Published on MAPNews (https://www.mapnews.ma/am)

Accueil > ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵉⴽⵏⵉ ⵏⵏⵙ ⴰⵟⴰⵏⵣⴰⵏⵉ 

ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵉⴽⵏⵉ ⵏⵏⵙ ⴰⵟⴰⵏⵣⴰⵏⵉ 

14 ⵢⵓⵍⵢⵓⵣ 2021 Version Imprimable
ⵕⵕⴱⴰⵟ - ⵉⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴳ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵜⵏⵣⴰⵏⵉⵜ ⵎⴰⵙⵙ ⴽⴰⵙⵉⵎ ⵎⵊⴰⵍⵉⵡⴰ ⵍⵍⵉ ⵢⵙⴽⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵙ ⵉⵅⴼ ⵏ ⵢⴰⵏ ⵓⴽⴰⴱⴰⵕ ⵓⵏⴱⵉⴹ ⵉⴷⴷⵓⵔⵏ ⵙⵡⵍⵏ ⵅⴼ ⵎⵛⵜⴰ ⵏ ⵉⴷⵎⴰⵡⵏ ⵏ ⵜⵓⵇⵇⵏⵉⵏ ⵜⴷⴷⵓⴽⴽⵍ ⴷ ⵓⵎⵢⴰⵡⴰⵙ ⴳⵔ ⵙⵏⵜⴰ ⵜⵎⵉⵣⴰⵔ ⴷ ⵉⴱⵔⵉⴷⵏ ⵏ ⵓⵙⴷⵓⵙ ⵏⵏⵙⵏⵜ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⴰⵎⴰⴳⵔ ⴰⴷ ⵉⴳⴰ ⴰⵣⵎⵎⵣ ⵏ ⵉⵎⵍⴰ ⵏ ⵙⵉⵏ ⵜⴼⵓⵍⵉⵏ ⵉⵎⵏⵉⴷⵏ ⵏ ⵓⵙⴷⵓⵙ ⴷ ⴰⵙⵙⵓⵙⵄⵓ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵎⵛⵜⴰ ⵏ ⵉⴳⵔⵏ ⵉⴼⵔⴰ ⵢⵉⵏⵏⴰ ⵎⴰⵙ ⵉⵎⵍⴰ ⵓⵎⴰⵡⵙⴰⵙ ⴰⵎⴰⵣⵡⴰⵔⵓ ⵏ ⵟⴰⵏⵣⴰⵏⵢⴰ ⵜⵉⵔⴰⵜ ⵏ ⵜⵎⵉⵣⴰⵔⵜ ⵏⵏⵙ ⴰⴷ ⵜⵙⴱⵖⵓⵔ ⵏ ⵉⵔⵉⵎ ⵏ ⵍⵎⵖⵔⵉⴱ ⴷ ⵉⵔⵉⵎⵏ ⵉⵎⵓⵔⵙⵏ ⵏ ⵜⴳⵍⴷⵉⵜ ⴳ ⵎⵏⵏⴰⵡ ⵏ ⵉⴳⵔⴰⵏ ⵉⵏⴳⵎⵓⵏ ⴰⵎⵎ ⵜⵏⴼⵍⴰⵃⵜ ⴷ ⵜⴳⵎⵔⵜ  ⵜⴰⵢⵍⴰⵏⵜ ⴷ ⵜⵏⵎⵍⴰⵢⵜ ⴷ ⵉⵏⴽⵔⵙ ⵏ ⵜⵉⵥⴹⵉⵕⵙⵎⴰⵢⵏⵓⵏ ⴷ ⵜⵎⴳⵓⵔⵉⵏ ⵉⵙⵏⴼⵍⵏ ⴷ ⵜⵎⴳⵓⵔⵉ ⵏ ⴰⵏⴳⵔⵉ ⴷ ⵢⴰⴹⵏⵉⵏ.

