ⴰⵙⴳⵔⴰⵡ ⵏ "ⵍⴰⵎⴰⴱ" ..ⵉⵖⵕⴰ ⵎⴰⵙ ⵍⵄⵜⵎⴰⵏⵉ ⴰⴼⴰⴷ ⵢⵉⵍⵉ ⵓⵍⵍⵙ ⵏ ⵜⵖⵍⵉⴼⵜ ⴳ ⵜⵡⵓⵔⵉ ⵜⴰⵙⵔⵜⴰⵏⵜ

03 ⵖⵓⵛⵜ 2021 Version Imprimable

ⵕⵕⴱⴰⵟ - ⵉⵖⵕⴰ ⵡⵏⴼⵍⵓⵙ ⴰⵎⴰⵜⴰⵢ ⵏ ⵓⴽⴰⴱⴰⵕ ⵜⴰⵏⵣⵣⴰⵔⴼⵓⵜ ⴷ ⵜⴰⵏⴼⵍⵉⵜ, ⵎⴰⵙⵙ ⵙⴰⵄⴷ ⴷⴷⵉⵏ ⵍⵄⵜⵎⴰⵏⵉ ⴰⵙⵙ ⵏ ⵓⵙⵉⵏⴰⵙ ⵖ ⵕⵕⴱⴰⵟ ⴰⴼⴰⴷ ⵢⵉⵍⵉ ⵓⵍⵍⵙ ⵏ ⵜⵖⵍⵉⴼⵜ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⴷ ⵉⴽⴰⴱⴰⵕⵏ ⵉⵙⵜⵔⴰⵏⵏ ⵎⵔⴰⴷ ⴰⴷ ⵜⵜⵓⵙⴷⵓⵙ ⵏ ⵓⵍⵜⵖ ⴳ ⵜⵎⵀⵍⴰ ⵏ ⵓⵙⵜⴰⵢ.

ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⵎⴰⵢⴰⴷ ⵉⴳⴰⵏ ⵓⵏⴱⴳⵉ ⵏ ⵓⵙⴳⵔⴰⵡ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ" ⵎⵔⴰ ⴰⴷ ⵉⵎⴹⴰⴽⴰⵕ ⵅⴼ ⵓⵙⴳⵓⵎ "ⴰⴽⴰⴱⴰⵔ ⵜⴰⵏⵣⵣⴰⵔⴼⵓⵜ ⴷ ⵜⴰⵏⴼⵍⵉⵜ ⴷ ⵉⵙⵜⴰⵢⵏ ⵏ 2021: ⵉⵙ ⵜⵍⴽⵎ ⵜⵙⵔⴰⴳⵜ ⵏ ⵓⵙⵎⵏⵉⴷ ⵏ ⵜⵎⴰⵖⵓⵏⵜ?" ⵎⴰⵙ ⵓⵍⵍⴰⵙ ⵏ ⵜⵖⵍⵉⴼⵜ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⵉⴳⴰ ⴰⵎⵎⴰⵙ ⵏ ⵓⵙⴳⵓⵎ ⵏ ⵓⵖⴰⵡⴰⵙ ⴰⵙⵜⴰⵢ ⵏ ⵓⴽⴰⴱⴰⵕ ⵏ ⵜⴰⵏⵣⵣⴰⵔⴼⵓⵜ ⴷ ⵜⴰⵏⴼⵍⵉⵜ ⵉⵙⵓⵍ ⵉⵏⵏⴰ ⵎⴰⵙ ⵉⵅⵚⵚⴰ ⴰⵙⴷⵓⵙ ⵏ ⵜⵖⵍⵉⴼⵜ ⴳⵔ ⵉⵏⵎⵓⵔⵉⵏ ⴷ ⵉⴰⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵓⵎⵏⵉⴷ ⵏ ⵉⵎⵓⵔⵙ ⵏ ⵉⵙⵜⴰⵢⵏ ⵢⵓⵛⴽⴰⵏ .

ⴷⴼⴼⵉⵔ ⵍⵍⵉⵖ ⵉⵏⵏⴰ ⵎⴰⵙ "ⵜⴰⵙⵔⵜⵉⵜ ⴱⵍⴰ ⵜⵖⵍⵉⴼⵜ ⵓⵔ ⵜⴳⴰ ⵜⴼⵓⵍⴽⵉ ⵉ ⵜⵎⴰⵣⵉⵔⵜ " ⵉⵏⵏⴰ ⵎⴰⵙⵙ ⵍⵄⵜⵎⴰⵏⵉ ⴰⴷⴷⵓⵔ ⵏ ⵜⵓⴳⴳⴰⵣ ⵏ ⴰⴽⴽⵯ ⵉⵎⵙⴽⴰⵔⵏ ⴳ ⵍⴱⴷⵓ ⵏ ⵜⵏⵖⵎⴰⵙⵜ ⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⵜⵏⴱⴰⴹⵉⵜ ⴷ ⵓⵡⴰⵏⴽ ⴷ ⵉⵍⴽⵎⵏ ⴰⵔ ⴰⵎⵓⵏ ⵓⵖⵔⵉⵎ ⴷ ⵉⵏⵎⵓⵔⵉⵏ ⵏ ⵓⵙⴷⵓⵙ ⵏ ⵓⵍⵜⵖ ⴳ ⵓⵏⵙⴰ ⴰⵙⵔⵜⴰⵏ ⴷ ⵉⴳⵍⴰ ⵏ ⵉⵎⴹⴽⴰⵕ " ⴰⵎⵓⴼⴰⵡ ⴷ ⵉⴼⵓⵍⴽⵉⵏ" .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%89%E2%B5%96%E2%B5%95%E2%B4%B0-%E2%B5%8E%E2%B4%B0%E2%B5%99-%E2%B5%8D%E2%B5%84%E2%B5%9C%E2%B5%8E%E2%B4%B0%E2%B5%8F%E2%B5%89-%E2%B4%B0%E2%B4%BC%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%93%E2%B5%8D%E2%B5%8D%E2%B5%99-%E2%B5%8F-%E2%B5%9C%E2%B5%96%E2%B5%8D%E2%B5%89%E2%B4%BC%E2%B5%9C-%E2%B4%B3-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%9C%C2%A0