Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⴹⴹⴰⵕⵍⴱⵉⴹⴰ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⴹⴹⴰⵕⵍⴱⵉⴹⴰ

23 ⵢⵓⵍⵢⵓⵣ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ,ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ , ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⵏ ⵕⵎⴹⴰⵏ.

ⵉⵙⵎⵓⵙⵙⵓ ⵜⴰⵎⵙⵙⵉⵔⴷⵜ ⴰⴷ ⵛⵉⵅ ⵎⵓⵃⵎⵎⴷ ⴰⵃⵎⴰⴷ ⵃⵓⵙⵉⵏ, ⴰⵎⵓⴼⵜⵉ ⴰⵎⵇⵕⴰⵏ ⵏ ⵍⵇⵓⴷⵙ ⴷ ⴼⵉⵍⵉⵚⵟⵉⵏ ⵅⴼ ⵜⵎⵔⵏⵓⵜ «ⴰⵎⵎⵓⴷⴷⵓ ⵙ ⵜⵉⵎⵣⴳⵉⴷⴰ ⵏ ⵍⴰⵇⵚⴰ ».

ⵉⵏⵏⴰ ⵛⵛⵉⵅ ⵎⵓⵃⵎⵎⴷ ⴰⵃⵎⴰⴷ ⵃⵓⵙⵉⵏ ⵉⵙ ⵜⴳⴰ ⵜⵎⵢⵓⵔⵜ ⵜⴰⵎⵙⴷⴷⵓⵔⵜ ⴳ ⵜⴰⵢⵔⵉ ⵍⵍⵉ ⴼⵍⵍⴰⵖ ⵉⵍⵍⴰⵏ ⵏ ⴽⵕⴰⴹ ⵏ ⵉⴷⵖⴰⵔⵏ ⵥⵍⵉⵏⵉⵏ, ⵍⵍⵉ ⵢⵉⴳⴰⵏ ⵜⵉⵎⵣⴳⵉⴷⴰ ⵃⴰⵕⴰⵎ ⵏ ⵎⴽⴽⴰ, ⵜⵉⵎⵣⴳⵉⴷⴰ ⵏ ⵏⵏⴰⴱⵉ ⴳ ⵍⵎⴰⴷⵉⵏⴰ ⴷ ⵜⵉⵎⵣⴳⵉⴷⴰ ⵏ ⵍⴰⵇⵚⴰ.

ⵜⵉⵎⵣⴳⵉⴷⴰ ⵏ ⵍⴰⵇⵚⴰ ⵜⴳⴰ ⵜⴰⵍⴰ ⵏ ⵉⵙⴳⴷⴰⵏ ⵏ ⵉⴳⵏⵡⴰⵏ ⴷ ⴰⴽⴰⵍ ⵏ ⵕⵕⵓⵙⵓⵍ, ⵙⴳ ⵙⵉⴷⵏⴰ ⵉⴱⵕⴰⵀⵉⵎ ⴰⵔ ⵏⵏⴰⴱⵉ ⵄⵉⵙⴰ ⴷ ⵕⵕⴰⵙⵓⵍ ⵎⵓⵃⵎⵎⴷ ⵜⴰⵥⴰⵍⵍⵉⵜ ⴷ ⵜⵓⵜⵔⴰ ⴼⵍⵍⴰⵙ.

