ⴰⵎⵓⵙⵙⵓ ⵏ ⵓⵙⵙⵉⴷ ..ⴰⵙⴳⵎⴹ ⵅⴼ ⵓⵎⵙⴰⵙ ⵏ ⵓⵙⵙⴰⵢ ⵏ ⵜⴰⵜⵉⴽⵏⵓⵍⵓⵊⵉⵜ ⴳⵔ ⵍⵎⵖⵔⵉⴱ ⵍⴱⵔⴰⵣⵉⵍ

04 ⵖⵓⵛⵜ 2021 Version Imprimable

ⴱⵔⴰⵣⵉⵍⵢⴰ - ⵜⵏⵏⴰ ⵜⵎⵚⵕⵉⵜ ⵏ ⵓⵙⵖⵏⵣⵉ ⵜⴰⵄⵕⴰⴱⵜ-ⵜⴰⴱⵔⴰⵣⵉⵍⵉⵜ ⵎⴰⵙ ⵓⵎⵓⵙⵙⵓ ⵏ ⵜⵉⵥⴹⵕⴰ ⵜⴰⵣⴳⵯⵣⴰⵡⵜ ⴰⵏⵙⴰⵏ ⵓⵔⵣⵣⵓ ⴷ ⵓⵙⵎⵓⵜⵜⴳ ⴳ ⵉⴳⵔ ⵏ ⵜⵉⵥⴹⵕⴰ ⵏ ⵜⴼⵓⴽⵜ ⵙⴷ ⵓⵙⴱⵉⵎ ⵏⵏⵙ ⴳ ⵜⵖⵔⵎⵜ ⵏ ⴱⵏ ⴳⵔⵉⵔ ⵜⵙⴳⵎⴹ ⵢⴰⵏ ⵓⵎⵙⴰⵙⴰ ⵏ ⵓⵙⵙⴰⵢ ⵏ ⵜⴰⵜⵉⴽⵏⵓⵍⵓⵊⵉⵜ (GEP)

ⵉⵜⵜⵓⵙⴳⵎⴹ ⵅⴼ ⵓⵎⵙⴰⵙⴰ ⴰⴷ ⴳⵔ (Inesc P&D Brasil) ⵎⴰⵢⴰⴷ ⵉⴳⴰⵏ ⵜⵎⵔⵙⴰⵍⵜ ⵜⴰⵎⴰⵙⵏⵜ ⵏ ⵜⴰⵜⵉⴽⵏⵓⵍⵓⵊⵉⵜ ⵓⵔ ⵉⴳⴰⵏ ⵓⵏⴱⵉⴹ ⴷ ⵓⵏⵙⴰ ⵏ ⵜⵉⵥⵉⴹⵕⴰ ⵜⴰⵣⴳⵣⴰⵡⵜ ⵎⴰⵢⴰⴷ ⵉⴳⴰⵏ ⵜⵍⴽⴰⵎⵜ ⵏ ⵜⴷⵔⴰⵡⵜ ⴳⵔ ⵓⴳⵔⴰⵡ ⵏ ⵓⵙⵉⵔⴰ ⴰⵛⵛⵔⵉⴼ ⴷ ⵓⵙⵉⵏⴰⴳ ⵏ ⵓⵔⵣⵣⵓ ⵏ ⵜⵉⵥⴹ ⵏ ⵜⴼⵓⴽⵜ ⴷ ⵜⵉⵥⴹⵕⵉⵏ ⵙⵎⴰⵢⵏⵓⵏ .

ⵜⵏⵏⴰ ⵜⵙⵏⵓⵔⴰⵢⵜ ⵉⴹⴼⴰⵕⵏ ⵏⵜⵎⵚⵕⵉⵜ ⵏ ⵓⵙⵖⵏⵣⵉ ⵜⴰⴱⵔⴰⵣⵉⵍⵉⵜ (ANBA) ⵅⴼ ⵓⵏⵙⵙⵉⵅⴼ ⵏ ⵜⵎⵙⵙⵓⵔⵜ(Inesc P&D) ⵜⴰⴱⵔⴰⵣⵉⵍⵉⵜ ⴼⵍⴰⴷⵉⵎⵉⵔ ⵎⵉⵔⴰⵏⴷⴰ ⵉⵙⴷⴷⵉⴷ ⵏⵏⵙ ⵎⴰⵙ ⵓⵔ ⵉⴳⴰ ⵍⵃⴰⵍ ⵏ ⵜⴷⵔⴰⵡⵜ ⵜⴰⵎⵣⵡⴰⵔⵓⵜ ⴳⵔ ⵜⵎⵔⵙⴰⵍⵜ ⵜⴰⴱⵔⴰⵣⵉⵍⵉⵜ ⴷ ⵜⴰⵎⵖⵔⴰⴱⵉⵜ.