ⵉⵎⵍⴰ ⵓⵎⵙⵜⴳⴳⴰⵔ ⵜⴰⵏⵎⵉⵔⵜ ⵏⵏⵙ ⵏ ⵜⵎⴰⵣⵉⵖⵜ ⵏⵏⵙ ⵏ ⵓⵏⵏⴰⵍ ⵍⵍⵉ ⵢⵙⵎⵏⵉⴷ ⵍⵎⵖⵔⵉⴱ ⵙⴰⵍⵡⵏ ⴰⴽⴽⵯ ⴳ ⵉⴳⵔ ⵏ ⵓⵙⵎⵓⵜⵜⴳ ⵏ ⵉⵙⴰⴳⵎⵏ ⵉⵏⴼⴳⴰⵏⵉⵏ  ⴷ ⵓⵙⵏⵓⴱⴳ ⵏ ⵉⵎⵃⴹⴰⵔⵏ ⴳ ⵎⵛⵜⴰ ⵏ ⵜⵎⵔⵙⴰⵍⵉⵏ ⵜⵉⵏⴰⵎⵓⵔⵉⵏ ⴷ ⵜⵎⵓⵏ ⴰⴽⴷ ⵏ ⵜⴳⵎⵉ ⵏ ⵉⴳⵔⴰ ⴰⵎⴰⵏⵓⵏ 

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⵙⵎⵢⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵓⵙⵓⵊⴷ ⴰⵎⵖⵍⴰⵍ ⵏ ⵍⵎⵖⵔⵉⴱ ⴰⴷ ⵉⵎⵓⵏ ⴰⴽⴷ ⵏ ⵜⴳⵎⵉ ⴷ ⵓⵙⵙⴰⵢ ⵏ ⵉⵔⵎⵉⵏ ⴳ ⵉⵡⴰⵏⴽⵏ ⵉⴼⵔⵉⵇⵢⵉⵏ ⵉⵎⴷⴷⵓⴽⴽⵍ ⴷ ⴰⵔⵥⵥⵓⵎ ⵏ ⵜⴳⵍⴷⵉⵜ ⵡⴼ ⴰⴽⴽⵯ ⵉⵖⴰⵡⴰⵙⵏ ⴷ ⵉⵙⵏⵜⵉⵏ ⵏ ⵓⵏⴳⵎⵓ .

ⵉⴼⵔⴰ ⵢⵉⵏⵏⴰ ⵎⴰⵙ ⵉⵙⵏⵜⵉⵏ ⴰⴷ ⵔⴰⴷ ⴷⵓⵍⵏ ⵙ ⴰⴼⵓⵍⴽⵉ ⵅⴼ ⵜⵎⵣⴷⴰⵖⵜ ⵏ ⵓⵎⵣⵏⵣⵓ ⵉⵎⵓⵏ ⵏ ⵉⵡⵜⵜⴰⵙⵏ ⵏ ⵜⵙⵔⵜⵉⵜ ⵜⵉⴼⵔⵉⵇⵉⵜ ⵍⵍⵉ ⵜⵓⵎⵣ ⵜⴳⵍⴷⵉⵜ ⵙ ⵜⵏⵙⵉⵅⴼⵜ ⵜⴰⴼⵓⵍⴽⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⵣⵎⵎⵓⵎ ⵓⵏⵙⵉⵅⴼ ⵏ ⵜⵏⴱⴰⴹⵜ ⵎⴰⵢⴰⴷ ⵉⵏⵏⴰ ⵡⵙⵉⵡⴹ ⵎⴰⵙ ⴰⵣⵔⴰⴼ ⵏ ⵉⴽⵏⵉ ⵏⵏⵙ ⴰⵟⵏⵣⴰⵏⵉ ⵙ ⵉⵅⴼ ⵏ ⵓⴽⴰⴱⴰⵕ ⵉⴷⴷⵓⵔⵏ ⵉ ⵜⴳⵍⴷⵉⵜ ⵔⴰⴷ ⵜⵕⵥⵎ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵎⵛⵜⴰ ⵏ ⵉⴳⵔⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%BD%E2%B5%94-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B7-%E2%B5%89%E2%B4%BD%E2%B5%8F%E2%B5%89-%E2%B5%8F%E2%B5%8F%E2%B5%99-%E2%B4%B0%E2%B5%9F%E2%B4%B0%E2%B5%8F%E2%B5%A3%E2%B4%B0%E2%B5%8F%E2%B5%89%C2%A0