ⵉⵏⵏⴰ ⵍⵎⵓⴼⵜⵉ ⵉⵙ ⵉⵅⵚⵚⴰ ⴰⴷ ⵢⵉⵍⵉ ⵓⵎⵓⴷⴷⵓ ⵙ ⵍⵇⵓⴷⵙ ⵖⵎⴽⵍⵍⵉ ⵙ ⵉⵏⵏⴰ ⵕⵕⴰⵙⵓⵍ, ⵖⵎⴽⵍⵍⵉ ⵙ ⵉⵍⵍⴰ ⵙ ⵉⴷⵖⴰⵔⵏ ⴰⴹⵏⵉⵏ ⵏ ⵍⵉⵙⵍⴰⵎ, ⴰⵎⴰⵄⵍⴰ ⵖⵉⵍⴰⴷ ⵍⵍⵉⵖ ⴳⵉⵙ ⵍⵍⴰⵏ ⵉⵎⵓⴽⵔⵉⵙⵏ ⵅⵛⵏⵏⵉⵏ ⵏ ⵓⵙⴷⵓⵔⵔⵉ ⵏ ⵉⵙⵔⴰⵢⵉⵍ ⵍⵍⵉ ⵢⵉⵙⵙⵅⵙⴰⵔⵏ ⵉⵙⴰⵜⵉⵏ ⵎⵇⵇⴰⵔ ⴳⴰⵏ ⵡⵉⵏ ⵍⴰⵡⵇⴰⴼ.

ⴰⵙⵖⵍⴼ ⴰⴷ ⵏ ⵓⵎⵓⴷⴷⵓ ⵙ ⵜⵎⵣⴳⵉⴷⴰ ⵏ ⵍⴰⵇⵚⴰ ⴼ ⵜⴷⵍⵙⴰ, ⵉⴳⴰ ⵖ ⵓⵙⴰⵜⵉ ⵏ ⵍⵀⵎⵎ ⵍⵍⵉ ⵢⵉⵅⵚⵚⴰⵏ ⴰⴷ ⵢⵉⵍⵉ ⴷⴰⵔ ⴽⵔⴰ ⵉⴳⴰⵜⵜ ⴰⵎⵓⵙⵍⵎ ⴰⴷ ⵢⴰⵡⵙ ⵉ ⵢⴰⵢⵜ ⵍⵇⵓⴷⵙ ⴳ ⵜⴰⵙⵙⴰⵙⵜ ⵏⵏⵙⵏ.

ⵉⵙⵏⵉⵎⵎⵔ ⵛⵉⵅ ⵎⵓⵃⵎⵎⴷ ⵃⴰⵎⴰⴷ ⴰⵜⵉⴳ ⵍⵍⵉ ⵢⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵏⵏ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵉ ⵜⵎⵣⴳⵉⴷⴰ ⵏ ⵍⵇⵚⴰ ⴷ ⵜⵡⵓⵔⵉ ⵏ ⵓⵎⴰⴷⴷⵓⴷ ⴰⵎⵖⵔⴰⴱⵉ ⴳ ⵓⵏⵀⵍ ⵏ ⵉⴷⵖⴰⵔⵏ ⵉⵎⵙⵜⴳⴳⴰⵔ ⵏ ⵜⵎⴷⵉⵏⵜ ⴰⴷ.

ⴳ ⵜⴳⴰⵔⴰ ⵏ ⵓⵍⵎⵓⵇⵇⴰⵕ ⴰⴷ, ⵣⵣⵓⵍⵏ ⵎⵏⵏⴰⵡ ⵏ ⵉⴷ ⴱⴰⴱ ⵏ ⴼⵉⵇⵀ ⴷ ⵜⵓⵙⵙⵏⴰ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢ ⴷ ⵍⵇⴱⵍⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ.

ⵉⴼⴽⴰ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵉⵏ ⵏ ⵍⵉⵙⵍⴰⵎ ⵎⴰⵙⵙ ⵃⵎⴰⴷ ⵜⴰⵡⴼⵉⵇ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴷⵍⵉⵙⵏ ⵍⵍⵉ ⴷ ⴱⵃpⵔⴰ ⴼⴼⴰⵖⵏⵉⵏ g ⵎⵏⵏⴰⵡ ⵏ ⵉⴳⵔⴰⵏ ⵏ ⵍⴼⵉⵇⵀ ⴷ ⵜⵓⵙⵙⵏⴰ ⵜⵓⵙⵍⵉⵎⵜ.

Dernière modification : 23 ⵢⵓⵍⵢⵓⵣ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0