ⴳ ⵓⵙⵏⵜⵉ ⵢⴰⴹⵏⵉⵏ ⵡⵡⵓⵔⵉⵏ ⴷⴷⵓ ⵏ ⵓⴱⴰⵢⵢⵓⵕ ⵉⵔⵣⵣⵓⵏ ⵉⴱⵔⴰⵣⵍⵢⵉⵏ ⴷ ⵉⴱⵔⵜⵓⵖⴰⵍⵢⵉⵏ ⴳⵔⵙⵏ "vita pneuma" ⵎⵢⴰⴷ ⵉⴳⴰⵏ ⵉⵍⵍⵓⵍ ⴳ ⵙⵎⵔⵙ ⴳ ⵉⵎⴷⵢⴰⵡⵏ ⵏ ⵓⵖⴰⵡⵍ ⵉⵣⵍⵉⵏ ⵙ ⴽⵓⴼⵉⴷ19 ⴷ ⵉⵅⵚⵚⴰ ⵓⵎⵢⴰⵡⴰⵙ ⵏ ⵜⵓⵍⴰⵜⵉ ⵉⵙⵏⴼⴰⵍⵏ ⵏ ⵉⵏⵖⵎⵉⵙⵏ ⴷ ⵉⵏⴽⵔⵙ ⵏ ⵙⵢⴰⴼⵓⵏ ⵉⴷⵖⵔⴰⵏ ⵜⵔⴰⵔⵏ ⵅⴼ ⵉⵙⵍⵉⴳⵏ ⴽⵓ ⵜⵎⴰⵣⵉⵔⵜ .

ⵉⴼⵔⴰ ⵢⵉⵏⵏⴰ ⵎⴰⵙⵙ ⵎⵉⵔⴰⵏⴷⴰ ⵎⴰⵙ "ⵉⴳⴰ ⵍⵃⴰⵍ ⴳ ⵜⴽⵍⵉⵜ ⴰⴷ ⵜⴷⵔⴰⵡⵜ ⵜⴰⵎⵖⵔⴰⴱⵉⵜ-ⵜⴰⴱⵔⴰⵣⵉⵍⵉⵜ ⵉⵣⵍⵉⵏ ⵙ ⵉⴳⵔ ⵏ ⵓⵎⵓⵙⵙⵓ ⵏ ⵓⵙⵙⵉⴷ" .

ⵉⵙⵓⵍ ⵉⵏⵏⴰ ⵎⴰⵙ "ⵓⵙⵏⵜⵉ ⵉⵣⵔⵉⵏ ⵉⵎⵓⵔⵙ ⴷ ⵉⵅⵅⵚⴰ ⵓⵎⵢⴰⵡⴰⵙ ⵏⵏⵖ ⴳ ⵉⵙⵏⵜⵉⵏ ⵢⴰⴹⵏⵉⵏ ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%93%E2%B5%99%E2%B5%99%E2%B5%93-%E2%B5%8F-%E2%B5%93%E2%B5%99%E2%B5%99%E2%B5%89%E2%B4%B7-%E2%B4%B0%E2%B5%99%E2%B4%B3%E2%B5%8E%E2%B4%B9-%E2%B5%85%E2%B4%BC-%E2%B5%93%E2%B5%8E%E2%B5%99%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%99%E2%B4%B0%E2%B5%A2-%E2%B5%8F-%E2%B5%9C%E2%B4%B0%E2%B5%9C%E2%B5%89%E2%B4%BD%E2%B5%8F%E2%B5%93%E2%B5%8D%E2%B5%93%E2%B5%8A%E2%B5%89%E2%B5%9C-%E2%B4%B3%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1%C2%A0-%E2%B5%8D%E2%B4%B1%E2%B5%94%E2%B4%B0%E2%B5%A3%E2%B5%89%E2%B5%8D%C2%A0