Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵡⵏⴰⵡ ⵏ ⵉⵎⴰⵍ ⴷ ⵜⴳⵎⵉ (ⴰⵎⵓⵣⴰⵢ) 

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵡⵏⴰⵡ ⵏ ⵉⵎⴰⵍ ⴷ ⵜⴳⵎⵉ (ⴰⵎⵓⵣⴰⵢ) 

05 ⵖⵓⵛⵜ 2021 Version Imprimable
ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵎⵎⴰⵙ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵏ ⵉⵙⵜⵔⴰⵜⵉⵊⵉⵏ ⵎⴰⵙ ⵟⵕⵉⵇ ⴰⵜⵍⴰⵜⵉ ⵎⴰⵙ ⵉⴼⴽⴰ ⴱⴰⴱ ⵏⵡ ⴰⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵉⴼⴽⴰ ⴳ ⵉⵏⴰⵡ ⴷⴰⵜ ⵏ ⵜⵎⵜⵜⴰ ⵙ ⵓⵣⵎⵎⵣⵓ ⵏ ⵓⴽⵜⴰⵢ ⵡⵉⵙⵙ 22 ⵏ ⵓⴷⴰⴱⵓ ⵢⴰⵏ ⵓⵏⴰⵡ ⵏ ⵉⵎⴰⵍ ⴷ ⵜⴳⵎⵉ.

ⵉⴼⵔⴰ ⵢⵉⵏⵏⴰ ⵎⴰⵙ ⵜⵍⴰⵜⵉ ⵎⵢⴰⴷ ⵉⴳⴰ ⵓⵏⴱⴳⵉ ⵉⴹⵍⵍⵉ ⴰⵙⵙ ⵏ ⵓⴽⵕⴰⵙ ⴳ ⵜⴼⴰⵡⵜ ⵏ ⵓⵣⵡⴰⵢ  ⵏ ⵉⵏⵖⵎⵉⵙⵏ ⴰⵎⵖⵔⴰⴱⵉ (ⵔⵉⵎ ⵕⵕⴰⴷⵢⵓ) ⵎⴰⵙ ⵉⵙⵔⵙ ⵉⵏⴰⵡ ⵢⴰⵜⵜⵓⵢⵏ ⵜⵎⵜⴰⵔⵉⵏ ⵉⵎⵓⴼⴰⵢⵏ ⵏ ⵜⵜⵓⵙⵏⵔⴰ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵖⴰⵡⵍ ⵏ ⵓⵍⴰⵢ ⴰⴷⵎⵙⴰⵏ ⴷ ⵜⵏⴽⵔⵙ ⵏ ⵓⵙⵏⵜⵉ ⴰⵏⴰⵎⵓⵏ ⴳ ⵓⵙⴰⵜⵉ ⵉⴼⵓⵍⴽⵉⵏ ⴷ ⵜⴽⵍⵉ ⵜⴰⵎⴰⵢⵏⵓⵜ .

ⵉⵙⵓⵍ ⵉⵏⵏⴰ ⵎⴰⵙ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⴰⵍ ⵏ ⵜⴽⵍⵉ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⴰⴼⴰⴷ ⵏ ⵜⴳⵎⵉ " ⴳ ⵓⵙⴰⵜⵉ ⴰⵖⵣⵓⵔⴰⵏ ⴷ ⵉⴱⵉⴷⴷⵏ ⴷ ⵉⵣⵡⵓⵔⴰ ⵏ ⵜⴳⵎⵉ ⵜⴰⵎⵓⵏⵜ ⵜⴰⴷⵍⵙⴰⵏⵜ ⴷ ⵜⴰⵏⴰⵎⵓⵏⵜ ⵎⴰⵢⴰⴷ ⴱⵉⴷⴷⵏ ⵏ ⵜⴳⵔⵡⵍⴰ ⵜⴰⵎⴰⵢⵏⵓⵜ  ⵓⴳⵍⵍⵉⴷ ⴷ ⵓⵎⴰⴷⴰⵏ ⴳ ⵜⵏⴼⵓⵜ ⵏ ⵉⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ.

