵏ "ⴷⵉⵍⵜⴰ" ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵉⵎⵓⵏ ⵏ ⵍⴱⴷⵓ ⵏ ⵓⵏⴱⴷⵓ ⴷ ⵜⵔⵏⵓⵏⵜ ⵏ ⵉⵏⵎⴰⴷⴷⵓ ⵏ ⵡⴰⴹⵓ ⵍⵍⵉ ⵔⴰⴷ ⵓⵊⵊⴰⵏ ⵉⵏⵎⵓⵔⵉⵏ ⴷ ⵉⵎⵍⴰⵢⵉⵏ ⵏⵖⴷ ⵎⵛⵜⴰ ⵏ ⵜⵎⵉⵣⴰⵔ ⴷ ⵉⵍⴽⵎⵏ ⵏ ⵉⵖⵍⵉ ⵏ ⵓⵎⵓⵙⵙⵓ ⵏ ⵉⵏⵎⵓⴷⴷⴷⵓⵏ ⴷ ⵉⵎⵓⵙⵙⵓⵏ .

ⵉⴼⵔⴰ ⵢⵉⵏⵏⴰ ⵎⴰⵙ ⵉⵍⵍⴰ ⴽⵕⴰⴹ ⵏ ⵜⵎⵜⵔⵉⵏ ⵢⵓⵊⵊⴰⵏ ⵉⵎⴽⵏ ⵏ ⵜⴹⴹⴰⵏⴳⴰ ⵜⴰⵎⴰⵢⵏⵓⵜ ⵏ ⵢⵓⵜⵏ ⵏ ⵓⴼⵉⵔⵓⵙ ⴳ ⵍⵎⵖⵔⵉⴱ ⵉⴳⴰ ⵍⵃⴰⵍ ⵏ ⵓⵙⵖⵏ ⵜⴰⵎⵔⵡⵜ ⵏ ⵉⵙⵙⴼⵙⵢⵏ ⵖⵍⵉⵏⵏ (ⴰⵣⵎⵣ ⵏ ⵓⵙⴼⵙⵔ ⵏ ⵓⴼⵉⵔⵓⵙ ⵙ ⵉⵙⵎⴰⵢⵏⵓ) ⴷ ⴰⵖⴰⵡⵍ ⵏ ⵓⵙⴼⵙⵔ (ⴰⵙⵖⵏ ⵏ ⵢⵓⵜⵏ ⴳ 24 ⵜⵙⵔⴰⴳⵜ) ⴷ ⴰⵖⴰⵡⵍ ⵏ ⵜⵎⵜⴰⵔⵜ ⵏ ⵉⵡⵍ ⵏ ⵉⵎⴷⵢⴰⵡⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%89%E2%B5%8E%E2%B5%9C%E2%B4%B0%E2%B5%94%E2%B5%89%E2%B5%8F-%E2%B5%8F-%E2%B5%9C%E2%B5%8E%E2%B5%93%E2%B4%BD%E2%B5%94%E2%B5%89%E2%B5%99%E2%B5%9C-%E2%B5%9C%E2%B4%B0%E2%B4%B1%E2%B4%B0%E2%B5%A2%E2%B5%A2%E2%B5%93%E2%B5%94%E2%B5%9C-%E2%B5%8E%E2%B4%BD%E2%B5%8F%E2%B5%9C-%E2%B4%B1%E2%B4%B0%E2%B5%80%E2%B5%94-%E2%B4%B3-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%94-%E2%B5%89%E2%B5%8D%E2%B5%9C%E2%B5%96%E2%B5%8F-%E2%B5%99-%E2%B5%89%E2%B4%B0%E2%B5%8E%E2%B4%BD%E2%B5%8F-%E2%B5%8F-%E2%B5%93%E2%B5%83%E2%B5%9F%E2%B5%9F%E2%B5%93