ⴳ ⵓⵙⴰⵜⵉ ⴷⵖ, ⵉⵏⵏⴰ ⵎⴰⵙⵙ ⵜⵍⴰⵜⵉ ⵎⴰⵙ ⵡⴰⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⵍⵍⵉ ⴷⵔⴰⵏ ⴳⵉⵙ ⵜⴳⴳⴰⵍⵉⵏ ⵜⵓⴷⵔⵉⵏ ⵏ ⵜⵎⵜⵜⴰ ⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⵉⵏⴳⵎⴰⵎⵏ  ⵉⴷⵍⵙⴰⵏⵏ ⴷ ⵉⵎⵎⵓⵍⵉⵏ ⴷ ⵉⵏⴰⵎⵓⵏⵏ ⴷ ⵓⵎⵓⵏ ⵓⵖⵔⵉⵎ ⵓⵔ ⵉⴳⴰ "ⴰⵙⵔⵙ  ⵉⵣⵔⵉⵏ" ⴷ ⵉⴳⴰ ⵓⵙⵏⵜⵉ ⴰⵏⴰⵎⵓⵏ ⴳ ⵓⵣⵎⵣ ⴰⵙⵖⵣⵣⵉⴼ ⵉⵅⵚⵚⴰⵜ ⴰⵙⵜⴰⵢ ⴰⵖⵣⵓⵔⴰⵏ ⴳ ⵜⴽⵍⵉ ⵜⵓⵙⵍⵉⴳⵜ.

ⵉⵙⵓⵍ ⵉⵏⵏⴰ ⵎⴰⵙ ⵡⴰⵏⴰⵡ ⵏ ⵓⵏⴳⵎⵓ ⵍⵍⵉ ⵉⵙⵙⵓⵜⵔ ⴰⴽⴽⵯ ⵜⴼⵓⵍⵉⵏ ⵏ ⵉⴳⵔⴰⵏ ⵉⵅⵚⵚⴰ ⴰⴷ ⵓⵔ ⵉⵥⵔⴰ ⴰⵎⵎ " ⵜⴰⵎⵥⵍⴰ ⴰⵙⵔⵜⴰⵏ" ⵎⴰⵛⵛⴰ "ⵜⴰⵎⵥⵍⴰ ⵏ ⵓⵏⴳⵎⵓ" ⴰⵏⴰⵎⵓⵏ ⴷ ⴰⴷⵎⵙⴰⵏ ⴳ ⵉⴱⵉⴷⴷ.

ⵉⵣⵎⵎⵓⵎ ⴰⵎⵙⴼⵙⵉ ⴰⵙⵜⵔⴰⵏ ⵎⴰⵙ ⵓⵙⵔⵙ ⵏ ⵡⴰⵏⴰⵡ ⵉⴳ ⵜⴰⵎⵙⵙⵓⴳⵔⵜ ⵜⴰⵏⴰⵎⵓⵔⵜ ⵉⵅⵚⵚⴰⵜ ⵜⴷⵔⴰⵡⵜ ⵏ ⵜⵉⵥⴹⵕⴰ ⵏ ⵜⵎⵜⵜⴰ ⴷ ⵜⵓⴳⴳⴰⵣ ⵏ ⴰⴽⴽⵯ ⵉⵎⵙⴽⴰⵔⵏ ⵎⵔⴰⴷ ⴷ ⵓⵙⵓⵡⴷⴷⵓ ⵏ ⵉⵍⵍⵓⵍⵏ ⵏ ⵜⴳⵎⵉ ⴳ ⵎⵛⵜⴰ ⵏ ⵉⵙⵡⵉⵔⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%A1%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%8E%E2%B4%B0%E2%B5%8D-%E2%B4%B7-%E2%B5%9C%E2%B4%B3%E2%B5%8E%E2%B5%89-%E2%B4%B0%E2%B5%8E%E2%B5%93%E2%B5%A3%E2%B4%B0%E2%B5%A2%C2%A0